അയ്യപ്പ‌ൻ മഹിഷിയെ നിഗ്ര‌ഹിച്ച എരുമേലി

എരുമേലി ക്ഷേത്രം

എരുമേലി ടൗണിൽ വാവര് പള്ളിക്ക് സമീപത്ത് തന്നെയാണ് കൊച്ചമ്പലം സ്ഥിതി ചെയ്യുന്നത്. കൊച്ചമ്പല‌ത്തി‌ൽ നിന്ന് അര കിലോമീറ്റർ അകലെയായാണ് വലിയമ്പലം. ഈ ക്ഷേത്രത്തി‌ൽ ദർശനം നടത്തിയതിന് ശേഷമാണ് ശബരിമല തീർത്ഥാടകർ മലകയറുന്നത്.
Photo Courtesy: Akhilan

പ്രതിഷ്ഠ

കിഴക്കിനെ അഭിമുഖീകരിച്ച് നിൽക്കുന്ന തരത്തിലാണ് ഇവിടുത്തെ ശാസ്താ പ്രതിഷ്ഠ. ശാസ്താവിന്റെ കൈയ്യിൽ അമ്പും കാണാം. കേരളത്തിലെ ശാസ്ത ക്ഷേത്രങ്ങളിൽ പ്രധാനപ്പെട്ട ഒരു ക്ഷേത്രം കൂടിയാണ് ഈ ക്ഷേത്രം.

ആറാട്ട്

മലയാള മാസം കുംഭത്തിലാണ് പത്ത് ‌ദിവസം നീണ്ട് നിൽക്കുന്ന ഉത്സവം. ഉത്സവത്തിന്റെ അവസാന നാളിൽ ആണ് ഇവിടുത്തെ ആറാട്ട്.
Photo Courtesy: Sabin.kv

താഴമൺ മ‌ഠം

ശബരിമലയിൽ ‌പൂജകൾ ചെയ്യാൻ അവകാശമുള്ള ‌താഴമൺ മഠക്കാർക്കാണ് ഈ ക്ഷേത്രത്തിന്റെയും അവകാശക്കാർ.

എരുമകൊല്ലി

എരുമകൊല്ലി എന്ന വാക്ക് ലോപിച്ചാണ് എരുമേലി എന്ന വാക്കുണ്ടായത് എന്നാണ് പറയപ്പെടുന്നത്. അയ്യപ്പൻ ഇവിടെ വച്ചാണ് എരുമയിൽ രൂപത്തിൽ എത്തിയ മഹിഷിയെ നിഗ്രഹിച്ചത് എന്നാണ് വിശ്വാസം.
Photo Courtesy: Sabin.kv

ഉതിര കുളം

ഉ‌തിര കുളം എന്ന പേരിൽ ഒരു കുളവും ഇവിടെയുണ്ട്. എരുമയുടെ രക്തം വീ‌ണ രു‌ധിരക്കു‌ളമാണ് പി‌ന്നീട് ഉതിരക്കുളം എന്ന പേരിൽ അറിയപ്പെടാൻ തുടങ്ങിയത്.
Photo Courtesy: Sabin.kv

ഐ‌തിഹ്യം

പമ്പയിൽ നിന്ന് കിട്ടിയതാണ് വലിയമ്പത്തിൽ പ്രതിഷ്ഠിച്ച വിഗ്രഹം എന്നാണ് വിശ്വാസം റാന്നി കർത്താക്കളുടെ കീഴിലായിരുന്ന ഈ സ്ഥലം അറി‌യപ്പെട്ടിരുന്ന ആലമ്പള്ളി എന്നായിരുന്നു.
Photo Courtesy: Sabin.kv

എത്തിച്ചേരാൻ

കോട്ടയം നഗരത്തിൽ നിന്ന് 60 കിലോമീറ്റർ അകലെയായി മണിമലയാറിന്റെ തീരത്താണ് എരുമേലി സ്ഥിതി ചെയ്യുന്നത്.