»യുഎഇയുടെ അഞ്ച് വർഷ മൾട്ടിപ്പിൾ എന്ട്രി വിസ- ഒരു വർഷം 180 ദിവസം നിൽക്കാം, അറിയേണ്ടതെല്ലാം
യുഎഇയുടെ അഞ്ച് വർഷ മൾട്ടിപ്പിൾ എന്ട്രി വിസ- ഒരു വർഷം 180 ദിവസം നിൽക്കാം, അറിയേണ്ടതെല്ലാം
Travel Guide
oi-Elizabeth Joseph
പുതിയ റിപ്പോർട്ടുകൾ അനുസരിച്ച് അഞ്ച് വർഷ മൾട്ടിപ്പിൾ എന്ട്രി വിസ നടപടി ക്രമങ്ങളും അപേക്ഷിക്കേണ്ട രീതിയും എളുപ്പമാക്കി കൂടുതൽ ആളുകളെ രാജ്യത്തെത്തിക്കുവാനുള്ള തയ്യാറെടുപ്പിലാണ് ദുബായ്.
സഞ്ചാരികൾക്ക് ഏറെ പ്രയോജനകരമെന്ന് വിലയിരുത്തപ്പെടുന്ന യുഎഇയുടെ അഞ്ച് വർഷ മൾട്ടിപ്പിൾ എന്ട്രി വിസ കൂടുതൽ വ്യാപകമാക്കുവാൻ ഒരുങ്ങി ദുബായ്. രാജ്യത്തേയ്ക്ക് കൂടുതൽ വിനോദ സഞ്ചാരികളെ ആകർഷിക്കുക എന്ന ലക്ഷ്യത്തിലാണ് പുതിയ നടപടി. 2021 മാര്ച്ചില് അഞ്ച് വര്ഷത്തെ ഈ ടൂറിസ്റ്റ് വിസ പദ്ധതി അവതരിപ്പിച്ചിരുന്നുവെങ്കിലും വളരെ പരിമിതമായി മാത്രമായിരുന്നു വിതരണം ചെയ്തിരുന്നത്. പുതിയ റിപ്പോർട്ടുകൾ അനുസരിച്ച് വിസ നടപടി ക്രമങ്ങളം അപേക്ഷിക്കേണ്ട രീതിയും എളുപ്പമാക്കി കൂടുതൽ ആളുകളെ രാജ്യത്തെത്തിക്കുവാനുള്ള തയ്യാറെടുപ്പിലാണ് ദുബായ്.
ഇന്ത്യയിൽ നിന്നുള്ളവർക്ക്
ഇന്ത്യയിൽ നിന്നും ദുബായിലെത്തുന്നവർക്ക് അഞ്ച് വർഷ മൾട്ടിപ്പിൾ എന്ട്രി ടൂറിസ്റ്റ് വിസ നിരവധി പ്രയോജനങ്ങള് നല്കുന്നു. ദുബായിലേക്ക് ഏറ്റവുമധികം സന്ദർശകരെത്തുന്ന രാജ്യങ്ങളിലൊന്ന് ഇന്ത്യ ആണ്.
മൾട്ടിപ്പിൾ എൻട്രി വിസയ്ക്ക് അപേക്ഷിക്കുവാൻ
ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിൻ അഫയേഴ്സ് വെബ്സൈറ്റ് (GDRFA), ഫെഡറൽ അതോറിറ്റികൾ ഫോർ സിറ്റിസൺഷിപ്പ്, കസ്റ്റംസ്, ഐഡന്റിറ്റി, പോർട്ട്സ് സെക്യൂരിറ്റി പോർട്ടൽ അല്ലെങ്കിൽ GDRFA ദുബായ് സ്മാർട്ട് ആപ്ലിക്കേഷനിൽ ഓൺലൈനായി ഈ വിസയ്ക്ക് അപേക്ഷിക്കാം
അഞ്ച് വർഷത്തെ മൾട്ടിപ്പിൾ എൻട്രി വിസയ്ക്ക് ഏകദേശം 408 യുഎസ് ഡോളർ അല്ലെങ്കിൽ ഏകദേശം 33,755 ഇന്ത്യൻ രൂപയാകും 2252.54 വേറെ അപേക്ഷാ പ്രോസസ്സിംഗ് ഫീസ് അടയ്ക്കേണ്ടിയും വരും. എല്ലാ രാജ്യക്കാർക്കും ഈ അഞ്ച് വർഷ
മൾട്ടിപ്പിൾ എൻട്രി വിസയ്ക്ക് അപേക്ഷിക്കുവാൻ സാധിക്കും.