Search
  • Follow NativePlanet
Share
» »പുത്തൻപള്ളി - ഇന്ത്യയിലെ ഏറ്റവും ഉയരം കൂടിയ പള്ളി

പുത്തൻപള്ളി - ഇന്ത്യയിലെ ഏറ്റവും ഉയരം കൂടിയ പള്ളി

By Maneesh

ഇന്ത്യയിൽ ഏറ്റവും ഉയരമുള്ള ക്രിസ്ത്യൻ ദേവലയം, ഉയരമുള്ള പള്ളികളിൽ ഏഷ്യയിൽ മൂന്നാം സ്ഥാനം. തൃശൂരിലെ പുത്തൻ‌ പള്ളിയേക്കുറിച്ചാണ് പറഞ്ഞ് വരുന്നത്. 260 അടി ഉയരമുള്ള ബൈബിൾ ടവർ എന്ന ഗോപുരത്തിന്റെ പണി 2007ൽ പൂർത്തിയായതോടെയാണ് ലോകത്തിലെ ഉയരൻ‌ പള്ളികളുടെ കൂട്ടത്തിൽ ഈ പള്ളിയും ഉയർന്ന് നിൽക്കുന്നത്.

തൃശൂർ നഗരത്തിലാണ് പുത്തൻപള്ളി എന്ന് അറിയപ്പെടുന്ന, വ്യാകുല മാതവിന്റെ ബസലിക്ക സ്ഥിതി ചെയ്യുന്നത്. ഇൻഡോ- ഗോഥിക് ശൈലിയിൽ നിർമ്മിച്ചിട്ടുള്ള ഈ പള്ളി 25,000 ചതുരശ്ര അടി വിസ്തീർണത്തിലാണ് സ്ഥിതി ചെയ്യുന്നത്. പള്ളിയിലെ ചുമർ ചിത്രങ്ങളും ആലങ്കാരപ്പണികളും സഞ്ചാരികളെ ആകർഷിപ്പിക്കുന്ന ഒന്നാണ്.

1814ൽ ആണ് ഇവിടെ ആദ്യമായി പള്ളി സ്ഥാപിച്ചത്. 1929ൽ പള്ളി പുതുക്കി പണിയുകയായിരുന്നു അതിനാലാണ് ഈ പള്ളി പുത്തൻപള്ളി എന്ന് അറിയപ്പെടാൻ കാരണം. വ്യത്യസ്ത കാലഘട്ടത്തിലായിൽ പള്ളിയുടെ ഉയരം കൂട്ടുകയായിരുന്നു. ഏറ്റവും ഒടുവിൽ 2007ൽ ബൈബിൾ ടവർ പണിതതോടെയാണ്, ഈ പള്ളി ഇന്ത്യയിലേ ഏറ്റവും ഉയരമുള്ള പള്ളിയായി അറിയപ്പെട്ടത്.

ബൈബിൾ ടവർ കൂടാതെ മറ്റ് രണ്ട് ഗോപുരങ്ങൾ കൂടി പള്ളിയോട് അനുബന്ധിച്ചുണ്ട്. 146 അടി ഉയരത്തിൽ നിർമ്മിച്ചിട്ടുള്ള രണ്ട് മണി ഗോപുരങ്ങളാണ് അവ.

ഉയരത്തിൽ മുകളിൽ

ഉയരത്തിൽ മുകളിൽ

ഇന്ത്യയിലേ ഏറ്റവും ഉയരമുള്ള ഈ പള്ളിയിലേക്ക് തൃശൂർ റെയിൽവേ സ്റ്റേഷനിൽ നിന്ന് ഒന്നര കിലോമീറ്റർ ആണ് ദൂരം. ഇവിടെ നിന്ന് ഒരു കിലോമീറ്റർ ദൂരമേയുള്ളു തൃശൂരിലെ പ്രശസ്തമായ ക്ഷേത്രമായ വടക്കും നാഥൻ ക്ഷേത്രത്തിലേക്ക്. ഇൻഡോ - ഗോഥിക് ശൈലിയിലാണ് ഈ പള്ളി നിർമ്മിച്ചിരിക്കുന്നത്.

Photo courtesy: Arjuncm3, Adavies.p

ബൈബിൾടവറും അൾത്താരയും

ബൈബിൾടവറും അൾത്താരയും

ബൈബിൾ ടവറിന്റെ മുകളിൽ കയറാൻ സഞ്ചാരികളെ അനുവദിക്കാറുണ്ട്. ബൈബിളുമായി ബന്ധപ്പെട്ട ചിത്രങ്ങളും കൊത്തുപണികളുമാണ് ബൈബിൾ ടവറിന് ഉള്ളിൽ പ്രദർശിപ്പിച്ചിട്ടുള്ളത്. 260 അടിയാണ് ബൈബിൾ ടവറിന്റെ നീളം. 2007ൽ ആണ് ബൈബിൾ ടവർ ഉദ്ഘാടനം ചെയ്തത്. സുന്ദരമായി രൂപ കൽപ്പന ചെയ്തതാണ് പള്ളിയുടെ അൾത്താര.Photo courtesy: Arjuncm3, Adavies.p

നഗരം കാണാം

നഗരം കാണാം

ബൈബിൾ ടവറിന്റെ മുകളിൽ നിന്ന് പകർത്തിയ തൃശൂർ നഗരത്തിന്റെ ദൃശ്യം. ബൈബിൾ ടവറിന് മുകളിൽ നിന്ന് നോക്കിയാൽ തൃശൂർ നഗരം മുഴുവനായി കാണാം.

Photo courtesy: Jpullokaran

മാലാഖമാരുടെ പൂന്തോട്ടം

മാലാഖമാരുടെ പൂന്തോട്ടം

പുത്തൻപള്ളിയുടെ അങ്കണത്തിലെ ഗാർഡൻ. മാലഖമാരുടെ പ്രതിമകൾ സ്ഥാപിച്ച് മനോഹരമാക്കിയിരിക്കുയാണ് ഈ പൂന്തോട്ടം.

Photo courtesy: Jpullokaran

മണിഗോപുരങ്ങൾ

മണിഗോപുരങ്ങൾ

1929ൽ ആണ് ഈ പള്ളിയുടെ നിർമ്മാണത്തിന് തുടക്കം കുറിച്ചത്. 25,000 ചതുരശ്ര അടി വിസ്തീർണത്തിലാണ് പള്ളി നിർമ്മിച്ചിരിക്കുന്നത്. 146 അടി ഉയരമുള്ള രണ്ട് മണിഗോപുരങ്ങളാണ് പള്ളിയുടെ മറ്റൊരു പ്രത്യേകത.

Photo courtesy: Arjuncm3

നഗരത്തിൽ നിന്ന് ഒരു നോട്ടം

നഗരത്തിൽ നിന്ന് ഒരു നോട്ടം

നഗരത്തിൽ നിന്നുള്ള പള്ളിയുടെ കാഴ്ച.

Photo courtesy: Arjuncm3

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X