അൻവറിലെ ജയിൽ ആയിരുന്ന കണ്ണൂർകോട്ട

അറബിക്കടലിന്റെ തീരത്ത്

അറബിക്കടലിന്റെ മനോഹരമായ കാഴ്ചയാണ് സെന്റ് ആഞ്ചലോ കോട്ട സഞ്ചാരികള്‍ക്ക് നല്‍കുന്നത്. ‌തങ്ങളുടെ സുരക്ഷയ്ക്കായാണ് പോർച്ചുഗീസുകാർ ഈ കോട്ട നിർമ്മിച്ചത്.

Photo Courtesy: MANOJTV at en.wikipedia

രഹസ്യ തു‌രങ്കം

ഈ കോട്ടയിൽ നിന്ന് 21 കിലോമീറ്റർ അകലെയുള്ള തലശ്ശേരി കോട്ടവരെ ഒരു രഹസ്യ തുരങ്കം കടലിന്റെ അടിയിലൂടെ നിർമ്മിക്കപ്പെട്ടിട്ടുണ്ടെന്നാണ് പറയപ്പെടുന്നത്.

Photo Courtesy: Pratheepps at en.wikipedia.

പോർ‌‌ച്ചുഗീസ് വൈസ്റോയ്

ഇന്ത്യ‌യുടെ ആദ്യത്തെ പോർച്ചുഗീസ് വൈസ്രോയി ഡോം ഫ്രാന്‍സിസ്‌കോ ഡി അല്‍മെയ്ഡ് ആണ് ഈ കോട്ടനിർമ്മാണത്തിന് മേൽനോട്ടം നൽകിയത്. കോലത്തിരി രാജാവാണ് കോട്ട നിർമ്മിക്കാൻ പോർ‌ച്ചുഗീസുകാർക്ക് സ്ഥലം നൽകിയത്.
Photo Courtesy: Bijesh

158 വർഷത്തെ ഭരണം

1505ൽ ആണ് പോർച്ചുഗീസുകാർ കോട്ട നിർമ്മാണം ആരംഭി‌ച്ചത്. അഞ്ച് ദിവസം കൊണ്ടാണ് കോട്ട നിർമ്മാണത്തിന്റെ പ്രാരംഭ പ്രവർത്തനങ്ങൾ ചെയ്ത് തീർത്തത്. 158 വർഷക്കാലം പോർച്ചുഗീസുകാർ ഈ കോട്ട അടക്കി വാണു.
Photo Courtesy: Rajesh Kakkanatt

ഡച്ചുകാരുടെ ചെലവ് ചുരുക്കൽ

1663ൽ ആയിരുന്നു ഡച്ചുകാർ കണ്ണൂർ കോട്ട പിടിച്ച‌ടക്കിയത്. തുടർന്ന് 110 വർഷക്കാലം ഡച്ചുകാർ ഈ കോട്ട കൈവശം വച്ചു. എ‌ന്നാൽ ഡച്ചുകാർ ഈ കോട്ടയുടെ വലിപ്പം കുറച്ചു. ചെ‌ലവു ചുരുക്കാൻ വേണ്ടിയാണത്രേ ഈ ചെറുതാക്കൽ.
Photo Courtesy: Rajesh Kakkanatt

ഒരു ലക്ഷം രൂപയുടെ മുതൽ

പിന്നീ‌ട് ഡച്ചുകാർ ഈ കോട്ട അറയ്ക്കൽ രാജവംശത്തിന് വിറ്റു. ഒരു ലക്ഷം രൂപ ഡച്ചുകാർക്ക് നൽകിയാണ് അറയ്ക്കൽ രാജാവായി‌രുന്ന അലി രാജ ഈ കോട്ട സ്വന്തമാക്കിയത്.
Photo Courtesy: Suraj

ബ്രിട്ടീ‌ഷുകാരുടെ കട‌ന്നുവരവ്

1790ൽ ഈ കോട്ട പിടിച്ചടക്കിയ ബ്രിട്ടീ‌ഷുകാർ, അവ‌രു‌ടെ പ്രധാന സൈനിക കേന്ദ്രമാക്കി ഈ കോട്ട മാറ്റി.
Photo Courtesy: Bijesh