യുവാക്കള്‍ക്ക് ത്രില്ലടിക്കാന്‍ 13 സ്ഥലങ്ങള്‍!

ലേയിലെ മൗണ്ടേൻ ബൈക്കിംഗ്

ജമ്മുകാശ്മീരിലെ ലേയിൽ നിന്ന് ഹിമാചൽപ്രദേശിലെ മണാലിയിലേക്ക് ഒരു ബൈക്ക് സവാരി നടത്തിയാലോ? യൗവനത്തിന്റെ പ്രസരിപ്പ് നിങ്ങളിൽ അവശേഷിക്കുന്നുണ്ടെന്ന് വിശ്വസിക്കുന്നെങ്കിൽ മാത്രം മതി. കാരണം, അത്ര നിസാരമല്ല ഈ യാത്ര. കാരണം ലോകത്തിലെ തന്നെ ഏറ്റവും ദുർഘടം പിടിച്ച റോഡ് ആണ് ഇത്.

ഗംഗയിലൂടെ ഒരു പര്യടനം

ത്രില്ലടിപ്പിക്കുന്ന ചിലകാര്യങ്ങൾ ആഢംബരം നിറഞ്ഞതായിരിക്കും. ഗംഗയുടെ വിരിമാറിലൂടെ ആഢംബര ബോട്ടിൽ ഒരു യാത്ര നടത്തിയാൽ അത് ജീവിതത്തിൽ ഒരിക്കലും മറക്കാൻ പറ്റാത്ത യാത്രയായിരിക്കും. ഗംഗ, ബ്രഹ്മപുത്ര നദികളിലൂടെ വലിയ ബോട്ടിൽ അത്യാഢംബരത്തോടെ ഒരു യാത്ര നടത്താൻ യൗവന കാലമാണ് നല്ലത്.

നീലഗിരി മലയിലൂടെ സൈക്കിൾ ഓടിക്കാം

നീലഗിരി എന്നത് ചെറിയ ഒരു മലയൊന്നുമല്ല. 24 മലനിരകളാണ് അങ്ങ് സ്വർഗം തൊട്ട് നിൽക്കുന്നത്. ഊട്ടിയിൽ നിന്ന് മലകയറി ചെന്ന്, മലനിരകളുടെ ഭംഗി ആസ്വദിച്ച് സൈക്കിൾ സാവാരി നടത്തിയാൽ അതൊരു ത്രില്ലൻ അനുഭവമായിരിക്കില്ലേ? അത് അറിയണമെങ്കിൽ സൈക്കിൾ സവാരി നടത്തി നോക്കണം.
pc: Shubha

ഗോവയിലെ ക്വാഡ് ബൈക്കിംഗ്

ഗോവ എന്നാൽ ബീച്ചുകൾ മാത്രമാണെന്ന് തെറ്റുദ്ധരിച്ചിട്ടുണ്ടെങ്കിൽ ആദ്യം ആ തെറ്റിദ്ധാരണ മാറ്റിയേക്ക്. ഇനി ഗോവയിലെ സുന്ദരമായ ഭൂമിയിലൂടെ ക്വാഡ് ബൈക്കിംഗ് നടത്താം. ഗോവയിൽ ചെന്നാൽ ക്വാഡ് ബൈക്ക് വാടകയ്ക്ക് എടുക്കുകയും ചെയ്യാം. ബെസ്റ്റ് ഐഡിയ ആല്ലേ?
pc: Chris_Parfitt

ഋഷികേശിലെ റാഫ്റ്റിംഗ്

റിവർ റാഫ്റ്റിംഗിന് ഏറ്റവും അനുയോജ്യമായ സ്ഥലമാണ് ഋഷികേശ്. ആടിയുലഞ്ഞ് ചാഞ്ചാടി വരുന്ന ഗംഗാനദിയിലൂടെ റാഫ്റ്റിംഗ് നടത്തുന്നതിന്റെ ഒരു ത്രിൽ വേറെ തന്നെയാണ്. റാഫ്റ്റിംഗിനിടെ ഗംഗയുടെ തീരങ്ങളുടെ സൗന്ദര്യം ആസ്വദിക്കുകയുമാവാം.

വാഗാ അതിർത്തിയിലെ ചടങ്ങുകൾ കാണാം

വാഗാ അതിർത്തിയിലെ ചടങ്ങുകൾ കാണാൻ പ്രായം ഒരു വിഷയമേ അല്ല. എന്നാലും യൗവന കാലത്ത് പോയാൽ, രാജ്യസ്നേഹം തുടിക്കുന്ന അവിടുത്തെ ചടങ്ങുകൾ എക്കാലത്തും മനസിൽ സൂക്ഷിക്കാം.
pc: Kamran Ali

കൂർഗിനെ അറിയാം

നിങ്ങളുടെ യൗവനകാലത്തെ വെറും മൂന്ന് ദിവസം മാത്രം കൂർഗിൽ ചിലവാക്കു. എക്കാലത്തും ഓർത്ത് വയ്ക്കാനുള്ള അനുഭവം നിങ്ങൾക്ക് തരും. ദൈവവും പ്രകൃതിയും ഒന്നിക്കുന്ന ഇവിടുത്തെ പ്രകൃതിഭംഗി മനസിനെ എപ്പോഴും ആനന്ദിപ്പിക്കും.

ഹിമാചലിൽ ചെന്ന് മലകയറാം

നിങ്ങൾ ഒരുപാട് മല കയറിയിട്ടുണ്ടാവും. സുന്ദരമായ മലനിരകൾ കണ്ടിട്ടുണ്ടാവും. എന്നാൽ അതിന്റെ അഹങ്കാരത്തിൽ ഹിമാചലിൽ പോയി മലകയറാൻ കഴിയില്ല. കാരണം വെറുതെ കയറിപോകാൻ പറ്റിയ മലയല്ല. അതിന് ഒരു കോഴ്സ് തന്നെയുണ്ട്. ഹിമാചൽ ടൂറിസം ഡിപ്പാർട്ട്മെന്റാണ് ഈ കോഴ്സ് നടത്തുന്നത്.

ഗ്രീൻ റൂട്ടിലൂടെ ഒരു ട്രെക്കിംഗ്

ബാംഗ്ലൂരിൽ നിന്ന് മംഗലാപുരംവരെയുള്ള റെയിൽവെ ട്രാക്ക് ആണ് ഗ്രീൻ റൂട്ട് എന്ന് അറിയപ്പെടുന്നത്. ഈ വഴിയുള്ള ട്രെക്കിംഗ് സുന്ദരമായ അനുഭവമാണെങ്കിലും ട്രാക്കിലൂടെ നടക്കുമ്പോൾ ട്രെയിൻ വരുന്നുണ്ടോയെന്ന് ശ്രദ്ധിക്കണം.

ഹംപിയിലെ അവശിഷ്ടങ്ങൾ

പൗരാണികമായ ഒരു കാലത്തിലേക്ക് നിങ്ങൾക്ക് ഉടനടി പോകണമെന്നുണ്ടോ? ഹംപിയിലേക്ക് പോകാം. എവിടെ നോക്കിയാലും പൗരാണികത വിളിച്ചോതുന്ന ക്ഷേത്ര അവശിഷ്ടങ്ങൾ മാത്രം.

ബിറിലെ ആകാശ യാത്ര

താഴ്വാരങ്ങളുടെ ഭംഗികണ്ട് ഒരു ആകാശയാത്ര നടത്തി ത്രില്ലടിക്കണോ? വഴിയുണ്ട് ബിറിൽ പോയി പാരാഗ്ലൈഡിംഗ് നടത്താം. പാരാഗ്ലൈഡിംഗ് അന്താരാഷ്ട്ര മത്സരങ്ങളും ഇവിടെ നടത്താറുണ്ട്.

അസ്വസ്ഥതപ്പെടുത്തുന്ന കോട്ട

സുന്ദരമായ ഒരു കോട്ട കണ്ടാൽ അത് സഞ്ചാരികളെ എപ്പോഴും ആനന്ദിപ്പിക്കും. എന്നാൽ രാജസ്ഥാനിലെ ഭാംഗട്ട് കോട്ട സഞ്ചാരികളെ അലോസരപ്പെടുത്തും. അതിനാൽ സൂര്യസ്ഥമയത്തിന് ശേഷം ഇവിടെ സഞ്ചാരികളെ അനുവദിക്കാറില്ല.

ദൂത് സാഗറിലേക്ക് ഒരു ട്രെക്കിംഗ്

ഗോവയിലേക്ക് ട്രെയിനിൽ യാത്ര ചെയ്യുമ്പോൾ കാണാറുള്ള ദൂത് സാഗർ വെള്ളച്ചാട്ടത്തിന്റെ സമീപത്തേക്ക് ഒന്ന് നടന്നു പോകാം. യൗവനത്തിന്റെ ത്രില്ലടിപ്പിക്കുന്ന ഒരു ആവേശ യാത്രയായിരിക്കും അതെന്ന കാര്യത്തിൽ സംശയം വേണ്ട. റെയിൽവേ ട്രാക്കിന് സമീപത്തുകൂടെ നടന്നു പോകാൻ ഇവിടെ സൗകര്യമുണ്ട്.
pc: Sharat Chandra