Click it and Unblock the Notifications
ഹേമാവതി നദിയുടെ ജലനിരപ്പുയരുമ്പോള് വെള്ളത്തിനടിയിലേക്ക് ഒളിക്കുന്ന ഒരു ക്രിസ്ത്യന് ദേവാലയത്തേക്കുറിച്ച് കേട്ടിട്ടുണ്ടോ? ആ ദേവലയം കാണണമെങ്കില് ഹേമാവതി നദിയുടെ ജലനിരപ്പ് താഴണം. ഇക്കാരണം കൊണ്ട് തന്നെയാണ് ഹേമാവതി നദിയുടെ തീരത്തെ ഷെട്ടിഹള്ളി സഞ്ചാരികളുടെ പ്രിയപ്പെട്ട സ്ഥലമാകുന്നത്.
Photo Courtesy: ಪ್ರಶಸ್ತಿ
ഷെട്ടിഹള്ളിയേക്കുറിച്ച്
കര്ണാടകയിലെ ഹാസനില് 25 കിലോമീറ്റര് അകലെയായാണ് ഷെട്ടിഹള്ളി എന്ന ഗ്രാമം സ്ഥിതി ചെയ്യുന്നത്. ഗോരുര് - ഹേമാവതി റിസേര്വയറിന്റെ തീരത്തായാണ് ഈ ഗ്രാമം സ്ഥിതി ചെയ്യുന്നത്. ഹേമാവതി ഡാം നിര്മ്മിക്കുന്നതിന് മുന്പ് സൂര്യകാന്തി കൃഷിക്ക് പേരുകേട്ട ഒരു ഗ്രാമമായിരുന്നു ഈ സ്ഥലം.
ക്രിസ്ത്യന് പള്ളി
പത്തൊന്പതാം നൂറ്റാണ്ടില് ഫ്രെഞ്ച് മിഷനറിമാരാണ് ഇവിടുത്തെ റോസറി ചര്ച്ച് പണി കഴിപ്പിച്ചത്. ഹേമാവതി ഡാം പണിതതോടെ ഈ പള്ളിയും പരിസരവും വെള്ളത്തില് മുങ്ങി പോകുകയായിരുന്നു.
Photo Courtesy: Gaurishukla24
മഴക്കാലത്ത് വെള്ളത്തിലാകുന്ന പള്ളി
മഴക്കാലത്ത് ഹേമവതി ഡാം കര കവിയുമ്പോള് ഈ പള്ളി പൂര്ണമായും വെള്ളത്തില് മുങ്ങി പോകാറുണ്ട്. വേനല്ക്കാലത്ത് സന്ദര്ശകര്ക്ക് ഈ പള്ളി സന്ദര്ശിക്കാവുന്നതാണ്.
പ്രശസ്തമല്ലാത്ത സ്ഥലം
സഞ്ചാരികളുടെ ഇടയില് അധികം പ്രശസ്തമല്ലാ ഈ സ്ഥലം അതിനാല് തന്നെ ഇവിടെയെത്തുന്ന സഞ്ചാരികളുടെ എണ്ണം വളരെ കുറവാണ്. ഈ പള്ളിയുടെ പരിസരത്ത് നിരവധി ദേശാടനക്കിളികളേയും കാണാനാവും.
Photo Courtesy: Sankara Subramanian
ഫോട്ടോഗ്രാഫിക്ക് പറ്റിയ സ്ഥലം
ഫോട്ടോ ഗ്രാഫിയില് താല്പര്യമുള്ളവര്ക്ക് ഫോട്ടോയെടുക്കാന് പറ്റിയ സ്ഥലമാണ് ഷെട്ടിഹള്ളി. ഹോളി റോസറി ചര്ച്ചിന്റെ അവശിഷ്ടങ്ങളും, നീലാകാശവും, ദേശാടനക്കിളികളും ചുറ്റുപാടുകളിലെ പച്ചപ്പും നിങ്ങളുടെ ക്യാന്വാസിലെ നിറങ്ങളാകുമെന്ന കാര്യത്തില് സംശയമില്ല.
Photo Courtesy: Bipin Khimasia
എത്തിച്ചേരന്
ബാംഗ്ലൂരില് നിന്ന് 200 കിലോമീറ്റര് അകലെയായാണ് ഷെട്ടിഹള്ളി സ്ഥിതി ചെയ്യുന്നത്. ബാംഗ്ലൂര് - ഹാസന് - ഹനുമന്തപുര വഴിയാണ് ഷെട്ടിഹള്ളിയില് എത്തിച്ചേരേണ്ടത്.
ടിപ്സ്
ബേലൂര് - ഹാലിബീഡ് യാത്രകള് പോകുന്നവര്ക്ക് ഈ സ്ഥലം സന്ദര്ശിക്കാവുന്നതാണ്.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
