Click it and Unblock the Notifications
സംഗീതം ഇഷ്ടമില്ലാത്ത ആരും കാണില്ല. എങ്കില്, വെറുതെ ഇരുന്ന് ഫോണില് പാട്ടു കേട്ട് ആസ്വദിക്കുന്നതിനു പകരം മറ്റൊരു വഴി നോക്കിയാലോ? നമ്മുടെ രാജ്യത്തിന്റെ വിവിധ ഭാഗങ്ങളിലായി ഒരുപാട് സംഗീത പരിപാടികള് നടക്കാറുണ്ട്. വിദേശത്തു നിന്നും സ്വദേശത്തു നിന്നും ധാരാളം കലാകാരന്മാര് പങ്കെടുക്കുന്ന ഇത്തരം സംഗീത പരിപാടികളില് നേരിട്ടു പങ്കെടുത്താല് എങ്ങനെയുണ്ടാവും. നാടന് പാട്ടും റോക്ക് മ്യൂസിക്കും പ്രാദേശിക ഗായകരുമൊക്കെ ചേരുന്ന അടിപൊളി മ്യൂസിക് ഫെസ്റ്റിവലുകള്!
ഇതാ, ഇവിടുത്തെ എട്ടു പ്രധാനപ്പെട്ട സ്ഥലങ്ങളില് നടക്കുന്ന ലോകോത്തരമായ മ്യൂസിക് ഫെസ്റ്റിവലുകള് നോക്കാം.
ഗോവ
ചെറുപ്പക്കാര് ധാരാളമായി എത്തുന്ന ഈ ഇലക്ട്രോണിക് ഡാന്സ് മ്യൂസിക് ഫെസ്റ്റിവലില് ലോകോത്തര കലാകാരന്മാരോടൊപ്പം പ്രാദേശിക ബാന്ഡുകളും പങ്കെടുക്കാറുണ്ട്.
ഷില്ലോങ്
ഇന്ത്യയിലെ ഏറ്റവും മികച്ച മ്യൂസിക് ഫെസ്റ്റിവലുകളില് ഒന്ന് ഷില്ലോങ്ങിലാണ് നടക്കുന്നത്.
ഷില്ലോങ് ഓട്ടം മ്യൂസിക് ഫെസ്റ്റിവല് എന്നറിയപ്പെടുന്ന പരിപാടി എല്ലാ വര്ഷവും ഒക്ടോബറിലാണ് നടക്കുക. പ്രാദേശികമായി ആളുകള് ഉത്സവമാക്കുന്ന ഇതില് പങ്കെടുക്കാനായി പുറത്തുനിന്നും നിരവധി ആളുകള് എത്താറുണ്ട്.
പൂനെ
സീറോ
ഈ പ്രദേശത്തെ പൗരാണിക സംഗീതത്തോടൊപ്പം ലോക പ്രശസ്ത ബാന്ഡുകളും അണിനിരക്കുന്ന ഈ ഫെസ്റ്റിവല് വടക്കേ ഇന്ത്യയിലെ വിനോദസഞ്ചാര രംഗത്തും ഉണര്വ് നല്കുന്നു.
ബെഗളുരു
വര്ഷം മുഴുവനും നിരവധി സംഗീത പരിപാടികളാണ് ഇവിടെ അരങ്ങേറാറുള്ളത്. എന്.എച്ച്. സെവന് വീക്കെന്ഡര്, സ്ട്രോം ഫെസ്റ്റിവന്, സ്ട്രോബെറി ഫീല്ഡസ് റോക്ക് ഫെസ്റ്റിവല് തുടങ്ങിയവയാണ് പ്രധാനപ്പെട്ട ആഘോഷങ്ങള്.
ജയ്സാല്മീര്
കോട്ടകളും ക്ഷേത്രങ്ങളും മരുഭൂമികളും കൊണ്ട് മാത്രമല്ല ആളുകളുടെ ഹൃദയത്തില് കയറിയിരിക്കുന്നത്. രാഗസ്ഥാന് എന്ന പേരില് എല്ലാ വര്ഷവും മൂന്നു ദിവസങ്ങളിലായി നടത്തുന്ന സംഗീതമേളയും കൊണ്ടാണ്. താമസിച്ച് ഒട്ടക സവാരി നടത്തിക്കൊണ്ടുള്ള ഈ ഫെസ്റ്റിവലില് സംബന്ധിക്കുക എന്നത് അവിസ്മരണീയമായ ഒരനുഭവമായിരിക്കും.
കൊഹിമ
16 ഗോത്രങ്ങളുടെയും അതിലധികം ഉപഗോത്രങ്ങളുടെയും നാടായ നാഗാന്ഡില് ഇവരെയെല്ലാം തമ്മില് ഒന്നിപ്പിക്കുന്നത് ലക്ഷ്യമിട്ട് തുടങ്ങിയ ഹോണ്ബില് ഫെസ്റ്റിവല് ഇന്ന് അവിടുത്തെ പ്രധാന ആഘോഷങ്ങളില് ഒന്നാണ്.
ഒരാഴ്ച നീണ്ടു നില്ക്കുന്ന ഈ ആഘോഷത്തില് ഇവരുടെ സംഗീതവും നൃത്തവും കൂടാതെ മറ്റുപല ഗോത്രകലകളും കാണാന് സാധിക്കും.
ജോധ്പൂര്
കോട്ടകളും കൊട്ടാരങ്ങളും ചേര്ന്ന രാജസ്ഥാനിലെ രണ്ടാമത്തെ വലിയ നഗരമായ ജോധ്പൂര് പ്രധാനപ്പെട്ട ഒരു വിനോദസഞ്ചാര കേന്ദ്രം കൂടിയാണ്. എല്ലാ വര്ഷവും ഇവിടെ നടത്തപ്പെടുന്ന രാജസ്ഥാന് ഇന്റര്നാഷണല് ഫോക് ഫെസ്റ്റിവല് നാടന് കലാകാരന്മാരെ ഉയര്ത്തിക്കൊണ്ടുവരാന് സംഘടിപ്പിക്കുന്ന ഒരു പരിപാടിയാണ്. രാജ്യത്തെമ്പാടുനിന്നുമായി 250 നാടന് പാട്ടുകാര് പങ്കെടുക്കുന്ന ഈ പരിപാടി രാജസ്ഥാനിലെ പ്രധാന ഫെസ്റ്റിവലുകളില് ഒന്നാണ്.
PC : Varun Shiv Kapur
