Click it and Unblock the Notifications
പാട്ന: ബീഹാറില് വിനോദ സഞ്ചാരം പ്രോത്സാഹിപ്പിക്കുന്നതിന്റെ. ഭാഗമായി സഞ്ചാരികളെ ആകര്ഷിക്കുവാനുള്ള വിരവധി പ്രവര്ത്തനങ്ങളാണ് അണിയറയില് ഒരുങ്ങുന്നത്. അതിലേറ്റവും പ്രധാനപ്പെട്ട ഒന്നാണ് നളന്ദ ജില്ലയിലെ രാജ്ഗിറിലെ നാച്വറല് സഫാരിയും ഗ്ലാസ് സ്കൈവാക്കും. മുഖ്യമന്ത്രി നിതീഷ് കുമാറിന്റെ സ്വപ്ന പദ്ധതികളിലൊന്നായി കണക്കാക്കപ്പെടുന്ന ഇത് അദ്ദേഹം കഴിഞ്ഞ ദിവസം സന്ദര്ശിക്കുവാനെത്തിയത് വലിയ വാര്ത്തയായിരുന്നു,'നാച്വർ സഫാരി'യുടെ പ്രവർത്തനങ്ങളുടെ പുരോഗതി പരിശോധിക്കാനായാണ് അദ്ദേഹം ഇവിടം സന്ദര്ശിച്ചത്.
ചിത്രത്തിന് കടപ്പാട് IANS
ആഭ്യന്തര, അന്താരാഷ്ട്ര സഞ്ചാരികളെ കൂടുതല് ബീഹാറിലേക്ക് ആകര്ഷിക്കുക എന്ന ലക്ഷ്യത്തിലാണ് നാച്വര് സഫാരി ഒരുങ്ങുന്നത്. റോപ് വേയും സാഹസിക വിനോദങ്ങളും ഇതിന്റെ ഭാഗമായിരിക്കും. നാച്വര് സഫാരിയുടെ ഏറ്റവും വലിയ ആകര്ഷണമാണ് ഗ്ലാസ് സ്കൈവാക്ക് ബ്രിഡ്ജ്.
പുതുവര്ഷത്തില് ഉദ്ഘാടനത്തിനൊരുങ്ങുന്ന ഗ്ലാസ് സ്കൈവാക്ക് ബ്രിഡ്ജ് തീര്ത്തും വ്യത്യസ്തമായ അനുഭവമായിരിക്കും സഞ്ചാരികള്ക്ക് നല്കുന്നത്. 85 അടിയാണ് ഇതിന്റെ നീളം. രാജ്ഗിറിലെ അഞ്ച് കുന്നുകള്ക്കിടയിലായി സ്ഥിതി ചെയ്യുന്ന ഗ്ലാസ് ബ്രിഡ്ജ് പ്രദേശത്തിന്റെ മുഴുവന് അതിമനോഹരമായ കാഴ്ചയാണ് നല്കുന്നത്.
ചൈനയിലെ ഹാംഗ്സു ഗ്ലാസ് പാലത്തിന്റെ മാതൃകയിലാണ് ബീഹാറിലെ പാലം നിർമ്മിച്ചിരിക്കുന്നത്. 85 അടി നീളവും 6 അടി വീതിയുമുള്ള ഈ പാലത്തിന് ഒരു സമയം 40 സന്ദർശകരെ ഉൾക്കൊള്ളാൻ കഴിയും. പുതുവർഷത്തിൽ വിനോദസഞ്ചാരികൾക്കായി പാലം തുറക്കുമെന്ന് അധികൃതർ അറിയിച്ചു.
ഏറ്റവും വ്യത്യസ്തങ്ങളായ സാഹസിക അനുഭവങ്ങള് സഞ്ചാരികള്ക്ക് സമ്മാനിക്കുന്ന തരത്തിലുള്ള റൈഡുകളും ഇവിടെ സജ്ജമാണ്. എയര് സൈക്ലിങാണ് അതില് പ്രധാനം. ഒപ്പം റോപ് വേയും സജ്ജമാക്കും. ഓരോ ക്യാബിനിലും എട്ട് വിനോദ സഞ്ചാരികള്ക്കു വീതം പ്രവേശിക്കുവാന് ആരംഭിക്കുന്ന 16 ഗ്ലാസ് ക്യാബിനുകള് റോപ് വേയിലുണ്ടാകും.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
