ഈ വര്‍ഷത്തെ മൂന്നാമത്തെ ആകാശ വിസ്മയം അഞ്ചിന്, കാത്തിരിക്കാം ഈ പ്രത്യേകതകളിലേക്ക്

ഈ വര്‍ഷം മൂന്നാമത്തെ

2020 ല്‍ ഭൂമി സാക്ഷ്യം വഹിക്കുന്ന നാല് ചന്ദ്രഗ്രഹണങ്ങളില്‍ മൂന്നാമത്തേതാണ് ജൂലൈ 4,5 തിയ്യതികളിലായി ദൃശ്യമാവുക. പെനംബ്രൽ ചന്ദ്രഗ്രഹണം അഥവാ അല്‍പഛായ ചന്ദ്രഗ്രഹണം ആണ് ഇത്തവണയും നടക്കുക.

കേരളത്തിലില്ല

ആദ്യ രണ്ട് ചന്ദ്രഗ്രഹണങ്ങള്‍ കേരളത്തില്‍ നിന്നും കാണുവാന്‍ സാധിച്ചുവെങ്കിലും ജൂലൈ അഞ്ചിന് നടക്കുന്ന ഗ്രഹണം കേരളത്തില്‍ നിന്നും കാണുവാന്‍ സാധിക്കില്ല.

സമയം

പെനമ്പ്രൽ ചന്ദ്രഗ്രഹണം ജൂലൈ 5 ന് രാവിലെ 8.37 ന് ആരംഭിച്ച് രാവിലെ 11.22 വരെ നീണ്ടുമില്‍ക്കും. രാവിലെ 9:59 നാണ് പരമാവധി ഗ്രഹണം. ഇത് ഏകദേശം 2 മണിക്കൂർ 45 മിനിറ്റ് നീണ്ടുനിൽക്കും. എന്നിരുന്നാലും, പകൽ സമയത്ത് നടക്കുന്നതിനാൽ ഇത് ഇന്ത്യയിൽ നിന്ന് ദൃശ്യമാകില്ല.

എന്താണ് പെനംബ്രൽ ചന്ദ്രഗ്രഹണം

പൂർണം, ഭാഗികം പെനംബ്രൽ എന്നീ മൂന്നുതരത്തിലുള്ള ചന്ദ്രഗ്രഹണങ്ങളാണ് നടക്കാറുള്ളത്. ഇതില്‍ ജൂലൈ അഞ്ചിന് നടക്കുന്നത് പെനംബ്രല്‍ ചന്ദ്രഗ്രഹണമാണ്.
പെനംബ്രല്‍ ചന്ദ്രഗ്രഹണത്തില്‍ സൂര്യനും ഭൂമിയും ചന്ദ്രനും അപൂര്‍ണ്ണായി ആയിരിക്കും നേര്‍രേഖയില്‍ വരിക. ഇങ്ങനെ സംഭവിക്കുമ്പോള്‍ സൂര്യ പ്രകാശം അതിന്റെ നിഴലിന്റെ പുറംഭാഗവുമായി നേരിട്ട് ചന്ദ്രനില്‍ എത്തുവാന്‍ സാധിക്കില്ല. ഭൂമിയാണ് ഇതിനെ ഇങ്ങനെ തടയുന്നത്. ഇതിനെയാണ് പെനംബ്രല്‍ ചന്ദ്രഗ്രഹണം എന്നു പറയുന്നത്. സാധാരണ ഗതിയില്‍ ഇതിനെ വേര്‍തിരിച്ചു മനസ്സിലാക്കുവാന്‍ ബുദ്ധിമുട്ടാണ്. സൂര്യപ്രകാശത്തിൽ നിന്നുമുള്ള ഭൂമിയുടെ നിഴൽ ചന്ദ്രനിൽ പതിക്കുന്നതിനാണ് ചന്ദ്രഗ്രഹണം എന്നു പറയുന്നത്. ഭൂമി ചന്ദ്രനും സൂര്യനും ഇടയിലായിരിക്കുകയും സൂര്യനും ഭൂമിയും ചന്ദ്രനും ഒരേ നേർരേഖയിൽ വരുമ്പോഴാണ് ചന്ദ്രഗ്രഹണം സംഭവിക്കുക.

ബക്ക് മൂണ്‍

പണ്ടുകാലം മുതല്‍ തന്നെ ജൂലൈ മാസത്തിലെ പൂര്‍ണ്ണ ചന്ദ്രനെ ബക്ക് മൂണ്‍ എന്നാണ് വിളിക്കുന്നത്. കര്‍ഷകരുടെ പാരമ്പര്യ വിശ്വാസങ്ങളുടെ അടിസ്ഥാനത്തിലാണ് ഇത്തരത്തിലുള്ള പേരുകള്‍ വന്നത്. ബക്ക് ഡിയറുകള്‍ അഥവാ മാനുകള്‍ക്ക് പുതിയ കൊമ്പുകള്‍ മുളയ്ക്കുവാന്‍ തുടങ്ങുന്ന സമയമാണിത്. അതിനാലാണ് ഇങ്ങനെയൊരു പേര് ജൂലൈയിലെ പൂര്‍ണ്ണ ചന്ദ്രനു വന്നത്. ബക്ക് ചന്ദ്രഗ്രഹണം പൂർണ്ണചന്ദ്രന്റെ 35 ശതമാനം ഭൂമിയുടെ പുറം നിഴലിലേക്ക് കടക്കുകയും തന്മൂലം അതിന്റെ തെളിച്ചം കുറയുകയും ചെയ്യും.
ഈ വര്‍ഷത്തെ അവസാനത്തെ പെനംബ്രൽ ചന്ദ്രഗ്രഹണം ജൂണ്‍ 29-30 തിയ്യതികളിലാണ് നടക്കുക.