സ്ത്രീകള്‍ക്കു വിലക്കുള്ള പൊതിഗൈ മലയുടെ രഹസ്യങ്ങള്‍

മലയാളികള്‍ക്കിത് അഗസ്ത്യാര്‍ മല

തമിഴ്‌നാട്ടുകാര്‍ പൊതിഗൈ മലനിരകള്‍ എന്ന ുവുളിക്കുന്നത് മലയാളികള്‍ക്ക് അഗസ്ത്യമലയാണ്. അഗസ്ത്യമുനി വസിച്ചിരുന്ന സ്ഥലം എന്ന നിലയിലാണ് ഇത് പ്രസിദ്ധം.

PC:Infocaster

തമിഴ് ഭാഷക്ക് വ്യാകരണമുണ്ടായ സ്ഥലം

അകട്ടിയന്‍ എന്നറിയപ്പെട്ടിരുന്ന അഗസ്ത്യമുനി ഇവിടെ വെച്ചാണത്രെ തമിഴ്ഭാഷയ്ക്ക് വേണ്ടിയുള്ള വ്യാകരണം ചിട്ടപ്പെടുത്തിയത് എന്നാണ് വിശ്വാസം. പിന്നീട് അദ്ദേഹത്തിന്റെ ശിഷ്യന്‍മാരിലൊരാളാണ് തോല്‍ക്കാപ്പിയം എന്ന കൃതിയില്‍ തമിഴ് വ്യാകരണത്തെ വിവരിച്ചെഴുതിയിരിക്കുന്നത്.

PC:Rakesh

വിശുദ്ധമല

വളരെ പ്രാചീന കാലം മുതല്‍തന്നെ അഗസ്ത്യമല വിശുദ്ധമായാണ് കണക്കാക്കിയിരുന്നത്. അഗസ്ത്യമഹര്‍ഷി അവിടെ താമസിച്ചിരുന്നു എന്നതാണ് അതിനു കാരണം.

PC:Gauri Wur Sem

തെക്കേ ഇന്ത്യയിലെ ഉയരം കൂടിയ മല

പശ്ചിമ ഘട്ടത്തില്‍ സ്ഥിതി ചെയ്യുന്ന അഗസ്ത്യമലയാണ് തെക്കേ ഇന്ത്യയിലെ ഏറ്റവും ഉയരം കൂടിയ മല. സമുദ്രനിരപ്പില്‍ നിന്നും 1866 മീറ്റര്‍ ഉയരത്തിലാണിവിടം സ്ഥിതി ചെയ്യുന്നത്.

PC:Benoit

രണ്ട് സംസ്ഥാനങ്ങളിലായി

കേരളം, തമിഴ്‌നാട് എന്നീ സംസ്ഥാനങ്ങളിലായി വ്യാപിച്ച് കിടക്കുന്ന ഈ കൊടുമുടി പശ്ചിമഘട്ടത്തിന്റെ ഭാഗമാണ്. കേരളത്തിലെ തിരുവനന്തപുരം, കൊല്ലം ജില്ലകള്‍, തമിഴ്‌നാട്ടിലെ തിരുനെല്‍വേലി, കന്യാകുമാരി ജില്ലകള്‍ എന്നീ ജില്ലകളിലായാണ് അഗസ്ത്യാര്‍കൂടം വ്യാപിച്ച് കിടക്കുന്നത്.

PC:Krisrajvi

അപൂര്‍വ്വതകളുടെ കൂടാരം

അത്യപൂര്‍വ്വങ്ങളായ ഒട്ടേറെ ചെടികളും ഔഷധസസ്യങ്ങളും ജീവജാലങ്ങളും കാണപ്പെടുന്ന ഒരിടം കൂടിയാണിത്. വംശനാശം സംഭവിച്ചുകൊണ്ടിരിക്കുന്ന ധാരാളം ജന്തുക്കളും ഈ കാട്ടിലുണ്ട്.

കണ്ണെടുക്കാന്‍ തോന്നിപ്പിക്കാത്ത പ്രകൃതിഭംഗി

ജീവജാലങ്ങളുടെ അപൂര്‍വ്വത മാത്രമല്ല പൊതിഗൈ മലയെ വ്യത്യസ്തമാക്കുന്നത്. പകരം വയ്ക്കാനില്ലാത്ത പ്രകൃതി ഭംഗിയും സൗന്ദര്യവുമാണ് ഇതിന്റെ ആകര്‍ഷണം. വെള്ളച്ചാട്ടങ്ങളും പുരാതന ക്ഷേത്രങ്ങളും താമ്രപര്‍മി നദിയുടെ ഉത്ഭവവുമൊക്കെ ഇവിടുത്തെ മറ്റ് പ്രത്യേകതകളാണ്.

കാണിക്കാരന്‍ വിഭാഗക്കാരുടെ താമസ സ്ഥലം

കേരളത്തില്‍ കാണിക്കാരന്‍ വിഭാഗത്തില്‍ പെട്ട ആളുകളെ കാണാന്‍ കഴിയുന്ന ഒരിടമാണ് അഗസ്ത്യമല.

PC: Kalidasan K

രണ്ടായിരം തരം ഔഷധച്ചെടികള്‍

രണ്ടായിരം തരം വ്യത്യസ്ത വിഭാഗങ്ങളിലുള്ള ഔഷധച്ചെടികള്‍ ഇവിടെ കാണാം. അതില്‍ തന്നെ 50 എണ്ണത്തോളം വംശനാശം സംഭവിച്ചുകൊണ്ടിരിക്കുന്നതാണ്. പ്ലാവ്, മാവ്, പുളി,ഏലം തുടങ്ങിയവയുടെ കാട്ടുജാതികളും ഇവിടെയുണ്ട്.
വംശനാശം സംഭവിച്ചുകൊണ്ടിരിക്കുന്ന ബെംഗാള്‍ ടൈഗര്‍, സിംഹവാലന്‍ കുരങ്ങ്, നീലഗിരി മാര്‍ട്ടെന്‍ തുടങ്ങിയവയും ഇവിടെയുണ്ട്.

PC:Infocaster

കാടിനുള്ളിലെ ക്ഷേത്രങ്ങള്‍

കൊടുംകാടിനുള്ളില്‍ കാണപ്പെടുന്ന അപൂര്‍വ്വങ്ങളായ ക്ഷേത്രങ്ങള്‍ ഇവിടെയുണ്ട്. അഗസ്ത്യമലയുടെ റ്റവും മുകളിലായി സ്ഥിതി ചെയ്യുന്ന അഗസ്ത്യമൂര്‍ത്തിയുടെ ക്ഷേത്രമാണ് ഇവിടെ ഏറ്റവും പ്രശസ്തം. അവിടെ എത്തുന്നവര്‍ ക്ഷേത്രത്തില്‍ സ്വയം പൂജിച്ച് കുന്നിറങ്ങുകയാണ് ചെയ്യാറ്.

PC: B Saranya

അഗസ്ത്യാര്‍കൂടം ട്രക്കിങ്ങ്

കേരളത്തില്‍ ഏറ്റവുമധികം ആളുകള്‍ കാത്തിരിക്കുന്ന ട്രക്കിങ്ങാണ് അഗസ്ത്യാര്‍കൂടം ട്രക്കിങ്ങ്. എല്ലാ വര്‍ഷവും ജനുവരി,ഫെബ്രുവരി മാസങ്ങളിലാണ് ട്രക്കിങ് നടത്തുക. മുന്‍കൂട്ടി രജിസ്റ്റര്‍ ചെയ്യുന്നവര്‍ക്കു മാത്രമേ ട്രക്കിങ്ങില്‍ പങ്കെടുക്കാന്‍ സാധിക്കൂ.

PC:Varkey Parakkal

സ്ത്രീകള്‍ക്ക് വിലക്ക്

കാടിനുള്ളിലൂടെ നടത്തുന്ന യാത്രയില്‍ പങ്കെടുക്കാന്‍ സ്ത്രീകള്‍ക്കും കുട്ടികള്‍ക്കും വിലക്കുണ്ട്.

സാഹസിക യാത്ര

കേരളത്തില്‍ നടത്താവുന്ന ട്രക്കിങ്ങുകളില്‍ ഏറ്റവും സാഹസികത കൂടിയതാണ് അഗസ്ത്യാര്‍കൂടം ട്രക്കിങ്ങ്. ആനയും പുലിയും ഉള്ള പാതകളിലൂടെ മുന്നേറി വഴുക്കലുള്ള കാട്ടുപാതകളിലൂടെ മാത്രമേ ഈ യാത്ര നടത്താനാവൂ. അതിനാല്‍ സഞ്ചാരികള്‍ സ്വന്തം റിസ്‌കിലാണ് യാത്ര നടത്തുന്നത്.

PC: Suniltg

എത്തിച്ചേരാന്‍

തിരുവനന്തപുരത്തു നിന്നും 70 കിലോമീറ്റര്‍ അകലെയായാണ് അഗസ്ത്യാര്‍കൂടം സ്ഥിതി ചെയ്യുന്നത്.
സമീപത്തുള്ള പട്ടണം നെടുമങ്ങാടാണ്.
ബോണക്കാട് നിന്നാണ് അഗസ്ത്യമല ട്രെക്കിംഗ് ആരംഭിക്കുന്നത്. തിരുവനന്തപുരം നഗരത്തില്‍ നിന്ന് 61 കിലോമീറ്റര്‍ അകലെയായാണ് ബോണക്കാട് സ്ഥിതി ചെയ്യുന്നത്.