എവിടെയാണ് മലാന
സമുദ്രനിരപ്പില്നിന്നും 3029 മീറ്റര് ഉയരത്തില് ഹിമാചല്പ്രദേശിലെ മലാന നദീതീരത്താണ് മലാന ഗ്രാമം സ്ഥിതിചെയ്യുന്നത്. കുളു താഴ്വരയോട് അടുത്തുകിടക്കുന്ന മലാനയില്നിന്നുകൊണ്ട് ചന്ദ്രഖനി കുന്നുകളുടെയും ഡിയോതിബയുടെയും സൗന്ദര്യം ആസ്വദിക്കാനാകും.
Photo Courtesy: RuckSackKruemel
മലാനയിലെ ജനങ്ങള്
ജനസംഖ്യ താരതമ്യേന കുറവായ ഈ പ്രദേശത്തെ ജനങ്ങള് സംസാരിക്കുന്നത് സംസ്കൃത ഭാഷയുടേയും ടിബറ്റന് ഭാഷയുടേയും സമ്മിശ്ര രൂപമായ കനാഷി എന്ന ഭാഷയാണ്.
Photo Courtesy: Sajith T S
പരിഷ്കാരം എത്തിച്ചേരാത്ത മലാന
നഗരജീവിതത്തിന്റെ പരിഷ്കാരങ്ങള് കടന്നുകയറിയിട്ടില്ലാത്ത മലാനയിലെ ജനങ്ങള് തീര്ത്തും ഗ്രാമീണമായ ജീവിതരീതിയാണ് നയിച്ചുപോരുന്നത്. പരമ്പരാഗതമായി തുടര്ന്നുപോരുന്ന ആചാരാനുഷ്ടാനങ്ങളെ മുറുകെ പിടിക്കുന്നവരാണ് ഇവിടുത്തെ ഭൂരിഭാഗം ഗ്രാമവാസികളും.
Photo Courtesy: Travelling Slacker
മലാനയിലെ ഭരണ കാര്യം
ജാമുല ഋഷിയുടെ പ്രതിനിധികളായ 11 പേര് ചേര്ന്നാണ് ഈ ഗ്രാമത്തിന്റെ ഭരണം നടത്തുന്നത്. അവരുടെ തീരുമാനങ്ങള് ആ ഗ്രാമത്തിന്റെ അവസാനവാക്കായി കരുതിപ്പോരുന്നു. ജാമുലയേക്കുറിച്ച് വിശദമായി വായിക്കാം
Photo Courtesy: Sajith T S
ഡോക്യുമെന്ററികളിലെ മലാന
സമ്പന്നമായ പൈതൃകം കൊണ്ടും ശാന്തസുന്ദരമായ പ്രകൃതികൊണ്ടും അനുഗ്രഹീതമാണ് മലാന. അതുകൊണ്ടുതന്നെ ഒരുപാടു ഡോക്യുമെന്റെറികളുടെയും ഭാഗമായിട്ടുണ്ട് ഈ ഗ്രാമം.
Photo Courtesy: Sajith T S
അലക്സാണ്ടറുമായുള്ള ബന്ധം
മാസിഡോണിയന് പടയോട്ടകാലത്ത് അലക്സാണ്ടറുടെ സൈന്യം നിര്മിച്ചതാണത്രെ ഈ ഗ്രാമം. മലാനയിലെ ജനങ്ങള് ആര്യന് വംശത്തിന്റെ പിന്തുടര്ച്ചക്കാരാണെന്നും പറയപ്പെടുന്നു.
Photo Courtesy: Sajith T S
സൗഹൃദം കാത്തു സൂക്ഷിക്കുന്നവര്
ഈ പ്രദേശത്തെ ജനങ്ങളോടുചോദിച്ചാല് അവരുടെ ആചാരാനുഷ്ടാനങ്ങളെപറ്റി വിശദമായി പറഞ്ഞുതരും. എന്നാല് അതോടൊപ്പംതന്നെ ഗ്രാമവാസികളെ പ്രകോപിപ്പിക്കാതിരിക്കാന് യാത്രക്കാര്ക്ക് പ്രത്യേക നിര്ദേശവും നല്കാറുണ്ട്.
Photo Courtesy: Sajith T S
കാഴ്ചകള്
മലാന ഹൈഡ്രോ പവര് സ്റ്റേഷന് എന്ന അണകെട്ട് പദ്ധതി ഈ ഗ്രാമത്തിന്റെ വികസനത്തില് വലിയ മുതല്ക്കൂട്ടായി. ഇവിടെയെത്തുന്ന യാത്രികര്ക്ക് ഈ അണക്കെട്ടും ഒരു കാഴ്ചയാണ്.
ട്രെക്കിങ്ങ് തുടങ്ങിയ കാര്യങ്ങള് ആസ്വദിക്കാന് പറ്റിയ ഭൂപ്രദേശം കൂടിയാണ് മലാനയിലേത്
Photo Courtesy: Sajith T S
എത്തിച്ചേരാന്
മലാനയിലെത്താന് നിങ്ങള് തെരഞ്ഞെടുക്കുന്നത് വിമാനമാര്ഗമാണേങ്കില് നിങ്ങള്ക്ക് 25 കിലോമീറ്റര് അകലെയുള്ള കുളു വിമാനത്താവളത്തിലെത്താം. കുളുവില്നിന്ന് മലാനയിലേക്ക് നേരിട്ട് ബസ് സര്വീസുകളുമുണ്ട്
Photo Courtesy: Sajith T S
റെയില്വെ സ്റ്റേഷന്
ജൊഗീന്ദര് നഗര് റെയില്വേ സ്റ്റേഷന് ആണ് മലാനയോട് ഏറ്റവുമടുത്തുള്ള റെയില്വേ സ്റ്റേഷന് . ചണ്ഡിഗഢ് റെയില്വേ സ്റ്റേഷന് മുഖേന ഇന്ത്യയിലെ എല്ലാ പ്രമുഖ നഗരങ്ങളില്നിന്നും നിങ്ങള്ക്കിവിടെ എത്തിച്ചേരാം.
Photo Courtesy: morisius cosmonaut
Click it and Unblock the Notifications
