Click it and Unblock the Notifications
കണ്‍നിറയെ വെള്ളച്ചാട്ടങ്ങളു‌ടെ കാഴ്ച കാണുവാന്‍ സഞ്ചാരികളില്ലന്നേയുള്ളൂ.... മണ്‍സൂണിന് മുന്നോടിയായുള്ള വേനല്‍ മഴയില്‍ ഇടുക്കി നിറഞ്ഞൊഴുകുകയാണ്. കൊവിഡില്ലായിരുന്നുവെങ്കില്‍ സഞ്ചാരികള്‍ എത്തിച്ചേരേണ്ട ഇടങ്ങള്‍ ശൂന്യമാണെങ്കിലും ആര്‍ത്തലച്ചൊഴുകിയെത്തുന്ന വെള്ളച്ചാട്ടങ്ങളെ അതൊന്നും ബാധിച്ച മട്ടില്ല. കുറച്ചു നാള്‍ മുന്‍പു വരെ വറ്റിവരണ്ടു കിടന്ന വെള്ളച്ചാട്ടങ്ങള്‍ക്കെല്ലാം ജീവന്‍ വെച്ചിട്ടുണ്ട്...
തൂവല്‍ വെള്ളച്ചാട്ടം
വെള്ളച്ചാട്ടത്തിന്റെ മുകളില്‍ നിന്നും കാണുന്നതിനാല്‍ ഒട്ടും അപകട സാധ്യതയില്ലാതെ പോയിവരാമെന്ന പ്രത്യേകതയും ഇതിനുണ്ട്.
നടന്നെത്താം
മഴക്കാലത്ത് പതിന്മ‌ടങ്ങ് ഭംഗിയാകുന്ന ഇടുക്കിയിലെ മറ്റൊരു വെള്ളച്ചാട്ടമാണ് ആനയടിക്കുത്ത് അഥവാ ആനചാടിക്കുത്ത് വെള്ളച്ചാട്ടം. തൊടുപുഴയ്ക്ക് സമീപത്തായി സ്ഥിതി ചെയ്യുന്ന ഈ വെള്ളച്ചാട്ടത്തിനും കരുത്ത് വെയ്ക്കുന്നത് മഴക്കാലത്താണ്. നിറഞ്ഞ പച്ചപ്പിനു നടുവിലൂടെ ചെന്നെത്തുമ്പോള്‍ പാറയിലൂടെ കുതിച്ചെത്തുന്ന വെള്ളച്ചാട്ടത്തിന്റെ കാഴ്ച ഇവിടെ കാണാം.
കുഞ്ഞുങ്ങളുള്‍പ്പെടെയുള്ളവര്‍ക്ക് വളരെ സുരക്ഷിതമായി വെള്ളച്ചാട്ടത്തിലിറിങ്ങാം എന്നതാണ് ഇവിടേക്ക് സഞ്ചാരികളെ ആകര്‍ഷിക്കുന്നത്. അതിനാല്‍ തന്നെ കുടുംബവുമായി എത്തുന്ന സഞ്ചാരികളാണ് ഇവിടെ അധികവുമുള്ളത്. തൊടുപുഴയില്‍ നിന്നും കരിമണ്ണൂര്‍ വഴി തൊമ്മന്‍കുത്ത് ടൗണ്‍ വഴിയാണ് ആനക്കുത്തിചാടി വെള്ളച്ചാട്ടത്തിലേക്കുള്ള വഴി. തൊമ്മന്‍കുത്ത് ടൗണില്‍ നിന്നും വണ്ണപ്പുറം റൂട്ടില്‍ ഒരുകിലോമീറ്റര്‍ അകലെയാണ് വെള്ളച്ചാട്ടമുള്ളത്.
വെള്ളച്ചാട്ടങ്ങള്‍ക്ക് മുഴുവന്‍ ജീവന്‍വയ്ക്കുന്ന സമയമാണ് മഴക്കാലങ്ങള്‍. അതുകൊണ്ടു തന്നെ അത് ആസ്വദിക്കുവാനായി എത്തിച്ചേരുന്നവരും ധാരാളമുണ്ട്. എന്നാല്‍ മഴക്കാലത്ത് വെള്ളച്ചാട്ടങ്ങളിലേക്ക് പോകുമ്പോള്‍ ശ്രദ്ധിക്കേണ്ടതായ കാര്യങ്ങള്‍ നിരവധിയുണ്ട്. മഴ പെയ്തകൊണ്ടിരിക്കുമ്പോള്‍ വെള്ളച്ചാട്ടത്തിലേക്ക് ഇറങ്ങാതിരിക്കുക എന്നതാണ് ഏറ്റവും പ്രധാന കാര്യം. കാട്ടില്‍ നിന്നു വരുന്ന വെള്ളച്ചാട്ടമാണെങ്കില്‍ അപ്രതീക്ഷിതമായുണ്ടാകുന്ന മഴയിലും ഉരുളിലും വെള്ളം ശക്തമായി ഒലിച്ചിറങ്ങുവാന്‍ സാധ്യതയുണ്ട്. കൂടാതെ പെട്ടന്നു കല്ലുകളും മറ്റും വഴുക്കലുള്ളതാവുന്നതിനാല്‍ അതുകൂടി ശ്രദ്ധിക്കണം.
