രാജീവ് ഗാന്ധി സുവോളജിക്കല് പാര്ക്ക്
മഹാരഷ്ട്രയിലെ പൂനയില് സ്ഥിതി ചെയ്യുന്ന രാജീവ് ഗാന്ധി സുവോളിക്കല് പാര്ക്ക് രാജീവ് ഗാന്ധി സൂ എന്നും അറിയപ്പെടുന്നു. വിവിധയിനം പാമ്പുകളുള്ള കറ്റ്രാജ് സ്നേക്ക് പാര്ക്കാണ് ഇവിടുത്തെ പ്രധാന ആകര്ഷണം. അണലി, പെരുപാമ്പ്, കരിമൂര്ഖന് എന്നിവ ഈ സ്നേക് പാര്ക്കില് ഉണ്ട്. പാമ്പുകള് കൂടാതെ വിവിധയിനം ഇഴജന്തുക്കളും ഇവിടേയുണ്ട്.
കൂടാതെ അപൂര്വ്വ ഇനങ്ങളായ വെള്ളക്കടുവകള്, ബംഗാള് കടുവകള്, പുലികള്, അപൂര്വ്വങ്ങളായ പക്ഷികള് എന്നിവയെ ഇവിടെ കാണാം.
PC: Kalyani Patake
അരിഞ്ഞാര് അണ്ണാ സുവോളജിക്കല് പാര്ക്ക്
1300 ഏക്കറില് സ്ഥിതി ചെയ്യുന്ന ഈ അരിഞ്ഞാര് അണ്ണാര് സുവോളജിക്കല് പാര്ക്കാണ് ഇന്ത്യയിലെഎറ്റവും വലിയ മൃഗശാല. ചെന്നൈയിലെ വന്തല്ലൂരില് സ്ഥിതി ചെയ്യുന്ന പാര്ക്ക് സസ്ഥിനികള്, ഉരകങ്ങള്, ഷഡ്പദങ്ങള് എന്നിവ കൊണ്ട് സമ്പന്നമാണ്.
ബട്ടര്ഫ്ളൈ പാര്ക്ക് ഇവിടുത്തെ മറ്റൊരു ആകര്ഷണമാണ്.
PC: Sivahari
പദ്മജ നായിഡു ഹിമാലയന് സുവോളജിക്കല് പാര്ക്ക് , ഡാര്ജലിങ്ങ്
പാണ്ഡകളുടെ സാമ്രാജ്യമായ പദ്മജ നായിഡു പാര്ക്കാണ് ഇന്ത്യയിലെ ഏറ്റവും ഉയരത്തില് സ്ഥിതി ചെയ്യുന്ന പാര്ക്ക്.
ചുവന്ന പാണ്ഡകളെ കൂടാതെ സൈബീരിയന് കടുവകള്, വംശനാശ ഭീഷണി നേരിടുന്ന മൃഗങ്ങള് എന്നിവയേയും ഇവിടെ കാണാന് കഴിയും. പ്രധാന ഒരു പക്ഷി സങ്കേതം കൂടിയാണ് ഈ പാര്ക്ക്.
PC: Sandeep pai1986
മൈസൂര് സൂ
മൈസൂരിലെ പ്രധാന ആകര്ഷണം കൂടിയാണ് ശ്രീ ചാമരാജേന്ദ്ര സുവോളജിക്കല് പാര്ക്ക് എന്നറിയപ്പെടുന്ന മൈസൂര് പാര്ക്ക്. ജിറാഫ്, സീബ്ര, സിംഹം കാണ്ടാമൃഗം എന്നിവ ഇവിടുത്തെ പ്രധാന കാഴ്ചകളാണ്.
PC: krishanu_seal
അമൃത്തി സുവോളജിക്കല് വെല്ലോര് പാര്ക്ക്
അമൃത്തി പുഴയ്ക്ക് സമീപത്ത് സ്ഥിതി ചെയ്യുന്നതിനാലാണ് പാര്ക്ക് ഈ പേരില് അറിയപ്പെടുന്നത്. മൃഗങ്ങളെ കാണാമെന്നതിനുപരി വെള്ളച്ചാട്ടങ്ങളും പച്ചപ്പും കൊണ്ട് സമൃദ്ധമാണിവിടെ. കീരികള്, മുള്ളന്പന്നികള് എന്നിവ ഇവിടെ ധാരാളം ഉണ്ട്.
നെഹ്റു സുവോളജിക്കല് പാര്ക്ക്, ഹൈദരാബാദ്
തെലുങ്കാനയിലെ ഹൈദരാബാദില് സ്ഥിതി ചെയ്യുന്ന ഈ പാര്ക്കിന്റെ ഏറ്റവും പ്രധാന ആകര്ഷണം രാത്രി നേരത്ത് ഇരതേടുന്ന പക്ഷികളാണ്. അതിനാല് തന്നെ രാവിലെ എത്തുന്ന സന്ദര്ശകര്ക്ക് ഇവയെ വ്യക്തമായി കാണാം.ഫ്രൂട്ട് വവ്വാലുകള്, വിവിധയിനം മൂങ്ങകള് എന്നിവ ഇവിടുത്തെ കാഴ്ചകളാണ്.
PC: Aradhanait
Click it and Unblock the Notifications
