പാണ്ഡവരുടെ പാഞ്ചാലിമേട്! ഇടുക്കി യാത്രയിൽ ധൈര്യമായി പോകുവാനൊരിടം കൂടി!

പാഞ്ചാലിമേട്...ദ്വാപരയുഗത്തോളം പഴക്കമുള്ള കഥകളുടെ നാട്. ആകാശവും മരങ്ങളും എവിടെ അതിരിടുന്നു എന്നുമനസ്സിലാകാത്ത രീതിയിൽ മഞ്ഞു പൊതിഞ്ഞുനിൽക്കുന്നയിടം. ആളുയരത്തിൽ വളർന്നു നിൽക്കുന്ന പുല്ല്, പറഞ്ഞുവരുമ്പോൾ ഇവിടെയെല്ലാമുണ്ട്. വന്നെത്തിയാൽ പിന്നെ തിരികെ പോകുവാൻ തോന്നിപ്പിക്കാത്ത ഒരു ഭംഗി ഈ നാടിനുണ്ട്. അപ്രതീക്ഷിതമായി എപ്പോൾ വേണമെങ്കിലും കോടമഞ്ഞിനാൽ മൂടപ്പെടുന്ന ഇവിടേക്ക് കയറിച്ചെല്ലുന്നത് ഒരുപാട് കാഴ്ചകളിലേക്കുള്ള വാതിൽ തുറന്നുകൊണ്ടാണ്. പാഞ്ചാലിയെ നമുക്കറിയാം. പാഞ്ചാലിയുടെ പേരുള്ള ഈ സ്ഥലത്തിനും പാഞ്ചാലിയുമായി ചില ബന്ധങ്ങളുണ്ട്. വനവാസക്കാലത്ത് പാണ്ഡവർ തങ്ങളുടെ ഭാര്യയായ പാഞ്ചാലിക്കൊപ്പം നാളുകൾ ഇവിടെ താമസിച്ചിട്ടുണ്ടെന്നാണ് വിശ്വാസം. അവർ ഒളിവിൽ കഴിഞ്ഞ സ്ഥലമെന്നാണ് ഈ പ്രദേശത്തെ വിശേഷിപ്പിക്കുന്നത്.PC: Wikipedia പാണ്ഡവരും പാഞ്ചാലിയും വസിച്ചിരുന്നു എന്ന വാദത്തിനു ബലമേകുന്ന കാഴ്ചകളും വിശ്വാസങ്ങളും ഇവിടെ ഒരുപാടുണ്ട്. പാഞ്ചാലിക്കുളം, ആനക്കല്ല്, ഗുഹ, അടുപ്പുകല്ലുകൾ എന്നിങ്ങനെ കുറേ കാഴ്ചകളുണ്ട്. ഓരോന്നിനും ഓരോ കഥകളും സ്വന്തമായുണ്ട്. പാണ്ഡവർ ഭക്ഷണം പാകം ചെയ്യാനുപയോഗിച്ച കല്ലുകളാണ് അടുപ്പു കല്ലുകൾ എന്നറിയപ്പെടുന്നത്. പാഞ്ചാലിക്ക് കുളിക്കുവാനായി ഭീമൻ നിർമ്മിച്ച പാഞ്ചാലിക്കുളം, അവർ താമസിച്ചിരുന്നുവെന്ന് ഗുഹ (പാണ്ഡവഗുഹ) , അവിടെ ഭീമന്റെ കാൽപ്പാടുകൾ, തന്നെ ഉപദ്രവിക്കുവാനായി ഓടിയെത്തിയ ഒരാനയെ പാഞ്ചാളി ശപിച്ച് കല്ലാക്കി മാറ്റിയ ആനക്കല്ല് എന്നിവ ഇതിനുദാഹരണങ്ങളാണ്.PC:wikipedia കുറേയധികം വിശ്വാസങ്ങളുടെ നാടാണ് പാഞ്ചാലിമേട്. പാണ്ഡവർ ഇവിടെ നിന്നും മടങ്ങുന്നതിനു മുൻപ് തങ്ങൾ ആരാധിച്ചിരുന്ന ദുർഗ്ഗാ ദേവിയുടെ വിഗ്രഹം ഇവിടുത്തെ മലയരയന്മാര്&zwj;ക്കു നല്&zwj;കി എന്നും അതിനെ ആരാധിക്കണമെന്ന് അവരോട് ആവശ്യപ്പെടുകയും ചെയ്തുവത്രെ. അവർ തങ്ങളുടെ രീതിയിൽ ആ വിഗ്രഹത്തെ ആരാധിച്ചുവെന്നും അത് ദോഷകരമായി ഭവിച്ചുവെന്നുമാണ് ഒരു വിശ്വാസം. തുടർന്ന് ഇവിടെ ഐരും വസിക്കാതെ വരികയും പിന്നീട് ഇവിടുത്തെ ദേവി സ്വയം വള്ളിയങ്കാവ് ക്ഷേത്രത്തിലേക്ക് പോവുകയും ചെയ്തുവത്രെ. വള്ളിയങ്കാവ് ക്ഷേത്രത്തിന്&zwj;റെ മൂലസ്ഥാനം പാഞ്ചാലിമേട്ടിലാണ് . മുണ്ടക്കയത്തു നിന്നും പതിനാറു കിലോമീറ്റര്&zwj; അകലെയാണ് വള്ളിയാങ്കാവ് ശ്രീഭദ്രകാളി ക്ഷേത്രമുള്ളത്.ഇപ്പോൾ ഇവിടെ, ഭുവനേശ്വരി ദേവിക്ക് സമർപ്പിച്ചിരിക്കുന്ന ഒരു ചെറിയ ക്ഷേത്രം കാണാം.PC:wikipedia എത്ര നേരം ചിലവഴിച്ചാലും ഒട്ടും മടുക്കില്ലാത്ത കാഴ്ചകളാണ് ഇവിടെയുള്ളത്. സൂര്യോദയം കാണുവാൻ സാധിക്കുന്ന രീതിയിൽ വരുന്നത് കുറച്ചുകൂടി നല്ലതായിരിക്കും. ഉച്ചസമയത്ത് അവിചാരിതമായി മഞ്ഞ് വരുമെങ്കിലും വെയിലും കാണും. അല്ലെങ്കില്&zwj; വൈകുന്നേരം നാലു മണിയോടു കൂടി കാണുവാന്&zwj; കയറാം.PC:wikipedia ഇടുക്കി ജില്ലയിൽ നിന്നു മകരജ്യോതി കാണുവാൻ പറ്റിയ സ്ഥലമാണിത്. മകരവിളക്കിനോട് അനുബന്ധിച്ച നിരവധി വിശ്വാസികൾ ഇവിടേക്ക് വരാറുണ്ട്.PC:Kerala Tourism ഇടുക്കിയിലേക്ക് ഒറ്റദിവസം ചിലവഴിക്കുവാനാണ് വരുന്നതെങ്കിൽ ധൈര്യമായി പാഞ്ചാലിമേട് ഉള്&zwj;പ്പെടുത്താം. വാഗമൺ യാത്രയിലും പരുന്തുംപാറ യാത്രയിലും മൂന്നാർ യാത്രയിലും നിങ്ങളുടെ പ്ലാൻ അനുസരിച്ച് വളരെ എളുപ്പത്തിൽ ഇവിടേക്ക് പോകാം. എറണാകുളം, ആലപ്പുഴ, തൃശൂർ ജില്ലകളിൽ നിന്നുള്ളവർക്ക് ഏകദിന യാത്രയിൽ പാഞ്ചാലിമേട് കൂടി തിരഞ്ഞെടുക്കാം.രാവിലെ 6.00 മുതൽ വൈകിട്ട് 6.30 വരെയാണ് പ്രവേശന സമയം.PC:Ezhuttukari 22 കിലോമീറ്റർ അകലെയുള്ള പരുന്തുംപാറ , കുട്ടിക്കാനം-മുണ്ടക്കയം റോഡിലെ വളഞ്ഞങ്ങാനം വെള്ളച്ചാട്ടം, പത്തു കിലോമീറ്റർ അകലെയുള്ള വള്ളിയാങ്കാവ് ശ്രീഭദ്രകാളി ക്ഷേത്രം തുടങ്ങിയവയാണ് സമീപത്തെ പ്രധാന ആകർഷണങ്ങൾ.PC:Jeffreycaleb7 ഇടുക്കി ജില്ലയിൽ കുട്ടിക്കാനത്തിന് അടുത്തായാണ് പാഞ്ചാലിമേട് സ്ഥിതി ചെയ്യുന്നത്. കോട്ടയം - കുമളി പാതയിലെ മുറിഞ്ഞപുഴയിൽ നിന്നും ഏകദേശം നാലു കിലോമീറ്റർ ദൂരെയായാണ് പാഞ്ചാലിമേട് സ്ഥിതി ചെയ്യുന്നത്. കോട്ടയത്ത് നിന്നും വരുമ്പോൾ, മുണ്ടക്കയം-തെക്കേമല വഴിയും ഇടുക്കി ഭാഗത്തു നിന്നു വരുമ്പോൾ കുട്ടിക്കാനത്തും വരാം. കോട്ടയത്തു നിന്നും 60 കിലോമീറ്ററും കുട്ടിക്കാനത്തു നിന്നു പത്തു കിലോമീറ്ററുമാണ് ദൂരം. മുറിഞ്ഞ പുഴയിൽ നിന്നും ഇതിന്റെ പ്രവേശന കവാടം കാണാം.Day Trip Idukki: ഇടുക്കി കാഴ്ചകൾക്ക് ഒരു പകൽ.. കണ്ടുതീർക്കാൻ ആയിരമിടങ്ങൾ..എത്ര കണ്ടാലും തീരില്ലമൂന്നാറിലേക്കൊരു വളഞ്ഞ വഴി! കിലോമീറ്റർ കൂടിയാലും നഷ്ടമാവില്ല, ഈ പുതിയ വഴി!