യാക്കുകളുടെ പുറത്ത് എങ്ങനെ കയറാം?

എന്താണ് യാക്ക്?

യാക്ക് സഫാരിക്ക് പോകുന്നതിന് മുൻപ് യാക്കിനേക്കുറിച്ച് ചെറുതായെങ്കിലും നമ്മൾ മനസിലാക്കിയിരിക്കണം. ഹിമാലയൻ പ്രദേശത്ത് കാണപ്പെടുന്ന രൂപത്തിൽ കാളയേപ്പോലെ തോന്നിപ്പിക്കുന്ന ഒരു മൃഗമാണ് യാക്ക്. തണുപ്പുള്ള പ്രദേശങ്ങളിൽ മാത്രം വളരുന്ന യാക്കുകൾക്ക് ഏകദേശം 6 അടി വരെ നീളം വരും.

Photo Courtesy: Pongratz

എന്തിനാണ് യാക്കുകൾ?

എരുമകളേയും പശുക്കളേയുമൊക്കെ വളർത്തുന്നത് പോലെയാണ് യാക്കുകളേയും വളർത്തുന്നത്. പാലിനും ഇറച്ചിക്കും പിന്നെ യാത്ര ചെയ്യാനുമാണ് യാക്കുകളെ ഉപയോഗിക്കുന്നത്. മരങ്ങൾ വളരെ കുറവുള്ള ടിബറ്റിലും മറ്റും യാക്കുകളുടെ ചാണകമാണ് ഇന്ധനമായി ഉപയോഗിക്കുന്നത്.

Photo Courtesy: Ekrem Canli

യാക്ക് റേസിംഗ്

ടിബറ്റിൽ യാക്ക് റേസിംഗ് എന്നാൽ അവരുടെ സൻസ്കാരത്തിന്റെ ഭാഗമാണ്. ടൂറിസ്റ്റുകളെ ആകർഷിപ്പിക്കാൻ യാക്ക് സ്കീയിംഗ്, യാക്ക് പോളോ തുടങ്ങിയ വിനോദങ്ങളും നടത്താറുണ്ട്.

Photo Courtesy: Pm.pfeiffer

കൃഷി

കൃഷി ആവശ്യങ്ങൾക്കും ഹിമാലയൻ ജനത യാക്കുകളെയാണ് ആശ്രയിക്കുന്നത്. നിലം ഉഴുതുന്നതിനും ഭാരം വഹിക്കുന്നതിനുമൊക്കെയായി അവർ യാക്കുകളുടെ സേവനം പ്രയോജനപ്പെടുത്തുന്നു.

Photo Courtesy: Quadell

യാക്ക് ജീവിതം

കാട്ടിൽ ജീവിക്കുന്ന യാക്കുകൾ വേനൽക്കാലങ്ങളിൽ സമുദ്രനിരപ്പിൽ നിന്ന് 6,000 മീറ്റർ ഉയരത്തിലുള്ള മലനിരകളിലാണ് താമസിക്കുന്നത്. തണുപ്പ് കാലത്ത് യാക്കുകൾ കൂട്ടം കൂട്ടമായി താഴ്വാരങ്ങളിലെ തടാകങ്ങളിൽ വന്ന് പാർക്കും.

Photo Courtesy: travelwayoflife

ടിബറ്റും യാക്കും

ഇന്ത്യക്കാർക്ക് പശു എന്നത് പോലെ വിശുദ്ധമൃഗമാണ് ടിബറ്റൻ ജനതയ്ക്ക് യാക്കുകൾ. അവരുടെ ഉത്സവങ്ങളിൽ യാക്കുകളെ അണിയിച്ചൊരുക്കി നിർത്താറുണ്ട്.

Photo Courtesy: Quadell

യാക്ക് ലോകം

ഹിമാലയൻ പ്രവശ്യ, ടിബറ്റൻ പീഠഭൂമി എന്നിവിടങ്ങൾ കൂടാതെ റഷ്യയിലും മംഗോളിയയിലും യാക്കുകളെ കണ്ടുവരുന്നു.

Photo Courtesy: Pongratz

യാക്ക് സഫാരി

സിക്കിം, ജമ്മുകാശ്മീർ, ഹിമാചൽ പ്രദേശ് എന്നീ സ്ഥലങ്ങളാണ് യാക്ക് സഫാരിക്ക് പേരുകേട്ട സ്ഥലങ്ങൾ

Photo Courtesy: Nadeemmushtaque

ലഡാക്കിലെ യാക്ക് സഫാരി

യാക്ക് സഫാരിക്ക് പേരുകേട്ട സ്ഥലമാണ് ലഡാക്ക്. ലഡാക്കിൽ എത്തുന്ന വിനോദ സഞ്ചാരികളെ ആകർഷിപ്പിക്കുന്ന ഒന്നാണ് യാക്ക് സഫാരി. ലഡാക്കിലെ സുന്ദരമായ തടകങ്ങളും പുൽമേടുകളുമൊക്കെ കണ്ടുകൊണ്ടുള്ള യാക്ക് സഫാരി മറക്കാനാവത്ത അനുഭവമാണ് സഞ്ചാരികൾക്ക് നൽകുന്നത്.

Photo Courtesy: 4028mdk09

യാക്കുകളോടുള്ള ബഹുമാനം

യാക്ക് സഫാരിക്ക് തയ്യാറാകുന്നവർ ലഡാക്ക് ടൂറിസ്റ്റ് അധികൃതർ തരുന്ന നിർദ്ദേശം ശ്രദ്ധിക്കേണ്ടതാണ്. സഫാരി നടത്തുന്നതിനിടെ യാക്കുകളെ ഉപദ്രവിക്കരുത്.

Photo Courtesy: 4028mdk09

ഹിമാചൽപ്രദേശിലെ യാക്ക് സഫാരി

കളുവും കുഫ്രിയുമാണ് ഹിമാചൽപ്രദേശിൽ യാക്ക്സഫാരിക്ക് പേരുകേട്ട സ്ഥലങ്ങൾ. ഹിമാചൽ പ്രദേശ് ടൂറിസം വകുപ്പ് തന്നെയാണ് ഇതിന് നേതൃത്വം നൽകുന്നത്. നവംബർ മുതൽ ഫെബ്രുവരി വരെയുള്ള സമയമാണ് യാക്ക് സഫാരിക്ക് അനുയോജ്യമായ സമയം.

Photo Courtesy: Pavel Novak

സിക്കിമിലെ യാക്ക് സഫാരി

സിക്കിമാണ് യാക്ക് സഫാരിക്ക് പേരുകേട്ട മറ്റൊരു സ്ഥലം. സിക്കിമിലേക്ക് പോകുമ്പോൾ യാക്ക് സഫാരിയുടെ കാര്യം മറന്നുപോകേണ്ട. സിക്കിമിലെ യാക്ക് സഫാരിയുടെ വീഡിയോ കാണാം

Photo Courtesy: Dennis Jarvis

വംശനാശഭീഷണി

വൈൽഡ് യാക്കുകളുടെ എണ്ണത്തിൽ കുറവ് വന്നതിനേത്തുടർന്ന് 1990 മുതൽ യാക്കുകളെ സംരക്ഷിക്കുന്നതിനുള്ള പ്രവർത്തനങ്ങ‌ൾ ആരംഭിച്ചിട്ടുണ്ട്.

Photo Courtesy: Nadeemmushtaque