പാമ്പുകളെ ഇഷ്ടമാണോ? എങ്കിൽ കാണാം!

പറശ്ശിനിക്കടവ് സ്നേക്ക് പാർക്ക്

കേരളത്തിലെ ഏക സ്നേക്ക് പാർക്കാണ് കണ്ണൂരിന് അടുത്ത് സ്ഥിതി ചെയ്യുന്ന പറശ്ശിനിക്കടവ് സ്നേക്ക് പാർക്ക്. കണ്ണൂർ നഗരത്തിൽ നിന്ന് ഏകദേശം 16 കിലോമീറ്റർ അകലെയായിട്ടാണ് ഈ സ്നേക്ക് പാർക്ക് സ്ഥിതി ചെയ്യുന്നത്. കണ്ണൂർ തളിപറമ്പ് റൂട്ടിലാണ് ഈ സ്നേക്ക് പാർക്ക്. മൂർഖൻ, അണലി, വെള്ളിക്കെട്ടൻ തുടങ്ങി വിവിധയിനം പാമ്പുകളെ കൂടാതെ മുതലകളേയും ഇവിടെ പരിപാലിക്കുന്നുണ്ട്. ഈ സ്നേക്ക് പാർക്കിന് അനുബന്ധമായി ഒരു വിഷചികിത്സ കേന്ദ്രവും പ്രവർത്തിക്കുന്നുണ്ട്. കൂടുതൽ വായിക്കാം

ചിത്രത്തിന് കടപ്പാട്: Michael Allen Smith

കാത്രജ് സ്നേക്ക് പാർക്ക്

പൂനയ്ക്ക് അടുത്ത് പൂനെ- സത്താര ഹൈവേയിൽ 1986ൽ ആണ് ഈ സ്നേക്ക് പാർക്ക് സ്ഥാപിച്ചിരിക്കുന്നത്. പൂനെയിലും മുംബൈയിലും താമസിക്കുന്നവർക്ക് ഈ സ്നേക്ക് പാർക്ക് സന്ദർശിച്ച് ഉരഗജീവികളെ കാണാവുന്നതാണ്. ഉരഗങ്ങളെ കൂടാതെ വിവിധ ഇനങ്ങളിലായുള്ള ആമകൾ, പക്ഷികൾ എന്നിവയേയും ഇവിടെ പരിപാലിക്കുന്നു.
ചിത്രത്തിന് കടപ്പാട്: AshLin

ബന്നാർഗട്ട നാഷണ‌ൽ പാർക്ക്

ബാംഗ്ലൂരിൽ ഉള്ളവർക്ക് ഉരഗവർഗങ്ങളെ കാണാൻ ബന്നാർഗട്ട നാഷണൽ പാർക്കിൽ പോയാൽ മതിയാകും. വിവിധയിനം വന്യജീവികളെ കൂടാതെ മൂർഖൻ, അണലി, തുടങ്ങിയ ഉരഗവർഗങ്ങളേയും നിങ്ങൾക്ക് കാണാൻ കഴിയും. 2006 മുതൽ ചിത്ര ശലഭ പാർക്കും ഇവിടെ ആരംഭിച്ചിട്ടുണ്ട്. കൂടുതൽ വായിക്കാം

കൽക്കട്ട സ്നേക്ക് പാർക്ക്

1977 ഒക്ടോബർ രണ്ടിനാണ് കൽക്കട്ട സ്നേക്ക് പാർക്ക് സ്ഥാപിച്ചത്. ദംദം വിമാനത്താവളത്തിൽ നിന്ന് 10 കിലോമീറ്റർ അകലെയായിട്ടാണ് കൽക്കട്ട സ്നേക്ക് പാർക്ക് സ്ഥിതി ചെയ്യുന്നത്. രണ്ടേക്കറോളം വിസ്തൃതിയുള്ള സ്ഥലത്താണ് ഈ സ്നേക്ക് പാർക്ക് സ്ഥിതി ചെയ്യുന്നത്. കേന്ദ്ര മൃഗശാല അതോറിറ്റിയുടെ അനുമതിയോടെയാണ് ഈ പാർക്ക് പ്രവർത്തിക്കുന്നത്.

ചിത്രത്തിന് കടപ്പാട്: atrahamrepol

ഗിണ്ടി സ്നേക്ക് പാർക്ക്

ഗിണ്ടി നാഷണൽ പാർക്കിലെ ചിൽഡ്രൻസ് ‌പാർക്കിന് സമീപത്തായിട്ടാണ് ഗിണ്ടി സ്നേക്ക് പാർക്ക് സ്ഥിതി ചെയ്യുന്നത്. ഹെർപെറ്റോളജിസ്റ്റ് ആയ റോമുലസ് വൈറ്റേക്കാറാണ് ഗിണ്ടിയിലെ ചെന്നൈ സ്നേക്ക് പാർക്ക് ട്രെസ്റ്റ് സ്ഥാപിച്ചത്. ഇന്ത്യയിൽ ആദ്യമായിട്ടാണ് ഇഴജന്തുക്കൾക്കായി ഇത്തരം ഒരു പാർക്ക് സ്ഥാപിച്ചിട്ടുള്ളത്. പെരുമ്പാമ്പ്, അണലി, മൂർഖൻ തുടങ്ങി നിരവധി ഉരഗജീവികളെ ഇവിടെ കാണാം.

ചിത്രത്തിന് കടപ്പാട്: Vaikoovery