കാത്തിരുന്ന ക്രിസ്മസ് കാലം ഇതാ ഇങ്ങെത്തിക്കഴിഞ്ഞു. രക്ഷകന്റെ ജനനം ലോകമൊന്നായി ആഘോഷിക്കുന്ന ദിവസത്തിനായി നാടും നഗരവും ഒരുങ്ങുകയാണ്. വ്യത്യസ്തമായ പല ക്രിസ്മസ് ആഘോഷങ്ങളെക്കുറിച്ചും നമ്മൾ കേട്ടിട്ടുണ്ടെങ്കിലും യേശു ജനിച്ച ബത്ലഹെമിലെ ക്രിസ്മസ് ആഘോഷങ്ങൾ ഒന്നു വേറെ തന്നെയാണ്. യേശുവിന്റെ ജന്മസ്ഥലം എന്ന പ്രത്യേകത മാത്രം തേടിയാണ് ഓരോ വർഷവും ആയിരക്കണക്കിന് വിശ്വാസികൾ ക്രിസ്മസ് കാലത്ത് ഇവിടേക്കെത്തുന്നത്. ക്രിസ്മസ് സന്തോഷങ്ങളിൽ ഓരോ സന്ദര്ശകരെയും ആത്മീതയുടെയും വിശ്വാസങ്ങളുടെയും മറ്റൊരു ലോകത്തേയ്ക്ക് കൈപിടിച്ചു നടത്തുവാൻ ഈ ദേശത്തിനു പ്രത്യേക കഴിവുണ്ട്. ഇതാ ബത്ലഹേമിലെ ക്രിസ്മസ് രീതികളും ആഘോഷങ്ങളും പരിചയപ്പെടാം..
പലവിധ സംസ്കാരങ്ങൾ
ക്രിസ്മസ് കാലത്ത് ബത്ലഹേമിലെത്തുന്ന സഞ്ചാരികളെ കാത്തിരിക്കുന്നത് വ്യത്യസ്തമായ കുറേയേറെ സംസ്കാരങ്ങളെയും ആളുകളെയും പരിചയപ്പെടുവാനുള്ള അവസരമാണ്. ബെത്ലഹേമിലെ ക്രിസ്തുമസ് കൂടുതലും ക്രിസ്ത്യൻ വിനോദസഞ്ചാരികളെ ആകർഷിക്കുന്നുണ്ടെങ്കിലും, ടെൽ അവീവ്, ജറുസലേം, നസ്രത്ത് എന്നിവിടങ്ങളിൽ നിന്നും ചുറ്റുമുള്ള പ്രദേശങ്ങളിൽ നിന്നും വിശ്വാസികളല്ലാത്തവരും സഞ്ചാരികളുമെല്ലാം ഇവിടേക്ക് വരുന്നു.