» »കേരളത്തിലെ പ്രശസ്തമായ ക്രിസ്ത്യന്‍ ദേവാലയങ്ങള്‍

കേരളത്തിലെ പ്രശസ്തമായ ക്രിസ്ത്യന്‍ ദേവാലയങ്ങള്‍

Written By: Elizabath

വാസ്തുവിദ്യയിലും നിര്‍മ്മിതിയിലും ചരിത്രത്തിലും പ്രശസ്തമായ ഒട്ടേറെ ക്രിസ്തീയ ദേവാലയങ്ങള്‍ കേരളത്തിലുണ്ട്. ജാതിമതഭേദമന്യേ ഒരുപാടാളുകള്‍ സന്ദര്‍ശിക്കുന്ന തീര്‍ഥാടന കേന്ദ്രങ്ങളും ഇവിടെയുണ്ട്. കേരളത്തിന്റെ വിദ്യാഭ്യാസ രംഗത്തും സാംസ്‌കാരിക രംഗത്തും ക്രിസ്ത്യന്‍ ദേവാലയങ്ങളുടെ സംഭാവന ചെറുതല്ല എന്ന് ചരിത്രം നോക്കിയാല്‍ മനസ്സിലാകും. കേരളത്തിലെ പ്രശസ്തമായ ക്രിസ്ത്യന്‍ ദേവാലയങ്ങളെ പരിചയപ്പെടാം.

മലയാറ്റൂര്‍ പള്ളി

മലയാറ്റൂര്‍ പള്ളി

കേരളത്തിലെ അന്താരാഷ്ട്ര തീര്‍ഥാടന കേന്ദ്രമാണ് കൊച്ചിയില്‍ നിന്നും 47 കിലോമീറ്റര്‍ അകലെയുള്ള മലയാറ്റൂര്‍ പള്ളി. ക്രിസ്തു ശിഷ്യനായ സെന്റ് തോമസ് ഇവിടെ വന്നു പ്രാര്‍ഥിച്ചിരുന്നു എന്നാണ് വിശ്വാസം. സമുദ്ര നിരപ്പില്‍ നിന്നും 1269 അടി ഉയരത്തില്‍ സ്ഥിതി ചെയ്യുന്ന ഇവിടെ വലിയ നോയമ്പിന്റെ സമയത്തും പുതുഞായറിന്റെ ദിവസവുമാണ് ഏറ്റവുമധികം വിശ്വാസികള്‍ എത്തുന്നത്.

PC:Dilshad Roshan

 സെന്റ് അല്‍ഫോന്‍സാ ചര്‍ച്ച് ഭരണങ്ങാനം

സെന്റ് അല്‍ഫോന്‍സാ ചര്‍ച്ച് ഭരണങ്ങാനം

കത്തോലിക്കാ സഭയുടെ ഭാരതത്തിലെ ആദ്യത്തെ വിശുദ്ധയായ അല്‍ഫോന്‍സാമ്മയുടെ നാമധേയത്തിലുള്ള ഭരണങ്ങാനം അല്‍ഫോല്‍സാമ്മ ദേവാലയം കേരളത്തിലെ പ്രശസ്തമായ തീര്‍ഥാടന കേന്ദ്രങ്ങളിലൊന്നാണ്. കോട്ടയം ജില്ലയിലെ പാലായില്‍ നിന്നും അഞ്ച് കിലോമീറ്റര്‍ അകലെ സ്ഥിതി ചെയ്യുന്ന ഇവിടെ എല്ലാവര്‍ഷവും ജൂലൈയിലാണ് അല്‍ഫോന്‍സാമ്മയുടെ തിരുന്നാള്‍ ആഘോഷിക്കുന്നത്.

PC: Youtube

വല്ലാര്‍പാടം പള്ളി

വല്ലാര്‍പാടം പള്ളി

ദേശീയ തീര്‍ഥാടന കേന്ദ്രങ്ങളിലൊന്നായ വല്ലാര്‍പാടം ബസലിക്ക 1524 ല്‍ പോര്‍ച്ചുഗീസുകാരാണ് നിര്‍മ്മിച്ചത്. പരിശുദ്ധാത്മാവിന്റെ നാമത്തില്‍ സ്ഥാപിച്ച ഏഷ്യയിലെ ആദ്യത്തെ േേദവാലയമായ വല്ലാര്‍പാടം 1676ല്‍ വെള്ളപ്പൊക്കത്തില്‍ പെടുകയുണ്ടായി. പിന്നീട് പുതുക്കിപ്പണിത പള്ളി വിമേചന നാഥയെന്ന പേരിലറിയപ്പെടുന്ന മാതാവിന്റെ പള്ളിയെന്ന നിലയിലും വല്ലാര്‍പാടത്തമ്മയുടെ പള്ളി എന്ന നിലയിലുമാണ് പ്രശസ്തം.
പിന്നീട് 1888 ല്‍ ലിയോ പതിമൂന്നാമന്‍ മാര്‍പ്പാപ്പ ഇതിനെ പ്രത്യേക പള്ളിയായി ഉയര്‍ത്തുകയുണ്ടായി.

PC: shankar s.

സാന്റാ ക്രൂസ് ബസലിക്ക

സാന്റാ ക്രൂസ് ബസലിക്ക

ഇന്ത്യയിലെ പ്രശസ്തമായ ബസലിക്കകളില്‍ ഒന്നാം സ്ഥാനമാണ് ഫോര്‍ട്ട് കൊച്ചിയിലെ സാന്റാ ക്രൂസ് ബസലിക്കയ്ക്ക്. രൂപകല്പനയിലും നിര്‍മ്മിതിയിലും മുന്നിട്ടുനില്‍ക്കുന്ന ഈ ദേവാലയം ഗോഥിക് രീതിയിലാണ് നിര്‍മ്മിച്ചിരിക്കുന്നത്. പോര്‍ച്ചുഗീസ് മിഷനറിമാരാണ് ഈ ദേവാലയം എ.ഡി. 1500ല്‍ നിര്‍മ്മിക്കുന്നത്. പിന്നീട് പലപ്പോഴായി പുതുക്കി പണിതിട്ടുള്ള ഈ ദേവാലയം കൊച്ചിയുടെ ചരിത്രത്തിന്റെ ഒരു ഭാഗം തന്നെയാണ്. ഇവിടെ എല്ലായ്‌പ്പോഴും സന്ദര്‍ശകര്‍ എത്താറുണ്ട്.

ഫോര്‍ട്ട് കൊച്ചിയില്‍ കണ്ടിരിക്കേണ്ട കാഴ്ചകള്‍

PC:albany_tim

 സെന്റ് ഫ്രാന്‍സീസ് ചര്‍ച്ച്

സെന്റ് ഫ്രാന്‍സീസ് ചര്‍ച്ച്

യൂറോപ്യന്‍മാര്‍ നിര്‍മ്മിച്ച ഇന്ത്യയിലെ ഏറ്റവും പഴക്കമുള്ള ദേവാലയങ്ങളില്‍ ഒന്നാണ് കൊച്ചിയിലെ സെന്റ് ഫ്രാന്‍സീസ് ചര്‍ച്ച്.
വാസ്‌കോഡ ഗാമയുടെ മൃതശരീരം ആദ്യം അടക്കം ചെയ്തിരുന്ന ഈ പള്ളി ഇന്ത്യയിലെ കോളനിവത്ക്കരണത്തിന്റെ ഒരു സാക്ഷി കൂടിയാണ്.
ഒട്ടേറെ ചരിത്രരേഖകളും സൂക്ഷിപ്പുകളും ഇവിടെ പള്ളിയില്‍ കാണാന്‍ സാധിക്കും.

PC:Drajay1976

 അര്‍ത്തുങ്കല്‍ പള്ളി

അര്‍ത്തുങ്കല്‍ പള്ളി

ആലപ്പുഴ ജില്ലയിലെ ചേര്‍ത്തലക്കടുത്തുള്ള അര്‍ത്തുങ്കല്‍ സെന്റ് ആന്‍ഡ്രൂസ് ദേവാലയം കേരളത്തിലെ മറ്റൊരു പ്രശസ്ത തീര്‍ഥാടന കേന്ദ്രമാണ്.
ആയിരക്കണക്കിന് വിശ്വാസികള്‍ പങ്കെടുക്കുന്ന അര്‍ത്തുങ്കല്‍ പെരുന്നാളാണ് ഇവിടുത്തെ ഏറ്റവും പ്രധാനപ്പെട്ട ആഘോഷം.ജനുവരിയിലാണ് ഇവിടുത്തെ പെരുന്നാള്‍. കടലില്‍ പോയി മത്സ്യം പിടിച്ച് ജീവിക്കുന്ന ഇവിടുത്തെ ഭൂരിഭാഗം ആളുകളും പള്ളിയില്‍ പോയി പ്രാര്‍ഥിച്ചിട്ടാണ് ജോലിക്കിറങ്ങുന്നത്.

PC: Challiyil Eswaramangalath Vipin

സെന്റ് ജോര്‍ജ് ഫൊറോന ചര്‍ച്ച് എടപ്പള്ളി

സെന്റ് ജോര്‍ജ് ഫൊറോന ചര്‍ച്ച് എടപ്പള്ളി

നൂറ്റാണ്ടുകള്‍ പഴക്കമുള്ള ഇടപ്പള്ളി പള്ളി എന്നറിയപ്പെടുന്ന സെന്റ് ജോര്‍ജ് ഫൊറോന ചര്‍ച്ച് കേരളത്തിലെ ഏറ്റവും പഴക്കമുള്ള റോമന്‍ കത്തോലിക്ക ദേവാലയം കൂടിയാണ്. എ.ഡി. 594 ല്‍ നിര്‍മ്മിക്കപ്പെട്ട ഈ ദേവാലയത്തിന് രേഗശാന്തിക്കുള്ള കഴിവ് ഉണ്ടെന്ന് വിശ്വസിക്കപ്പെടുന്നു.
എല്ലാ വര്‍ഷവും ഏപ്രില്‍ 25 മുതല്‍ മേയ് 15 വരെയാണ് ഇവിടുത്തെ തിരുന്നാള്‍.

PC: Tachs

കടമറ്റം പള്ളി

കടമറ്റം പള്ളി

പുരാതനമായ പേര്‍ഷ്യന്‍ കുരിശുള്ള കടമറ്റം പള്ളി പ്രശസ്തമായ മലങ്കര ജാക്കോബൈറ്റ് ഓര്‍ത്തഡോക്‌സ് സിറിയന്‍ ചര്‍ച്ച് കൂടിയാണ്. ഒന്‍പതാം നൂറ്റാണ്ടില്‍ ഇന്‍ഡോ-പേര്‍ഷ്യന്‍ ശൈലിയില്‍ നിര്‍മ്മിക്കപ്പെട്ടിട്ടുള്ള ഈ ദേവാലയം മാന്ത്രികനായിരുന്ന കടമറ്റത്ത് കത്തനാരുടെ പേരിലും പ്രശസ്തമാണ്.

PC: Alias

നടമേല്‍ മര്‍ത്തമറിയം ചര്‍ച്ച്

നടമേല്‍ മര്‍ത്തമറിയം ചര്‍ച്ച്

പന്ത്രണ്ടാം നൂറ്റാണ്ടില്‍ സ്ഥാപിച്ച നടമേല്‍ മര്‍ത്തമറിയം ജാക്കോബൈറ്റ് പള്ളി തൃപ്പൂണിത്തുറയിലാണ് സ്ഥിതി ചെയ്യുന്നത്. കൊച്ചി രാജകുടുംബമായിരുന്നു പള്ളിയുടെ രക്ഷാധികാരികള്‍.

PC: Nadamel Marth Mariam Church Official Site

 വിമലഗിരി ചര്‍ച്ച്

വിമലഗിരി ചര്‍ച്ച്

വിജയപുരം രൂപതയുടെ കീഴില്‍ കോട്ടയത്തു സ്ഥിതി ചെയ്യുന്ന പ്രശസ്തമായ പള്ളിയാണ് വിമലഗിരി പള്ളി. ഗോഥിക് രീതിയില്‍ നിര്‍മ്മിച്ചിരിക്കുന്ന ദേവാലയം 1964 ലാണ് നിര്‍മ്മിക്കുന്നത്. 172 അടി ഉയരമുള്ള ഗോപുരമാണ് ഈ ദേവാലയത്തിന്റെ പ്രത്യേകത.

PC:Groundhopping Merseburg

Read more about: churches epic kerala fort kochi

മികച്ച ട്രാവല്‍ ഡീലുകളും ടിപ്‌സുകളും യാത്രാ വിവരണങ്ങളും അറിയാം...

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more