യാത്ര അങ്ങ് വയനാട്ടിലേക്കാണ്; ലക്ഷ്യം എടക്കൽ ഗുഹ!

ലക്ഷ്യം എടക്കൽ ഗുഹ

പശ്ചിമഘട്ടത്തിന്റെ ഭാഗമായ അമ്പുകുത്തി മലയിലാണ് എടക്കൽ ഗുഹ സ്ഥിതി ചെയ്യുന്നത്. സമുദ്ര നിരപ്പിൽ നിന്ന് ഏകദേശം 4000 അടി ഉയരത്തിലാണ് ഈ ഗുഹ സ്ഥിതി ചെയ്യുന്നത്. മലകയറി മുകളിലേക്ക് പോകണം ഈ ഗുഹയിൽ എത്തിപ്പെടാ‌ൻ

ചിത്രത്തിന് കടപ്പാട്: Drajay1976

മനുഷ്യ നിർമ്മിതമല്ല

മനുഷ്യ നിർമ്മിതമല്ല ഈ ഗുഹകൾ. ഉയർന്ന് നിൽക്കുന്ന രണ്ട് കൂറ്റൻ പാറകൾ, ഈ പാറകൾക്ക് ഇടയിലായി മേൽക്കൂര പോലെ സ്ഥിതി ചെയ്യുന്ന മറ്റൊരു പാറയാണ് ഇതിന് ഗുഹയുടെ രൂപം നൽകുന്നത്.

ചിത്രത്തിന് കടപ്പാട്: Rahul Ramdas

ഗുഹയ്ക്കുള്ളിലേക്ക്

രണ്ട് പാറകൾക്ക് ഇടയിലായി മറ്റൊരു കല്ല് ഇരിക്കുന്നതിനാലാണ് ഈ ഗുഹയ്ക്ക് ഇടക്കൽ എന്ന് പേര് വന്നത്. മുപ്പതടി ഉയരമുള്ള ഈ ഗുഹയ്ക്ക് 98 അടി നീളവും 22 അടി വീതിയുമുണ്ട്.

ചിത്രത്തിന് കടപ്പാട്: Vinayaraj

ശിലാ ലിഖിതങ്ങൾ

ഗുഹയ്ക്കുള്ളിൽ ചില ശിലാ ലിഖിതങ്ങൾ കൊത്തിവച്ചിട്ടുണ്ട്. കേരളത്തിൽ കണ്ടെത്തിയതിൽ വച്ച് ഏറ്റവും പഴക്കമുള്ള ശിലാലിഖിതം ഇതാണ്. പ്രാചീന കാലത്ത് കേരളത്തിൽ നിലവിലുണ്ടായിരുന്ന ഒരു രാജവംശത്തെക്കുറിച്ചാണ് ഈ ശിലാലിഖിതത്തിൽ രേഖപ്പെടുത്തിയിരിക്കുന്നത്. പിൽക്കാലത്ത് രേഖപ്പെടുത്തിയ ചില ലിഖിതങ്ങളും ഇക്കൂട്ടത്തിൽ കാണാം.

ചിത്രത്തിന് കടപ്പാട്: Satheesan.vn

ഗവേഷണങ്ങൾ

ബ്രിട്ടീഷുകാരുടെ കാലത്ത് 1894ൽ ആണ് എടക്കൽ ഗുഹയെക്കുറിച്ച് പഠനം നടന്നത്. അക്കാലത്തെ ഒരു പോലീസ് ഓഫീസറായിരുന്ന എഫ് ഫോസറ്റായിരുന്നു ഇതിന് മുൻകൈ എടുത്തത്. പിന്നീട് നിരവധിപ്പേർ ഗുഹയേക്കുറിച്ചും ശിലാ ലിഖിതങ്ങളെക്കുറിച്ചും പഠനം നടത്തി.

ചിത്രത്തിന് കടപ്പാട്: Drajay1976

അമ്പുകുത്തി മല

എടക്കൽ ഗുഹയുമായി ബന്ധപ്പെട്ട് നിരവധി വിശ്വാസങ്ങൾ നിലനിൽക്കുന്നുണ്ട്. ശ്രീരാമന്റെ അമ്പേറ്റാണ് ഈ പാറയിൽ വിടവുണ്ടായതെന്നാണ് ഒരു വിശ്വാസം അങ്ങനെയാണ് ഈ മലയ്ക്ക് അമ്പുകുത്തി മല എന്ന പേര് ലഭിച്ചത്. നിരവധി വിഗ്രഹങ്ങളും ഈ മലയിൽ കാണാം.

ചിത്രത്തിന് കടപ്പാട്: Arav

കാലപ്പഴക്കം

ഈ ഗുഹരൂപപ്പെട്ട കാലത്തെക്കുറിച്ച് വ്യക്തമായ നിഗമനത്തിൽ എത്തിച്ചേരാൻ ഇതുവരെ കഴിഞ്ഞിട്ടില്ല. എന്നാൽ ബി സി ആറായിരത്തിലാണ് ഈ ഇവിടെ ശിലാലിഖിതം കൊത്തിവച്ചതെന്നാണ് കരുതുന്നത്. പ്രാചീന ശിലായുഗത്തിന്റെ അന്ത്യ കാലഘട്ടത്തിലാണ് ഇത്.

ചിത്രത്തിന് കടപ്പാട്: നിരക്ഷരൻ.

ഉയരങ്ങളിലേക്ക്

ഗുഹയിലൂടെ കയറി അമ്പുകുത്തിമലയുടെ നെറുകയിലേക്ക് സഞ്ചാരികൾക്ക് കയറി ചെല്ലാം

ചിത്രത്തിന് കടപ്പാട്: Drajay1976

കാഴ്ചകൾ

എടക്കൽ ഗുഹയിൽ നിന്നുള്ള കാഴ്ചകൾ. ഇവിടെ എത്തിച്ചേരുന്ന സഞ്ചാരികൾക്ക് ദൂരയുള്ള നഗരത്തിന്റെ വിദൂരദൃശ്യം ആസ്വദിക്കാം. ഇവിടെ ഒരു ടെലിസ്കോപ്പും സ്ഥാപിച്ചിട്ടുണ്ട്.

ചിത്രത്തിന് കടപ്പാട്: Drajay1976