Search
  • Follow NativePlanet
Share
» »യാത്രക്കാരായ സുഹൃത്തുക്കള്‍ക്ക് നല്കാം പുതുവര്‍ഷത്തില്‍ ഈ സമ്മാനങ്ങള്‍

യാത്രക്കാരായ സുഹൃത്തുക്കള്‍ക്ക് നല്കാം പുതുവര്‍ഷത്തില്‍ ഈ സമ്മാനങ്ങള്‍

സഞ്ചാരപ്രിയരായ സുഹൃത്തുക്കളെ എങ്ങനെയൊക്ക സന്തോഷിപ്പിക്കാം എന്ന് ആലോചിച്ചിട്ടുണ്ടോ?! പിറന്നാളും പുതുവര്‍ഷവും പോലുള്ള അവസരങ്ങളില്‍ ഒരുകെ‌ട്ട് പുസ്തകമോ വസ്ത്രങ്ങളോ ഒക്കെ വാങ്ങി നല്കുന്നതിലും തങ്ങളുടെ യാത്രയില്‍ ഉപകാരപ്രദമാകുന്ന എന്തെങ്കിലും തന്നെയാവും യാത്രക്കാരായ ചങ്ങാതിമാര്‍ക്ക് നല്കുന്നതാവും അവരെ കൂടുതല്‍ സന്തോഷിപ്പിക്കുക. തങ്ങളുടെ യാത്രകളെ കൂ‌ടുതല്‍ ഫ്രെയിമിലാക്കുവാനും പുത്തന്‍ സാഹസങ്ങള്‍ തേടുവാനും റോഡ് യാത്രകള്‍ അടിപൊളിയാക്കുവാനും ഇത് അവരെ സഹായിച്ചേക്കും. ഇതാ വരുന്ന പുതുവര്‍ഷത്തില്‍ സഞ്ചാരികളയ സുഹൃത്തുക്കളെ എന്തൊക്കെ സമ്മാനങ്ങള്‍ നല്കി അതിശയിപ്പിക്കാം എന്നു നോക്കാം...

ട്രാവല്‍ ബാക്ക്പാക്ക്

ട്രാവല്‍ ബാക്ക്പാക്ക്

സഞ്ചാരികള്‍ എപ്പോഴും മുന്‍ഗണന കൊടുക്കുന്ന കാര്യങ്ങളിലൊന്ന് തങ്ങളുടെ ബാക്ക് പാക്ക് ആണ്. കൃത്യമായി എല്ലാം എടുത്തു വയ്ക്കുവാന്‍ സാധിക്കുന്ന, ഗുണമേന്മയുള്ള ബാഗുകള്‍ ആരും ഇരുകയ്യും നീട്ടി സ്വീകരിക്കും. പക്ഷേ, ബാഗുകള്‍ തിരഞ്ഞെടുക്കുമ്പോള്‍ വാട്ടര്‍ പ്രൂഫ് ആയിരിക്കണം എന്നും മറ്റീരിയല്‍ എളുപ്പത്തില്‍ കേടുവരുന്നതല്ല എന്നും ഉറപ്പു വരുത്തുക. ഭാരം ചുമക്കുമ്പോള്‍ പുറത്തിന് ആയാസം തരാത്ത രീതിയിലുള്ള സപ്പോര്‍‌ട്ടിങ് സ്ട്രാഫ് ഉള്ള ബാഗ് തിരഞ്ഞെ‌ടുക്കാം.

വാക്സിന്‍ കാര്‍ഡ് ഹോള്‍ഡര്‍

വാക്സിന്‍ കാര്‍ഡ് ഹോള്‍ഡര്‍


സഞ്ചാരികളുടെ അവശ്യസാധനങ്ങളുടെ പട്ടികയിലേക്ക് ഏറ്റവും പുതുതായി കയറിവന്ന ആളാണ് വാക്സിന്‍ കാര്‍ഡ് ഹോള്‍ഡര്‍. നിലനിലെ സാഹചര്യത്തില്‍ എവിടെ യാത്ര ചെയ്യണമെങ്കിലും പ്രത്യേകിച്ച് വിദേശത്തേയ്ക്ക് പോകണമെങ്കില്‍ വാക്സിന്‍ എടുത്ത സര്‍ട്ടിഫിക്കറ്റ് കാണിക്കേണ്ടത് നിര്‍ബന്ധമാണ്. അങ്ങനെ നോക്കുമ്പോള്‍ വാക്സിൻ കാർഡ് ഹോൾഡർ വളരെ ഉപകാരപ്പെട്ടേക്കാവുന്ന ഒരു സമ്മാനം ആയിരിക്കും. ചിലപ്പോഴെക്കെ ഡിജിറ്റല്‍ രേഖയ്ക്ക് പകരം പ്രിന്‍റഡ് കോപ്പി കാണിക്കുവാന്‍ ആവശ്യപ്പെ‌ടുന്ന അവസരങ്ങളില്‍ ഇത് ഉപയോഗപ്പെ‌ടുത്താം. ഈ വാക്സിൻ കാർഡ് ഹോൾഡറുകൾ എല്ലായിടത്തും കൊണ്ടുപോകാം

ട്രാവല്‍ ജേര്‍ണല്‍

ട്രാവല്‍ ജേര്‍ണല്‍


സാങ്കേതികമായി എത്ര വളര്‍ന്നുവെന്നു പറഞ്ഞാലും ചില കാര്യങ്ങളില്‍ നാം സന്തോഷം കണ്ടെത്തുന്നത് വളരെ വ്യത്യസ്തമായി ആയിരിക്കും അതില‌ൊന്ന് ‌ട്രാവല്‍ ജേര്‍ണല്‍ ആണ്. യാത്രയുടെ പ്രത്യേക ഓര്‍മ്മകള്‍ കുത്തിക്കുറിച്ചു സൂക്ഷിക്കുവാന്‍ ഒരു കുഞ്ഞു പുസ്തകം ആണ് ഇതുകൊണ്ട് ഉദ്ദേശിക്കുന്നത്. അടുത്ത യാത്രയുടെ പ്ലാനിങ്ങ് പോലുള്ല കാര്യങ്ങളും ഇതില്‍ എഴുതി സൂക്ഷിക്കാം.

ഫോണ്‍ പവര്‍ ബാങ്ക്

ഫോണ്‍ പവര്‍ ബാങ്ക്


യാത്രയില്‍ ബാറ്ററി തീര്‍ന്ന് ഫോണ്‍ ഓഫായി പോകുന്നി‌ടത്തോളം വിഷമിപ്പിക്കുന്ന കാര്യം ഒന്നുമില്ല. വഴിയറിയായെ അപരിതിതമായ സ്ഥലത്ത് നിക്കുമ്പോളോ കയ്യില്‍ പണമില്ലാതെ ഓണ്‍ലൈന്‍ പേയ്മെന്‍റിനെ മാത്രം ആശ്രയിച്ചുള്ള യാത്രയാണെങ്കിലോ പറയേണ്ട. യാത്രയുടെ സുഖത്തെയും സന്തോഷത്തെയും മുഴുവന്‍ ഇല്ലാതാക്കുവാന്‍ ഇങ്ങനെയുള്ള കാര്യങ്ങള്‍ക്ക് സാധിക്കും. അതൊഴിവാക്കുവാനായി സുഹൃത്തുക്കള്‍ക്ക് ഒരു മികച്ച പവര്‍ ബാങ്ക് വാങ്ങി നല്കാം.

കാഷ്മെരെ വൂള്‍

കാഷ്മെരെ വൂള്‍

യാത്രാ പ്രിയര്‍ എവിടെയൊക്കെ പോകും എന്ന് മുന്‍കൂട്ടി പ്രവചിക്കുവാന്‍ സാധിക്കാത്തതിനാല്‍ കാലാവസ്ഥയോ‌ട് ചേര്‍ന്നു പോകുന്ന ചില സാധനങ്ങള്‍ അവര്‍ക്ക് സമ്മാനിക്കാം.. അതിലൊന്നാണ് കാശ്മെരെ വൂള്‍. തണുപ്പു കാലത്തെ യാത്രകളില്‍ ഏറെ ഉപകാരപ്രദമാകുന്ന ഒരു കാര്യമാണിത്. കാഷ്മീയർ കമ്പിളി സ്കാർഫ് ചൂടു പകരും എന്നു മാത്രമല്ല, ലുക്കില്‍ അവയെ വെല്ലുവാന്‍ മറ്റൊന്നുമില്ല എന്നതും ഓര്‍മ്മിക്കാം.. ഇത് തികച്ചും ഗംഭീരമായ ഒരു സമ്മാനം ആയിരിക്കും ഇതെന്ന കാര്യത്തില്‍ സംശയമേ വേണ്ട.

ഫോണ്‍ ക്യാമറാ ലെന്‍സ്

ഫോണ്‍ ക്യാമറാ ലെന്‍സ്


പോയ യാത്രകളുടെ ചിത്രങ്ങള്‍ കാണുന്നത് നമ്മെ വീണ്ടും വീണ്ടും ആ ഇടത്തിലേക്കും ഓര്‍മ്മകളിലേക്കും കൊണ്ടുപോകും. ഡിഎസ്എല്‍ആര്‍ ക്യാമറകള്‍ എല്ലാവര്‍ക്കും സാധ്യമായിരിക്കില്ല എന്നതിനാല്‍ നിങ്ങളുടെ യാത്രാ സുഹൃത്തുക്കൾക്കുള്ള ഏറ്റവും അവിശ്വസനീയമായ സമ്മാനമായി ഫോണ്‍ ക്യാമറാ ലെന്‍സ് നല്കാം. കണ്‍മുന്നില്‍ കാണുന്ന കാഴ്ചകള്‍ കുറച്ചധികം ഭംഗിയിലും വൃത്തിയിലും പകര്‍ത്തുവാന്‍ ഇവ സഹായിക്കും. ഇത് അവരുടെ യാത്രാനുഭവങ്ങൾ കൂടുതൽ മികച്ചതാക്കുമെന്ന കാര്യത്തില്‍ സംശയം വേണ്ട.

ട്രാവല്‍ പാക്കിങ് ക്യൂബ്സ്

ട്രാവല്‍ പാക്കിങ് ക്യൂബ്സ്

സഞ്ചാരികള്‍ക്കിടയില്‍ ഏറെ ജനപ്രിയമായ ഒന്നാണ് ട്രാവല്‍ പാക്കിങ് ക്യൂബ്സ്. ബാഗുകള്‍ എളുപ്പത്തില്‍ പാക്ക് ചെയ്യുവാനും ആവശ്യമായ എല്ലാം പാക്ക് ചെയ്തിട്ടുണ്ടെന്ന് ഉറപ്പുവരുത്തുവാനും ഇത് സഹായിക്കുന്നു. യാത്രകൾ കൂടുതൽ ചിട്ടപ്പെടുത്തുന്നതും അലങ്കോലമില്ലാത്തതുമാക്കി ട്രാവല്‍ പാക്കിങ് ക്യൂബ്സ് മാറ്റുന്നു. വസ്ത്രങ്ങളും ചെരുപ്പും ചാര്‍ജറും പവര്‍ ബാങ്കും പോലുള്ള കാര്യങ്ങള്‍ ഓരോരോ പാക്കിങ് ക്യൂബ്സുകളിലായി സൂക്ഷിക്കാം. ഈ പാക്കിംഗ് ക്യൂബുകൾ എല്ലാ വർഷവും മികച്ച യാത്രാ സമ്മാനങ്ങളിൽ ഒന്നാണ്.

 സ്ലീപ് ഫോണ്‍സ്

സ്ലീപ് ഫോണ്‍സ്


സഞ്ചാരികളായ സുഹൃത്തുക്കളെ വ്യത്യസ്തമായി സന്തോഷിപ്പിക്കുവാന്‍ പറ്റിയ കാര്യങ്ങളിലൊന്ന് സ്ലീപ്പ് ഫോണ്‍സ് സമ്മാനമായി നല്കുക എന്നതാണ്. നീണ്ട യാത്രകളുടെ വിരസത മാറ്റുവാന്‍ സിനിമ കാണുകയോ പാട്ട് കേള്‍ക്കുകയോ നമ്മള്‍ ചെയ്യാറുണ്ട്. എന്നാല്‍ ഉറങ്ങുമ്പോള്‍ വലിയ ഹെഡ്ഫോണുകള്‍ വയ്ക്കുന്നത് അസൗകര്യമായിരിക്കും. അപ്പോഴാണ് സ്ലീപ് ഫോണ്‍സ് നിങ്ങളു‌ടെ സഹായത്തിനെത്തുക. ഹെഡ് ബാന്‍ഡ് പോലെ തലയ്ക്കു ചുറ്റും ആയാസമില്ലാതെ ധരിക്കാം എന്നതാണ് ഇതിന്റെ പ്രത്യേകത. ഇവ ബ്ലൂണ്‍ ടൂത്ത് ആയും വയര്‍ലെസ് ആയും ലഭ്യമാണ്. ട്രക്കിങ്ങിനു പോകുമ്പോഴും വിമാന യാത്രയിലും സിറ്റിയിലൂടെ കറങ്ങുമ്പോഴും എല്ലാം ഇത് ഉപയോഗപ്പെടുത്താം.

പോർട്ടബിൾ യുവി ടൂത്ത് ബ്രഷ് സാനിറ്റൈസർ

പോർട്ടബിൾ യുവി ടൂത്ത് ബ്രഷ് സാനിറ്റൈസർ

നിരന്തരം യാത്ര ചെയ്യുകയോ പുറത്ത് താമസ സൗകര്യങ്ങള്‍ എപ്പോഴും ഉപയോഗപ്പെടുത്തേണ്ടിയോ വരുന്ന ആളാണ് നിങ്ങളുടെ സുഹൃത്ത് എങ്കില്‍ അവര്‍ക്ക് ഏറ്റവും ഉപകാരപ്രദമാകുന്ന ഒന്നായിരിക്കും പോർട്ടബിൾ യുവി ടൂത്ത് ബ്രഷ് സാനിറ്റൈസര്‍. ഈ ടൂത്ത് ബ്രഷ് സാനിറ്റൈസർ 99.9% ബാക്ടീരിയകളെയും വൈറസുകളെയും കൊല്ലുന്നു.

ട്രാവല്‍ കൂപ്പണ്‍

ട്രാവല്‍ കൂപ്പണ്‍

അപ്രതീക്ഷിതമായി സഞ്ചാരികള്‍ക്ക ഉപകാരപ്രദമാകുന്ന ഒന്നാണ് ട്രാവല്‍ കൂപ്പണുകള്‍. ഹോട്ടലുകളില്‍ നിന്നു ഭക്ഷണം കഴിക്കുമ്പോഴോ അല്ലെങ്കില്‍ റൂം ബുക്ക് ചെയ്യുമ്പോഴെ ഫ്ലൈറ്റിലോ ബസിലോ ‌ടിക്കറ്റ് ബുക്ക് ചെയ്യുമ്പോഴോ ഒക്കെ ഉപയോഗിക്കുവാന്‍ സാധിക്കുന്ന കൂപ്പണുകള്‍ വളരെ ഉപകാരപ്രദമായിരിക്കും. ആമസോണില്‍ നിന്നും മറ്റു ഓണ്‍ലൈന്‍ സൈറ്റുകളില്‍ നിന്നും നിങ്ങളുടെ കഴിവിനൊത്ത തുകയ്ക്ക് കൂപ്പണ്‍ വാങ്ങി സമ്മാനിക്കാം.

പുത്തന്‍ സാധ്യതകളിലൂടെ കേരളം...കാരവന്‍ ടൂറിസവും സ്റ്റേക്കേഷനും പിന്നെ ഡെസ്റ്റിനേഷന്‍ വെഡ്ഡിങ്ങും!പുത്തന്‍ സാധ്യതകളിലൂടെ കേരളം...കാരവന്‍ ടൂറിസവും സ്റ്റേക്കേഷനും പിന്നെ ഡെസ്റ്റിനേഷന്‍ വെഡ്ഡിങ്ങും!

പാളിപ്പോയ പൂജയും തനിയെ അ‌ടഞ്ഞ ചുറ്റമ്പലത്തിന്‍റെ വാതിലും...വൈക്കം ക്ഷേത്രത്തിലെ തുറക്കാത്ത വാതിലിന്‍റെ കഥപാളിപ്പോയ പൂജയും തനിയെ അ‌ടഞ്ഞ ചുറ്റമ്പലത്തിന്‍റെ വാതിലും...വൈക്കം ക്ഷേത്രത്തിലെ തുറക്കാത്ത വാതിലിന്‍റെ കഥ

Read more about: travel travel ideas travel tips
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X