Click it and Unblock the Notifications
ചരിത്രത്തെ അതിജീവിച്ച പട്ടണങ്ങളുടെയും, പുരാതനമായ കെട്ടിട സമുച്ചയങ്ങളുടെയും നാടാണ് ഉത്തർപ്രദേശ്. വാരണാസിയിൽ തുടങ്ങി, ലോകത്തിലെ തന്നെ ഏറ്റവും പഴക്കം ചെന്ന നഗരവും, താജ്മഹലിന്റെ സ്വഭവനവുമായ ആഗ്ര നഗരത്തെ വരെ, ഇവിടെ ഉത്തർപ്രദേശ് തന്റെ മടിത്തട്ടിൽ ഭദ്രമായി കാത്തു സൂക്ഷിച്ചു വച്ചിരിക്കുന്നു. നമ്മുടെ നാടിൻറെ മഹത്വത്തെ വിളിച്ചോതുന്ന കോട്ടകളും ക്ഷേത്രങ്ങളും, പള്ളികളും, മഹാന്മാരുടെ ശവകുടീരങ്ങളും ഒക്കെ ഈ നാട്ടിൽ ആർജ്ജവത്തോടെ നെഞ്ചുവിരിച്ച് നിലകൊള്ളുന്നു
ഇന്ത്യയുടെ ചരിത്രത്തെ കുറിച്ചു പഠിക്കുന്ന ഒരാൾക്ക് ഈ പുരാതന നഗരത്തിന്റെ അനശ്വര സൗന്ദര്യത്തെ വെറുതെ വിസ്മരിച്ചു കളയാനാവില്ല. അലഹബാദിൽ നിന്ന് ഏതാണ്ട് 100 കിലോമീറ്റർ അകലെ മാറി സ്ഥിതി ചെയ്യുന്ന പുരാതന നഗരങ്ങളിൽ ഒന്നാണ് ജൗൻപൂർ. 14 ാം നൂറ്റാണ്ടിലെ ദില്ലി സുൽത്താനായിരുന്ന ഫിറോസ് ഷാ തുഗ്ലക്കിൻറെ കാലത്താണ് ഈ നഗരം സ്ഥാപിതമായത്.
ഇങ്ങനെയെങ്കിൽ നമുക്ക് ജൗൻപൂരിലെ ചരിത്ര സ്മാരകങ്ങളെയും, അനശ്വര സൗന്ദര്യത്തെയും കുറിച്ചറിയാൻ ഒരു യാത്ര ഇറങ്ങിപ്പുറപ്പെട്ടാലോ.... ഓരോരുത്തരുടേയും മനസ്സിൽ മായാത്ത ഓർമ്മകൾ കോറിയിടുന്ന ഇങ്ങോട്ടുള്ള യാത്ര ഉടൻതന്നെ ആരംഭിക്കാം...
ഷാഹി ഖ്വില
ഷാഹി ഖ്വീലയെ ജൗൻപൂർ കോട്ട എന്ന പേരിലും അറിയപ്പെടുന്നു. പ്രാചീന യുഗത്തിലെ യുദ്ധങ്ങളിൽ പലതിലും നിരവധി നാശനഷ്ടങ്ങൾ ഈ കോട്ടയ്ക്ക് നേരിട്ടിട്ടുണ്ടെങ്കിലും ഇപ്പോഴും ഇത് ശക്തമായി തന്നെ നിലകൊള്ളുന്നു., പഴയ കാലത്തിൻറെ ചരിത്രകഥകൾ നമുക്ക് പറഞ്ഞുതരുന്ന ഷാഹി ഖ്വീല കോട്ട , തുഗ്ലക് ഭരണത്തിന്റെയും ലോധി സാമ്രാജ്യത്തിന്റേയും, മുഗൾ സാമ്രാജ്യത്തിന്റേയുമൊക്ക രാജാക്കന്മാരുടെ ഭരണത്തിന് കീഴിലായിരുന്നിട്ടുണ്ട്.. അങ്ങനെയെങ്കിൽ, ഈ സീസണിൽ ഷാഹി ഖ്വിലയുടെ സമീപത്തേക്ക് ഒരു വിനോദയാത്ര ആരംഭിച്ചാലോ..?
അതാല മസ്ജിദ്
ജൗൻപൂരിലെ ഏറ്റവും പ്രശസ്തമായ മുസ്ലീം പള്ളികളിലൊന്നാണ് അതാല മസ്ജിദ്. സുൽത്താൻ ഇബ്രാഹിം 15-ാം നൂറ്റാണ്ടിൽ നിർമിച്ച ഒരു അതുല്യ കലാസൃഷ്ടിയാണിത്. പള്ളിക്കരികിലായി ഒരു മികച്ച ഒരു മതപഠനശാലയും ഉണ്ട്. ഇന്ത്യൻ പുരാവസ്തു ഗവേഷണ ശാലയുടെ സംരക്ഷണത്തിലാണ് ഇന്ന് ഈ സ്ഥലം നിലകൊള്ളുന്നത്
ജമാ മസ്ജിദ്
ഷാഹി പാലം
മുഗൾ രാജാവായിരുന്ന അക്ബറിന്റെ രാജവാഴ്ചക്കാലത്ത് പണികഴിപ്പിച്ചതാണ്. മുഗൾ വാസ്തുവിദ്യയുടെ കലാവൈഭവങ്ങളെ തന്മയത്തത്തോടെ പ്രതിഫലിപ്പിക്കുന്ന ചുരുക്കം ചില കലാസൃഷ്ടികളിൽ ഒന്നാണ് ജാൻപൂരിൽ സ്ഥിതിചെയ്യുന്ന ഈ ഷാഹി പാലം.
ഷാഹി പാലത്തിന്റെ നാടെന്നാണ് ജാൻപൂരിനെ ഇവിടുത്തെ പ്രദേശ നിവാസികളും ഇവിടെയെത്തുന്ന സഞ്ചാരികളും പരാമർശിച്ചു വരുന്നത്. 1934 ലെ ഭൂകമ്പത്തിൽ ഇത് ഭാഗികമായി തകർന്നടിഞ്ഞെങ്കിലും ഇപ്പോഴും ഇത് മികച്ച രീതിയിൽ പ്രവർത്തിച്ചു വരുന്നു. ഗോമതി നദീതീരത്താണ് ഷാഹി ബ്രിഡ്ജ് സ്ഥിതി ചെയ്യുന്നത്. ജാൻപൂരിലെത്തുന്ന ഓരോ സഞ്ചാരിയും തീർച്ചയായും സന്ദർശിച്ചിരിക്കേണ്ട ചരിത്രപ്രാധാന്യമേറിയ സ്ഥലങ്ങളിലൊന്നാണിത്.
ലാൽ ദർവാസ മസ്ജിദ്
ഷർക്കി രാജവംശക്കാലത്തെ പുണ്യാത്മാവായിരുന്ന സയ്യദ് അലി ദാവൂദ് ഖുതുബുദ്ദീന് സമർപ്പിച്ചതാണ് ലാൽ ദർവാസാ മസ്ജിദ്. രാജ്വേ ബീബിയുടെ ജീവിതാവതാന്ത്യംം വരെ ഒരു സ്വകാര്യ മസ്ജിദായി ഇത് പ്രവർത്തിച്ചു പോന്നുവെന്ന് പറയപ്പെടുന്നു. ഇസ്ലാമിക് വാസ്തുവിദ്യയുടെ അനശ്വര സൗന്ദര്യത്തേ തേടി ജൗൻപൂരിൽ എത്തുന്ന ഒരോ സഞ്ചാരികളും ഇവിടം സന്ദർശിക്കാൻ ഒരിക്കലും മറന്നുപോകരുത്.
PC: Magnus
