ഉദയ്പൂർ വിവാഹങ്ങളുടെ കാര്യത്തിൽ ഡെസ്റ്റിനേഷൻ / തീം വെഡ്ഡിങ്ങുകളിലെ ടോപ്പ് റേറ്റഡ് ഇടങ്ങളിലൊന്നാണ് രാജസ്ഥാനിലെ ഉദയ്പൂർ. സമ്പന്നമായ ചരിത്രമുള്ള ഇവിടെ ഒരു രാജകീയ രീതിയിൽ, ലക്ഷങ്ങൾ ചിലവഴിച്ച് വിവാഹം നടത്തുവാൻ ആളുകൾ തിരഞ്ഞെടുക്കുന്നു. എന്നാൽ ഉദയ്പൂരിലെ ഒരു ഹണിമൂൺ സ്ഥലമായി തിരിച്ചറിഞ്ഞവർ വളരെ കുറവാണ്. ഇന്ത്യയിലെ ഏറ്റവും മികച്ച ഹണിമൂൺ ഡെസ്റ്റിനേഷനുകളിലൊന്നായ ഇവിടെ വിന്റർ സീസണുകളിൽ വരുവാനാണ് ഏറ്റവും യോജിച്ചത്. പ്രിമീയം നിലവാരത്തിലുള്ല താമസസൗകര്യങ്ങൾ, സൈറ്റ് സീയിങ് തുടങ്ങി എല്ലാം ഉൾക്കൊള്ളുന്ന പാക്കേജുകളും ഇവിടെ ലഭ്യമാണ്.
പോണ്ടിച്ചേരി ഇന്ത്യയിലെ മറ്റൊരു ഓഫ്ബീറ്റ് ഹണിമൂൺ ഡെസ്റ്റിനേഷനാണ് പോണ്ടിച്ചേരി. മലയാളികളുടെ സ്ഥിരം യാത്രാ ലക്ഷ്യസ്ഥാനങ്ങളിലൊന്നായ ഇവിടെ ബീച്ച് വൈബ് ആസ്വദിക്കുന്നതിനായാണ് സഞ്ചാരികൾ അധികവും എത്തുന്നത്. ചെന്നൈയിൽ നിന്നും എളുപ്പത്തിൽ എത്തിച്ചേരുവാൻ സാധിക്കും എന്നതിനാൽ മികച്ച ഒരു വീക്കെൻഡ് ഡെസ്റ്റിനേഷനായും ഇവിടം മാറിയിട്ടുണ്ട്. ബീച്ച് സൈഡ് റിസോർട്ടുകളും വില്ലകളും ഇവിടുത്തെ ഒരാകർഷണം തന്നെയാമെങ്കിലും ഹണിമൂണിനു വരുന്നവർക്ക് അവരുടെ സമയം ഇവിടുതെ പഴയ ഫ്രഞ്ച് റിസോർട്ടുകളിലാക്കാം. മിക്കച്ച ആംബിയൻസും ഭക്ഷണവും ഒക്കെ ഇവിടെ നിങ്ങൾക്ക് ആവോളം ആസ്വദിച്ച് പ്രണയകാലം മനോഹരമാക്കാം.
പുരി അങ്ങ് ഒഡീഷ വരെ പോയന്നാലെന്താ... ഇതിലും മികച്ച ഒരു ഹണിമൂൺ വേറെ ഒരു നാടും നിങ്ങൾക്ക് തരില്ല.പലപ്പോഴും ഒരു തീർത്ഥാടന കേന്ദ്രം എന്ന നിലയിൽ മാത്രമാവും നമ്മിൽ പലർക്കും പുരിയെ പരിചയം. എന്നാൽ അത് മാത്രമല്ല പുരി എന്ന് മനസ്സിലാക്കാൻ ഒരു വരവ് ഇവിടെ വരണം. ബീച്ച് ഹണിമൂൺ ഡെസ്റ്റിനേഷനായാണ് പുരി അറിയപ്പെടുന്നത്. ബീച്ചുകളുടെ നാടായ ഗോവയെ പോലും അതിശയിപ്പിക്കുന്ന തരത്തിലുള്ള ബീച്ചുകൾ പുരിയിൽ കണ്ടെത്താം.
ബേക്കൽ കാസർകോഡ് ജില്ലയിലെ ബേക്കൽ കേരള വിനോദസഞ്ചാര രംഗത്ത് ഉയർന്നുവരുന്ന ഒരിടമാണ്. ഓഫ്ബീറ്റ് ഹണിമൂൺ ഡെസ്റ്റിനേഷൻ എന്ന പേരിൽ കുറച്ചു നാളുകളായി സഞ്ചാരികൾക്കിടയിൽ ബേക്കൽ പ്രസിദ്ധമാണ്. ചരിത്ര പ്രാധാന്യമുള്ള ബേക്കൽ കോട്ട, അവിടുത്തെ ബീച്ച് എന്നിവയാണ് ഇവിടുത്തെ പ്രധാന കാഴ്ചകൾ. യാത്രകൾ ചെയ്യുവാന് താല്പര്യമുണ്ടെങ്കിൽ റാണിപുരം, വലിയപറമ്പ തുടങ്ങിയ സ്ഥലങ്ങളും സന്ദർശിക്കാം.
ലക്ഷദ്വീപ്
ബീച്ച് ഹണിമൂണിനു പറ്റിയ മറ്റൊരു സ്ഥലമാണ് ലക്ഷദ്വീപ്. മറ്റിടങ്ങളെ അപേക്ഷിച്ച് യാത്രാ ചിലവ് അല്പം കൂടുമെങ്കിലും ആ യാത്രയും യാത്രയും അനുഭവങ്ങളും എന്നും അതിലും മുകളിലായിരിക്കും. ദ്വീപുകളിലൂടെയുള്ള യാത്രയും കടലും കടൽവിനോദങ്ങളും കടലിലോട്ട് ഇറങ്ങിക്കിടക്കുന്ന റിസോർട്ടും ഒക്കെയായി ഇവിടുത്തെ ദിവസങ്ങൾ പരമാവധി ആസ്വദിക്കാം.
സുന്ദർബൻസ്
കാടും വന്യജീവികളും ഒക്കെയായി പ്രകൃതിയോട് ഇണങ്ങിയൊരു ഹണിമൂൺ ആണ് ലക്ഷ്യം വയ്ക്കുന്നതെങ്കിൽ സുന്ദർബൻസ് തിരഞ്ഞെടുക്കാം. ജംഗിള് ലോഡ്ജുകളിൽ ഉള്ള താമസവും കാടുകളിലേക്കുള്ള യാത്രയും ഒപ്പം പ്രിയപ്പെട്ടവരും എല്ലാം ചേരുമ്പോൾ ഒരു മികച്ച യാത്ര തന്നെയാരിക്കും ഇത്. നവംബർ മുതൽ ഫെബ്രുവരി വരെയാണ് ഇവിടം സന്ദർശിക്കുവാൻ ഏറ്റവും അനുയോജ്യമായ സമയം. നിങ്ങളും പ്രകൃതിയും മാത്രമുള്ള ഒരു ലോകമാകും സുന്ദർബന്സ് ഹണിമൂൺ ആഘോഷിക്കുവാനെത്തുന്നവർക്കായി കരുതിവെക്കുന്നത്.
ലഡാക്ക്
കുളുവും മണാലിയും ഹണമൂൺ പാക്കേജിലെ ഏറ്റവും തിരക്കേറിയ സ്ഥലങ്ങളാണ്. വർഷത്തിൽ ഓഫ് സീസൺ ആണെങ്കില് പോലും കുളു-മണാലി പാക്കേജ് തിരഞ്ഞെടുക്കുന്നവരുണ്ട്. എന്നാൽ യാത്ര കുറച്ചൊന്നുകൂടി നീട്ടുവാണെങ്കിൽ അത് ലഡാക്കിലോട്ടാക്കാം.ന പങ്കാളിയോടൊത്ത് മഞ്ഞിന്റെ മരുഭൂമിയിലൂടെയുള്ള സാഹസികത യാത്ര ജീവിതത്തിലെ ഏറ്റവും മികച്ച തുടക്കങ്ങളിലൊന്നാവും. സന്സ്കാർ വാലി, ചന്ദ്രശില, പാൻഗോങ് ലേക്ക് തുടങ്ങിയ സ്ഥലങ്ങൾ യാത്രയിൽ സന്ദർശിക്കാം.
കാശുകുറച്ചൊരു ഹണിമൂൺ യാത്ര...ജീവിതം ഇവിടെ ആരംഭിക്കാം!!
ആലപ്പുഴ നമ്മുടെ നാട്ടിലായി എന്ന കാരണത്താൽ മലയാളിലഖൽ ഹണിമൂണിന്റെ കാര്യത്തിൽ തീർത്തും ഒഴിവാക്കുന്ന ഇടമാണ് ആലപ്പുഴ. വിദേശികൾക്കിടിലെ ഏറ്റവും ഹോട്ട് ഹണിമൂൺ ഡെസ്റ്റിനേഷനാണിത്. കിഴക്കിന്റെ വെനീസ് എന്നാണിവിടം അറിയപ്പെടുന്നത്. ഹൗസ് ബോട്ടിലൂടെയുള്ള യാത്രയും റിസോർട്ടുകളിലെ താമസവുമാണ് ആലപ്പുഴ ഹണിമൂണിന്റെ ഹൈലൈറ്റ്സ്.
ഹണിമൂണ് ആസ്വദിക്കാം ഓഫ്ബീറ്റ് ഇടങ്ങളില്.. ഗോകര്ണ മുതല് പഹല്ഗാം വരെ ലിസ്റ്റില്
ഊട്ടിയും മണാലിയും വേണ്ട... പകരം കേരളത്തില് ഹണിമൂണ് ആഘോഷിക്കാം... വൈത്തിരി മുതല് പൂവാര് വരെ