ഇന്ത്യ അതിന്റെ ഐതിഹാസികമായ 76-ാം സ്വാതന്ത്ര്യ ദിനം ഓഗസ്റ്റ് 15ന് ആഘോഷിക്കുകയാണ്. ബ്രിട്ടീഷ് ഭരണത്തില് നിന്നും പൊരുതി നേടിയ സ്വാതന്ത്ര്യത്തില് അഭിമാനിക്കുന്നവരാണ് ഓരോ ഭാരതീയനും. സ്വാതന്ത്ര്യ സമര സേനാനികൾക്ക് ആദരാഞ്ജലി അർപ്പിക്കാൻ ഇന്ത്യൻ സർക്കാർ 'ആസാദി കാ അമൃത് മഹോത്സവ്' എന്ന പേരിൽ പ്രത്യേക പരിപാടികളും ആസൂത്രണം ചെയ്തിട്ടുണ്ട്. ഒരു ഭാരതീയനെന്ന നിലയില് ഭാരത്തിന്റെ ചരിത്രവും പോരാട്ടങ്ങളും അറിഞ്ഞിരിക്കേണ്ടത് അത്യാവശ്യമാണ്. ഇന്ത്യന് സ്വാതന്ത്ര്യ സമരവുമായി ബന്ധപ്പെട്ട് ഗുജറാത്ത്, പഞ്ചാബ്, കൊല്ക്കത്ത എന്നിവിടങ്ങളിലുള്ള ചരിത്രസ്മാരകങ്ങള് പരിചയപ്പെടാം...
ജാലിയന് വാലാബാഗ്
സ്വാതന്ത്ര്യസമര ചരിത്രത്തിലെ കറുത്ത അധ്യായങ്ങളിലൊന്നാണ് ജാലിയന് വാലാബാഗ്. ബ്രിട്ടീഷ് പോലീസ് ഉദ്യോഗസ്ഥനായ ബ്രിഗേഡിയർ ജനറൽ റെജിനാൾഡ്.ഇ.എച്ച്.ഡയറുടെ നേതൃത്വത്തിൽ ജാലിയൻ വാലാബാഗിൽ ഒത്തുകൂടിയ ജനങ്ങളുടെ നേരെ നിറയൊഴിക്കുവാനുള്ള ഉത്തരവിന്റെ ബാക്കിപത്രമാണ് ജാലിയന് വാലാബാഗ് സംഭവം എന്നറിയപ്പെടുന്നത്. 1,650 റൗണ്ട് പട്ടാളക്കാർ വെടിവെച്ചെന്നാണ് കണക്കുകള് പറയുന്നത്.
ഇന്ത്യന് സ്വാതന്ത്ര്യസമരത്തിന്റെ തുടക്കം എന്നു വിശേഷിപ്പിക്കപ്പെടുന്ന ഒന്നാം സ്വാതന്ത്ര്യസമരത്തിന് തുടക്കം കുറിച്ചത് കൊല്ക്കത്തയിലെ ബരാക്പൂരില് നിന്നായിരുന്നു. സ്വാതന്ത്ര്യ സമര സേനാനി മംഗൾ പാണ്ഡെ യുടേതായിരുന്നു ആദ്യ ശബ്ദം. ബ്രിട്ടീഷുകാര് അദ്ദേഹത്തെ തൂക്കിലേറ്റിയ സ്ഥലവും ഇവിടെ കാണാം. മംഗൾ പാണ്ഡെ ഗാർഡൻ എന്നാണിത് അറിയപ്പെടുന്നത്.
ഇന്ത്യയിലെ ബ്രിട്ടീഷ് കാലഘട്ടത്തിന്റെ ഏറ്റവും മികച്ച അടയാളങ്ങളിലൊന്നാണ് വിക്ടോറിയ മെമ്മോറിയല്. അന്നത്തെ വൈസ്രോയി ലോർഡ് കഴ്സൺറെ നിര്ദ്ദേശപ്രകാരമാണ് ഇത് നിര്മ്മിക്കപ്പെട്ടത്. എന്നാല് ഇതിന്റെ രൂപരേഖ വന്നത് സർ വില്യം എമേഴ്സണില് നിന്നാണെന്നാണ് ചരിത്രം പറയുന്നത്. ചരിത്രത്തിലേക്ക് കൊണ്ടുപോകുന്ന നിരവധി കാഴ്ചകള് ഇവിടെ കാണാം. ആയുധങ്ങൾ, പെയിന്റിംഗുകൾ, ശിൽപങ്ങൾ, പുരാവസ്തുക്കൾ തുടങ്ങി നിരവധി കാഴ്ചകള് ഇവിടെയുണ്ട്.