കണ്ണൂരിനപ്പുറത്താണ് മൂർഖൻമാർ വിഹരിക്കുന്നത്

പാമ്പ് വളർത്ത് കേന്ദ്രം

പറശ്ശിനിക്കടവിൽ എത്തുന്ന സഞ്ചാരികളെ ഏറെ ആകർഷിപ്പിന്ന ഒന്നാണ് പറശ്ശിനിക്കടവ് പാമ്പ് വളർത്ത് കേന്ദ്രം. കണ്ണൂർ നഗരത്തിൽ നിന്ന് 16 കിലോമീറ്റർ അകലെയായിട്ടാണ് ഈ പാമ്പ് വളർത്ത് കേന്ദ്രം സ്ഥിതി ചെയ്യുന്നത്.
ചിത്രത്തിന് കടപ്പാട്: Vaikoovery

ഏ സി മുറിയിലെ രാജാവ്

വിഷമുള്ളതും വിഷമില്ലാത്തതുമായ നിരവധി പാമ്പുകൾ ഇവിടെ സഞ്ചാരിക്കുന്നവർക്ക് കാണാൻ സാധിക്കും. കൊടിയ വിഷമുള്ള രാജവെമ്പാലയെ ശീതികരിച്ച മുറിയിലാണ് വളർത്തുന്നത്. കണ്ണാടികൂട്ടിലാണ് രാജവെമ്പാലയെ വളർത്തുന്നത്. അതിനാൽ ഭയക്കാതെ വളരെ അടുത്ത് നിന്ന് ഈ പാമ്പിനെ കാണാം.
ചിത്രത്തിന് കടപ്പാട്: Vaikoovery

പാമ്പുകൾ മാത്രമല്ല

പമ്പുകളെ മാത്രമല്ല ഇവിടെ പരിപാലിക്കുന്നത്. അപൂർവയിനം പക്ഷികളേയും മുതലകളേയും കുരങ്ങുകളേയും സഞ്ചാരികൾക്ക് ഇവിടെ കാണാം. പാമ്പുകളെക്കുറിച്ച് വിദഗ്ധരുടെ ക്ലാസുകൾ ഉണ്ടാകും. വിഷമില്ലാത്ത ചിലപാമ്പുകളെ തൊടാൻ സഞ്ചാരികൾക്ക് അവസരവും ഉണ്ട്.
ചിത്രത്തിന് കടപ്പാട്: Vaikoovery

വിസ്മയ അമ്യൂസ്‌മെന്റ് പാർക്ക്

പറശ്ശിനിക്കടവ് സ്നേക്ക് പാർക്ക് സന്ദർശിക്കുന്നവർക്ക് സന്ദർശിക്കാൻ ‌പറ്റിയ അമ്യൂസ്‌മെന്റ് പാർക്കാണ് വിസ്മയ പാർക്ക്. സഹകരണ സ്ഥാപനമായ മലബാർ ടൂറിസം ഡെവലപ്പ്മെന്റ് കോർപ്പറേഷന്റെ കീഴിലാണ് ഈ പാർക്ക് പ്രവർത്തിക്കുന്നത്. കണ്ണൂരിൽ നിന്ന് 18 കിലോമീറ്റർ അകലെയായാണ് ഈ പാർക്ക് സ്ഥിതി ചെയ്യുന്നത്.

ചിത്രത്തിന് കടപ്പാട്: Vijayakumarblathur

ശ്രീമുത്തപ്പൻ ക്ഷേത്രം

പറശ്ശിനിക്കടവ് സന്ദർശിക്കുന്നവർ ഒരിക്കലും ഒഴിവാക്കരുതാത്ത സ്ഥലമാണ് പറശ്ശിനിക്കടവ് മുത്തപ്പ‌ൻ ക്ഷേത്രം. കണ്ണൂരിൽ നിന്ന് 18 കിലോമീറ്റർ അകലെയായിട്ടാണ് ഈ ക്ഷേത്രം സ്ഥിതി ചെയ്യുന്നത്. വളപ്പട്ടണം പുഴയുടെ തീരത്താണ് ഈ ക്ഷേത്രം സ്ഥിതി ചെയ്യുന്നത്. വളപട്ടണം പുഴയിലൂടെ ബോട്ട് സാവാരിക്കും സന്ദർശകർക്ക് അവസരമുണ്ട്.

ചിത്രത്തിന് കടപ്പാട്: Ronambiar