ഒരൊറ്റ കാര്‍ഡിൽ യാത്ര ചെയ്യാം രാജ്യം മുഴുവനും!!

വൺ നേഷൻ വൺ കാർഡ്

ബാങ്കുകള്‍ നല്‍കുന്ന ഡെബിറ്റ്, ക്രെഡിറ്റ് കാര്‍ഡുകള്‍ മാതൃകയിലുള്ള ഇഎംവി-ചിപ്പ് അധിഷ്ഠിത ‘ഓപ്പൺ ലൂപ്പ്' സ്മാര്‍ട്ട് കാര്‍ഡാണ് നാഷണൽ കോമൺ മൊബിലിറ്റി കാർഡ്. വൺ നേഷൻ, വൺ കാർഡ്' പദ്ധതിയുടെ ഭാഗമാണിത്. ഇന്ത്യയുടെ ആദ്യത്തെ തദ്ദേശീയ പേയ്മെന്റ് ഇക്കോസിസ്റ്റത്തെ അടിസ്ഥാനമാക്കിയാണ് ഇത് പ്രവർത്തിക്കുന്നത്.

യാത്രകൾക്ക് പണം കാർഡിലൂടെ

ഏതു തരത്തിലുള്ള ഗതാഗത സംവിധാനം ഉപയോഗിക്കുമ്പോഴും യാത്രകൾക്ക് പണം ഈ കാർഡിലൂടെ നല്കുവാൻ കഴിയും. ബാങ്കിൽ നിന്നും ലഭിക്കുന്ന കാർഡുകൾ പോലെ ഉപയോഗിക്കുവാൻ കഴിയുന്നതിനാൽ കൊണ്ടു നടക്കുവാനും എളുപ്പമാണ്.
ടിക്കറ്റ് കൗണ്ടറിലെ പിഒഎസ് മെഷീനിൽ ഉപയോഗിക്കുകാൻ കഴിയുന്ന പോലെ ബാങ്കുകൾ ഡെബിറ്റ്, ക്രെഡിറ്റ് കാർഡുകൾ പരിഷ്കരിക്കുന്നതിലൂടെ ഇതിന്റെ ഉപയോഗം കൂടുതൽ ആളുകളിലേക്ക് എത്തിച്ചേരും. ഇതിനായി ബാങ്കുകൾ പുതുതായി അനുവദിക്കുന്ന കാർഡുകളിൽ നാഷണൽ മൊബിലിറ്റി കാർഡ് ഫീച്ചറുകൾ ഉൾപ്പെടുത്തണം.

ഡെൽഹി മെട്രോയിൽ

ഡെൽഹി മെട്രോയിലാണ് ആദ്യം പരീക്ഷണാടിസ്ഥാനത്തിൽ ഇത് നടപ്പാക്കിയത്. ഇതിനായി തദ്ദേശിയമായി വികസിപ്പിച്ചെടുത്ത ഓട്ടോമാറ്റിക് ഫെയര്‍ കളക്ഷന്‍ കൌണ്ടറാണ് ഉപയോഗിക്കുന്നത് . ഇതുവഴി തടസമില്ലാതെ മെട്രോയില്‍ കയറുവാനും ഇറങ്ങുവാനും സാധിക്കും.

ഷോപ്പിങ്ങിനും

ഗതാഗത സൗകര്യങ്ങൾ കൂടാതെ ടോൾ, ഷോപ്പിങ്ങ് തുടങ്ങിയ കാര്യങ്ങൾക്കായും നാഷണൽ കോമൺ മൊബിലിറ്റി കാർഡ് ഉപയോഗിക്കാം. റീട്ടെയില്‍ ഷോപ്പിംഗ്, സ്മാര്‍ട്ട് സിറ്റി, മെട്രോ, ബസസബര്‍ബന്‍ റെയില്‍വേ എന്നിവയിലും ഇതുപയോഗിക്കുവാനുള്ള സൗകര്യങ്ങൾ ലഭ്യമാണ്. ടോള്‍ പ്ലാസകളില്‍ പണമടയ്ക്കുന്നതിനും ഷോപ്പിംഗ് മാളുകളില്‍ പാര്‍ക്കിംഗിനും ഈ കാര്‍ഡ് ഉപയോഗിക്കാം.