ചരിത്രവും വിശ്വാസങ്ങളുമായും പരസ്പരം ചേർന്നു കിടക്കുന്ന കുറേയധികം നിർമ്മിതികൾ നമ്മുടെ രാജ്യത്തുണ്ട്. ആരാധനാലയങ്ങൾ മുതൽ കാടുകളും കൊട്ടാരങ്ങളും അവയിൽ ചിലത് മാത്രമാണ്. ഇത്തരത്തിൽ ലോകം മുഴുവൻ ഇന്നും കൗതുകത്തോടെയും അതിലേറെ ശാസ്സ്ത്രതാല്പര്യത്തോടെയും ഉറ്റനോക്കുന്ന ഒന്നാണ് രാമസേതു ഇന്നു ഇന്ത്യക്കാർ വിളിക്കുന്ന ആഡംസ് ബ്രിഡ്ജ്. പതിറ്റാണ്ടുകളായി, രാഷ്ട്രീയവും മതപരവും പാരിസ്ഥിതികവുമായ രീതികളിൽ ചർച്ച ചെയ്യപ്പെടുന്ന രാമസേതുവിനെക്കുറിച്ചുള്ള ചില കാര്യങ്ങൾ....
സയൻസ് ചാനൽ പറയുന്നത്
കുറച്ചു നാൾ മുന്പ് അമേരിക്കൽ ശാസ്ത്ര ചാനൽ ആയ സയൻസ് ചാനൽ രാമസേതു സ്വാഭാവികമായി രൂപപ്പെട്ടതല്ലെന്നും അത് മനുഷ്യൻ നിർമിച്ചതാണെന്നും പറഞ്ഞ് ഒരു വീഡിയോ ട്വീറ്റ് ചെയ്തിരുന്നു. വലിയ ചർച്ചകൾക്കും തർക്കങ്ങൾക്കും ഈ പഠനം വഴിവെച്ചിരുന്നു. പഠനങ്ങൾ നടത്തിയപ്പോൾ 5000 വർഷങ്ങൾക്ക് മുൻപ് ഇത് മനുഷ്യൻ നിർമിച്ചതാണെന്നു തെളിഞ്ഞതായാണ് ചാനൽ പറഞ്ഞുവയ്ക്കുന്നത്. ഇപ്പോൾ കാണുന്ന രാമസേതുവിലെ കല്ലുകൾക്കും ചെറിയ പാറകൾക്കും മണലിനേക്കാൾ പഴക്കമുണ്ടെന്നും രാമസേതുവിലെ മണലുകൾ പിന്നീട് അടിഞ്ഞതായിരിക്കുമെന്നും ചാനൽ വീഡിയോയിൽ വിശദീകരിച്ചിരുന്നു. കല്ലുകൾക്ക് ഏകദേശം 7000 വർഷത്തെ പഴക്കവുംമണൽത്തരികൾക്ക് വെറും 4000 വർഷത്തെ പഴക്കവുമാണ് പഠനത്തിൽ കണ്ടെത്തുവാൻ സാധിച്ചത്. 2017 ൽ ആയിരുന്നു സയൻസ് ചാനൽ ഈ ട്വീറ്റ് നടത്തിയത്.