ഒരു കാലത്ത് പാടലീപുത്രം എന്നറിയപ്പെട്ടിരുന്ന പാട്ന ചരിത്രത്തിന്റെ ഒട്ടേറെ ഏടുകളിൽ ഒളിഞ്ഞിരിക്കുന്ന ഒരു നാടാണ്. ലോകത്തിലെ തന്നെ ഏറ്റവും പഴക്കം ചെന്ന ജനവാസകേന്ദ്രങ്ങളിലൊന്നായി അറിയപ്പെടുന്ന ഇവിടം ചരിത്ര സ്ഥാനങ്ങളുടെ പേരിലാണ് സഞ്ചാരികളുടെ മനസ്സിൽ ഇടം നേടിയിരിക്കുന്നത്. ചരിത്രത്തിലെ മഗധാ രാജ്യത്തിന്റെ തലസ്ഥാനമായിരുന്ന പാട്നയുടെ വളർച്ച വളരെ പെട്ടന്നായിരുന്നു. ഇന്ന് ബീഹാറിലെ പ്രധാന കേന്ദ്രങ്ങളിലൊന്നായി സ്ഥിതി ചെയ്യുന്ന ഇവിടം കഴിഞ്ഞ കാലത്തിന്റെ ഓർമ്മകളെ അതേപടി സൂക്ഷിക്കുന്ന സ്ഥലം കൂടിയാണ്. ഭാരതത്തിൻരെ ചരിത്രത്തോട് ചേർന്നു നിൽക്കുന്ന പാട്നയിലെ പ്രധാനപ്പെട്ട ചരിത്രസ്മാരകങ്ങൾ പരിചയപ്പെടാം
അറിയുമോ ബീഹാറിന്റെ ഈ വിചിത്ര വിശേഷങ്ങൾ
ബീഹാർ എന്ന പേരുകേൾക്കുമ്പോൾ മിക്കവരുടെയും മനസ്സിൽ ആദ്യം മനസ്സിൽ ഓടിയെത്തുക കുറേ പട്ടിണിക്കോലങ്ങളും നിസഹായരായ ജനങ്ങളും ഒക്കെയായിരിക്കും. എന്നാൽ ചിത്രങ്ങളിൽ കാണുന്ന ബീഹാറാണോ യഥാർഥ ബീഹാർ? അല്ല! ചരിത്രത്തിലേക്ക് നോക്കുമ്പോൾ ലോകത്തിലെ തന്നെ ഏറ്റവും പഴയ ജനവാസമുള്ള നഗരവും ഏറ്റവും പഴക്കമുള്ള രാജവംശവും ഒക്കെ അവിടെയാണ് ജന്മമെടുത്തത് എന്നു മനസ്സിലാക്കാം. ഇന്ന് ഇന്ത്യയിലെ ഏറ്റവും പാവപ്പെട്ട സംസ്ഥാനമാണങ്കിലും ഏറ്റവും സമ്പന്നമായ ചരിത്രം അറിയണമെങ്കിൽ ഇവിടെ തന്നെ എത്തണം. ബീഹാറിനെക്കുറിച്ചുള്ള അതിശയിപ്പിക്കുന്ന വിവരങ്ങൾ അറിയാം...
ചരിത്രത്തോടും ഐതിഹ്യങ്ങളോടും ഒരുപോലെ ഇഴചേർന്നു കിടക്കുന്ന ഒരു നഗരം. ബുദ്ധമതവും ജൈനമതവും ഒരുപോലെ പ്രാധാന്യം കല്പിക്കുന്ന സ്ഥലം. വൈശാലി. ജനാധിപത്യത്തിന്റെ കളിത്തൊട്ടിലെന്ന് വിശേഷിപ്പിക്കപ്പെടുന്ന ഏതൻസിനേക്കാളും ലോകത്തിലെ ആദ്യ റിപ്പബ്ലിക്കായാണ് വൈശാലി അറിയപ്പെടുന്നത്. ആറാം നൂറ്റാണ്ടോടെ ജനപ്രതിനിധികളെ തിരഞ്ഞെടുത്ത ഭരണം നടത്തി എന്നാണ് ഇവിടെ കരുതപ്പെടുന്നത്. ഭാരതത്തിന്റെ ചരിത്രത്തെ ലോകരാജ്യങ്ങളോളം ഉയരത്തിൽ പ്രതിഷ്ഠിക്കുന്ന വൈശാലിയുടെ വിശേഷങ്ങൾ!!