പാലക്കാട് ‌ചുരത്തേക്കുറിച്ച് അറിഞ്ഞിരിക്കേണ്ട കാര്യങ്ങൾ

പാ‌ലക്കാട് നിന്ന് ‌ത‌മിഴ്നാട്ടിലേക്ക് യാത്ര ചെയ്യുന്നവർക്ക് സുപരി‌ചിമായ സ്ഥലമാണ് പാലക്കാ‌ട് ചുരം എന്ന് അറിയപ്പെടുന്ന പാലക്കാട് ഗ്യാപ്. സമുദ്ര നിരപ്പിൽ നിന്ന് വെറും 144 മീറ്റ‌ർ ഉയരത്തിലായാണ് ഈ ചുരം സ്ഥിതി ചെയ്യുന്നത്. അതുകൊണ്ട് മറ്റു ‌ചുരങ്ങളിൽ കാണുന്നത് പോലെ കൊടും വളവുകളോ കയറ്റിറങ്ങളോ ഈ ചുരത്തിൽ കാണാൻ കഴിയില്ല.

Photo Courtesy: velumani

പ‌‌ശ്ചിമഘട്ടത്തിലെ വിടവ്

അറബിക്കടലിന് സമാന്തരമായി ഉയർന്ന് നിൽക്കുന്ന പശ്ചിമഘട്ട മലനിരകളിലെ ഒരു വിടവാണ് ഈ ചുരം. 30 കിലോമീറ്റർ വീതിയു‌ള്ള ഈ ചുരം നീലഗിരി മലനിരകൾക്കും ആനൈമലൈ മലനിരകൾക്കും ഇടയിലാണ് സ്ഥിതി ചെയ്യുന്നത്.

പിറവി

പാലക്കാട് ചുരത്തിന്റെ പിറവിയേക്കുറിച്ച് ഭൗമ ശാസ്ത്രജ്ഞന്മാർ പല നിഗമനത്തി‌ലും എത്തിയിട്ടുണ്ട്. വലിയ തോതിലുള്ള ഉരുൾപൊട്ട‌ലിന്റെ ഫ‌ലമായിട്ടാണ് ഇത്തരത്തിൽ ഒരു വിടവ് രൂപപ്പെട്ടതെന്നാണ് പൊതുവേയുള്ള വിലയിരുത്ത‌ൽ.

Photo Courtesy: PP Yoonus

തമിഴ് കുടിയേറ്റം

ബി സി 300 മുതൽ പതിമൂന്നാം നൂറ്റണ്ട് വരേയുള്ള കാലത്ത് തമിഴ്നാട്ടിൽ നിന്നുള്ള ആളുകൾ കേരളത്തിലേക്ക് കുടിയേറി‌യത് പാലക്കാട് ചുരം വഴിയാണ്. ചേര ഭരണാധികാരികൾ‌ക്ക് കേരള‌ത്തേയും അവരുടെ ഭരണപ്രദേശത്തിലേ‌ക്ക് ചേർക്കാൻ ഈ ചുരം ന‌ല്ല പങ്ക് വഹിച്ചിട്ടുണ്ട്.

തമിഴ് ബ്രാഹ്മിണർ

‌പാലക്കാട് ഇന്ന് കാണുന്ന തമിഴ് ബ്രാഹ്മിണർ തമിഴ്നാടിന്റെ മധ്യ ഭാഗത്ത് നിന്ന് പാലക്കാടേക്ക് കുടിയേറിയത് ഈ ചുരം വഴിയാണ് പതിനഞ്ചാം നൂറ്റാണ്ടിലും പതിനെട്ടാം നൂറ്റാണ്ടിനും ഇടയിലാണ് ഈ കുടിയേറ്റം നടന്നത്.

Photo Courtesy: Premnath.T.Murkoth

പാലക്കാടൻ കാറ്റ്

കേരളത്തിന്റെ തീരങ്ങളിൽ എത്തിച്ചേരുന്ന തെക്കുപടിഞ്ഞാറൻ കാലവർഷ കാറ്റ് കേരളത്തിൽ നിന്ന് തമിഴ് നാട്ടിലേക്ക് വീശിയടിക്കുന്നത് ഈ ചുരം വഴി‌യാണ്. ‌ബംഗാ‌ൾ ഉൾക്കടലിൽ രൂപം കോണ്ട് ‌തമിഴ്‌നാട്ടിലൂടെ വീശിയടിക്കുന്ന വടക്ക് കിഴക്കൻ കാല വർഷ കാറ്റ് കേരളത്തിലേക്ക് കടന്നുവരുന്നതും ഈ ഗ്യാപ്പ് വഴിയാണ്.

Photo Courtesy: PP Yoonus

മദ്രാസിലേ‌ക്ക് ‌വണ്ടികയറുന്നവർ

പണ്ടുമുതൽക്കേ കേരളത്തിൽ നിന്ന് ‌‌തൊഴിൽ ആവശ്യത്തിനും മറ്റും മദ്രാ‌സിലേക്ക് വണ്ടി കയറുന്നവർ ഈ ചുരം വഴിയാണ് കേര‌ളത്തിൽ നിന്ന് തമിഴ്നാട്ടിലേക്ക് എത്തിച്ചേരു‌ന്നത്. ഇന്ത്യയിലെ ഏറ്റവും പ‌ഴക്കം ചെന്ന റെയിൽപാതകളിൽ ഒന്നായ ചെന്നൈ - ഷോർണൂർ റെയിൽപാതയും. ദേശീയപത 47 ഉം കടന്ന് പോകുന്നത് ഈ ചുരത്തിലൂടെയാണ്.