കാംഗ്ര വാലി ട്രെക്ക്; അറിഞ്ഞിരിക്കേണ്ട കര്യങ്ങൾ

കാംഗ്രയേക്കുറിച്ച്

മാഞ്‌ജി, ബെനെര്‍ നദികളുടെ സംഗമസ്ഥാനത്ത്‌ സ്ഥിതി ചെയ്യുന്ന, ഹിമാചല്‍പ്രദേശിലെ ഒരു വിനോദസഞ്ചാര കേന്ദ്രമാണ്‌ കാംഗ്ര.
PC: Ashish Sharma

ബൻ‌‌ഗംഗ ന‌ദി

ധൗലാധര്‍, ശിവാലിക്‌ മലനിരകള്‍ക്കിടയിലെ കാംഗ്ര താഴ്‌വരയില്‍ കാണപ്പെടുന്ന ഈ നഗരത്തിലൂടെയാണ്‌ ബന്‍ഗംഗ നദി ഒഴുകുന്നത്‌.
PC: Vssun

ദേവഭൂമി

ദേവന്മാരുടെ വാസസ്ഥാനം എന്ന അര്‍ത്ഥത്തില്‍ ഇവിടം ദേവഭൂമി എന്ന്‌ അറിയപ്പെടുന്നു. ആര്യന്മാരുടെ വരവിന്‌ മുമ്പ്‌ ആര്യന്മാരല്ലാത്ത നിരവധി ജനവിഭാഗങ്ങള്‍ ഇവിടെ ജീവിച്ചിരുന്നതായി വേദങ്ങള്‍ വ്യക്തമാക്കുന്നു.
PC: Public domain

പുരാണങ്ങളിൽ

മഹാഭാരതത്തിലും കാന്‍ഗ്രയെ കുറിച്ച്‌ പരാമര്‍ശമുണ്ട്‌. കാന്‍ഗ്രയെ ത്രിഗര്‍ത്ത രാജവംശം എന്നാണ്‌ മഹാഭാരത്തില്‍ വിശേഷിപ്പിച്ചിരിക്കുന്നത്‌.
PC: GKarunakar

ചരിത്രം

പത്താം നൂറ്റാണ്ടില്‍ മുഹമ്മദ്‌ ഗസ്‌നി ഇന്ത്യ ആക്രമിച്ചതിനെ തുടര്‍ന്ന്‌ കാംഗ്ര നഗരം മുസ്‌ളിം ഭരണത്തിന്‌ കീഴിലായി. പിന്നീട്‌ നിലവിലുള്ള രാജവംശങ്ങളില്‍ എറ്റവും പുരാതനമായ കടോച്ച്‌ വംശം കാംഗ്ര ഭരണം പിടിച്ചെടുത്തു.
PC: Ashish3724

കോളനി ഭരണം

ഒന്നാം ആംഗ്‌ളോ- സിഖ്‌ യുദ്ധം അവസാനിച്ചതോടെ കാന്‍ഗ്രയുടെ ഭരണം ബ്രിട്ടീഷുകാരുടെ കൈകളിലായി. 1846ല്‍ കാന്‍ഗ്രയെ ബ്രിട്ടീഷുകാര്‍ തങ്ങളുടെ കോളനിയിലെ ഒരു ജില്ലയാക്കി.
PC: Ashish Sharma

പഞ്ചാബിന്റെ ഭാഗം

1947ലെ വിഭജനത്തിന്‌ ശേഷം കാന്‍ഗ്ര പഞ്ചാബിന്റെ ഭാഗമായി മാറി. എന്നാല്‍ 1966ല്‍ കാന്‍ഗ്രയെ പഞ്ചാബില്‍ നിന്ന്‌ വേര്‍പെടുത്തി ഹിമാചല്‍പ്രദേശില്‍ ലയിപ്പിച്ചു.
PC: Ashish3724

കാഴ്ചകൾ

കരേരി തടാകം, ബാഗുലമുഖി ക്ഷേത്രം, കലേശ്വര്‍ മഹാദേവ ക്ഷേത്രം തുടങ്ങിയ ആകര്‍ഷകമായ നിരവധി വിനോദസഞ്ചാര കേന്ദ്രങ്ങള്‍ കാന്‍ഗ്രയിലുണ്ട്‌.
PC: Ashish3724

കരേ‌രി തടാകം

സമുദ്രനിരപ്പില്‍ നിന്ന്‌ 2934 മീറ്റര്‍ ഉയരത്തിലാണ്‌ കരേരി തടാകം സ്ഥിതി ചെയ്യുന്നത്‌. മല കയറി വേണം തടാകത്തിലെത്താന്‍. ധൗലാധര്‍ മലനിരകളിലെ മഞ്ഞുരുകിയാണ്‌ തടാകത്തില്‍ ജലമെത്തുന്നത്‌.
PC: Shalabh