നീണ്ട നാളത്തെ കാത്തിരിപ്പുകള്ക്കു ശേഷം ട്രാൻസ് ഭൂട്ടാൻ ട്രയൽ ആരംഭിക്കുവാന് ഒരുങ്ങുകയാണ്. പുരാതന കാലത്തെ വ്യാപാരപാതയായിരുന്ന ട്രാൻസ് ഭൂട്ടാൻ ട്രയൽ നീണ്ട അരുപത് വര്ഷത്തെ ഇടവേളയ്ക്കു ശേഷമാണ് ഇത് സഞ്ചാരികള്ക്കായി തുറക്കുന്നത്. 403 കിലോമീറ്റര് നീളത്തില് നീണ്ടുകിടക്കുന്ന ഈ ചരിത്രപാത അക്കാലത്ത് ഒരു തീര്ത്ഥാടന പാതയായും പ്രവര്ത്തിച്ചിരുന്നു.
കൊവിഡിനെ തുടര്ന്ന് കഴിഞ്ഞ രണ്ടവ വര്ഷമായി അടച്ചിട്ടിരുന്ന അതിര്ത്തി രാജ്യം അന്താരാഷ്ട്ര യാത്രക്കാർക്കായി സെപ്റ്റംബര് 23ന് വീണ്ടും തുറക്കും. തുടര്ന്ന് ട്രാൻസ് ഭൂട്ടാൻ ട്രയൽ സെപ്റ്റംബർ 28-ന് ലോകമെമ്പാടുമുള്ള സന്ദർശകർക്കായി തുറക്കും എന്നാണ് അറിയിച്ചിരിക്കുന്നത്. ഭൂട്ടാനിൽ നടക്കുന്ന ഔപചാരിക ചടങ്ങിൽ ട്രയൽ ഔദ്യോഗികമായി വീണ്ടും തുറക്കും.
"ട്രാൻസ് ഭൂട്ടാൻ ട്രയൽ ഇന്ത്യയിൽ നിന്നുള്ള നിർഭയരായ സന്ദർശകരെയും പര്യവേക്ഷകരെയും കമ്മ്യൂണിറ്റി അടിസ്ഥാനമാക്കിയുള്ള അനുഭവങ്ങളിൽ പങ്കെടുക്കാൻ പ്രോത്സാഹിപ്പിക്കുകയും അതുവഴി സുസ്ഥിരവും ഇക്കോടൂറിസവും വികസിപ്പിക്കുന്നതിന് ഗണ്യമായ സംഭാവന നൽകുകയും ചെയ്യും. ടൂറിസം സൗകര്യങ്ങൾ വർധിപ്പിക്കുന്നതിനും സന്ദർശകർക്ക് ജീവിതാനുഭവം നൽകുന്നതിനും പ്രാദേശിക കമ്മ്യൂണിറ്റികളെ സഹായിക്കുക എന്നതാണ് ഞങ്ങളുടെ ലക്ഷ്യം'' . ഭൂട്ടാൻ കാനഡ ഫൗണ്ടേഷന്റെ ചെയർ സാം ബ്ലിത്ത് പത്രക്കുറിപ്പില് പറഞ്ഞു.
ലോകമെമ്പാടുമുള്ള സാഹസിക പ്രേമികൾക്ക് ട്രെക്കിംഗ്, ഹൈക്കിംഗ്, ഓട്ടം എന്നിവയ്ക്കുള്ള അവസരങ്ങൾ ഈ പാത പ്രദാനം ചെയ്യും. ഒരു മാസം സമയമെടുത്തു ഈ പാത മുഴുവനായും എക്സ്പ്ലോര് ചെയ്യുവാന് സാധിക്കും. എന്നാല് അത്രയും സമയമില്ലാത്തവര്ക്കായി ഹാഫ്-ഡേ, ഫുൾ-ഡേ, ഏഴ്-ഡേ ട്രെക്കുകളും ചെയ്യാം. വിനോദസഞ്ചാരികൾക്കായി റൂട്ടിലൂടെയുള്ള ഹ്രസ്വകാല ടൂറുകളും ക്യൂറേറ്റ് ചെയ്യാവുന്നതാണ്. നിങ്ങളുടെ ബജറ്റിന് അനുസരിച്ച പാക്കേജുകളില് താമസം, ഭക്ഷണം എന്നിവ തിരഞ്ഞെടുക്കാം. ഹോംസ്റ്റേകൾ, ക്യാമ്പ്സൈറ്റുകൾ, ഹോട്ടലുകൾ എന്നിവ പാതയോരത്ത് താമസ സൗകര്യം നൽകും.
PC:
Ugyen Tenzin
https://unsplash.com/photos/-ArQKkUag0w