ഹാലോവീന്‍ ആഘോഷങ്ങള്‍ക്കു പോകാം ഈ പ്രേതനാ‌ടുകളിലേക്ക്... പേടിക്കുവാന്‍ ഇതിലധികമെന്തു വേണം

പോവെഗ്ലിയ ദ്വീപ്, ഇറ്റലി

കാഴ്ചയില്‍ അതിമനോഹരമാണ് പോവെഗ്ലിയ ദ്വീപ്. ഇറ്റലിയുടെ സ്വസസിദ്ധമായ ആ ഭംഗിയും രൂപവും ഈ ദ്വീപിനും ഉണ്ടെങ്കിലും ഇവിടുത്തെ കഥകള്‍ അല്പം ഭയപ്പെടുത്തുന്നവയാണ്. പ്ലേഗ് മനുഷ്യരാശിനെ ഭയപ്പെടുത്തിയിരുന്ന കാലത്ത് രോഗം ബാധിച്ചവരെ താമസിപ്പിച്ചിരുന്ന സ്ഥലമായിരുന്നു ഇത്. ഇന്നത്തെ ക്വാറന്‍റൈന്‍ കേന്ദ്രങ്ങള്‍ പോലയായിരുന്നു അക്കാലത്ത് പോവെഗ്ലിയ ദ്വീപ് പ്രവര്‍ത്തിച്ചിരുന്നത്.
ഇതുകൂടാതെ, ഇരുപതാം നൂറ്റാണ്ടിന്റെ തുടക്കത്തിൽ ഈ ദ്വീപ് ഒരു അഭയകേന്ദ്രമായും ഉപയോഗിച്ചിരുന്നു. പല പ്രേതവേട്ടക്കാരും ഇവിടെയെത്തി താമസിക്കുകയും ഈ സ്ഥലം അസാധാരണമായ പ്രവർത്തനങ്ങളുടെ കേന്ദ്രമാണെന്ന് അവകാശപ്പെടുകയും ചെയ്തിട്ടുള്ളതിനാല്‍ നിലവില്‍ ദ്വീപിലേക്ക് പ്രവേശനം നിരോധിച്ചിരിക്കുകയാണ്.
PC:Chris 73

ദി ഡ്രിസ്കിൽ, ടെക്സസ്

അമേരിക്കയിലെ ടെക്സസിലെ ഇന്നും ആളുകളെത്തിച്ചേരുന്ന ഹോട്ടലാണ് ദി ഡ്രിസ്കിൽ. സെലിബ്രിറ്റികളുടെ പ്രിയപ്പെട്ട താവളമായ ഈ ഹോട്ടലിന് ഹോണ്ടഡ് പ്ലേസ് എന്നൊരു ലേബലുമുണ്ട്. എല്ലാവിധ സുഖസൗകര്യങ്ങളും ലഭ്യമായ ഇവിടം അതിമനോഹരമായാണ് നിര്‍മ്മിച്ചിരിരിക്കുന്നത്. എന്നാല്‍ അതിനെയെല്ലാം കളങ്കപ്പെടുത്തുന്ന വിധത്തില് ഹോട്ടലില്‍ പ്രേതബാധയുണ്ടെന്നാണ് കരുതപ്പെടുന്നത്. 20 വര്‍ഷത്തെ ഇടവേളയില്‍ ഹണിമൂണിന് വന്ന രണ്ട് സ്ത്രീകള്‍ ഒരേ മുറിയില്‍ ആത്മഹ്യ ചെയ്തതാണ് ഇതിനു കാരണമെന്നാണ് കരുതപ്പെടുന്നത്.
PC:Billy Hathorn

ടവർ ഓഫ് ലണ്ടൻ, ഇംഗ്ലണ്ട്

കഴിഞ്ഞ 900 ല്‍ അധികം വര്‍ഷമായി , അതിന്‍റെ മഹത്വത്തേക്കാള്‍ അധികം പേടിപ്പിക്കുന്ന കഥകളാലും ദുരന്തങ്ങളാലും അറിയപ്പെടുന്ന ഇടമാണ് ഇംഗ്ലണ്ടിലെ ടവർ ഓഫ് ലണ്ടൻ. സ്കോട്ട്സ് രാജ്ഞിയും ആൻ ബൊലിയയും ഉൾപ്പെടെ ഇംഗ്ലീഷ് രാജകുടുംബത്തിന്റെ നിരവധി പ്രേത കാഴ്ചകൾക്ക് ഇവിടം സാക്ഷിയായിട്ടുണ്ട്. ലണ്ടൻ സന്ദർശിക്കുന്നവർ തീർച്ചയായും സന്ദർശിക്കേണ്ട ഒന്നാണ് ഈ ടവർ.

കാസ ലോമ, കാനഡ

രഹസ്യ പാതകളും ഇടനാഴികളും പിന്നെ അതിശയിപ്പിക്കുന്ന നിര്‍മ്മാണവും കൊണ്ട് പ്രസിദ്ധമാണ് കാനഡയിലെ കാസ ലോമ. ഗോഥിക് ശൈലിയിലുള്ള ഈ വീട് 1914-ൽ ആണ് നിര്‍മ്മാണം പൂര്‍ത്തിയാക്കുന്നത്. ഇവിടുത്തെ ഫര്‍ണിച്ചറുകള്‍ക്ക് അടുത്തിരിക്കുമ്പോള്‍ ആരോ ചുറ്റുമിരുന്ന് മന്ത്രിക്കുന്ന സ്വരം കേള്‍ക്കാമെന്നും അത് പ്രേതങ്ങള്‍ ആണെന്നുമാണ് വിശ്വസിക്കപ്പെടുന്നത്. പതിറ്റാണ്ടുകളായി ഈ മന്ത്രണം ഇവിടെ കേള്‍ക്കാമത്രെ. എന്നിരുന്നാലും ഇന്നും ഇവിടെ സഞ്ചാരികള്‍ക്ക് പ്രവേശനമുണ്ട്. കാണുവാന്‍ ആഗ്രഹിക്കുന്നവര്‍ക്ക് ഇവിടെ ഒരു പ്രോപ്പര്‍ട്ടി ടൂര്‍ നടത്താം.

PC:Priscilla Jordão

ഫെയർമോണ്ട് ബാൻഫ് സ്പ്രിംഗ്സ്, ബാൻഫ്

1888-ൽ പണി പൂര്‍ത്തിയാക്കിയതു മുതല്‍ ഇവിടെ അസാധാരണമായ പല പ്രവര്‍ത്തനങ്ങളും റിപ്പോര്‍ട്ട് ചെയ്യുന്നുണ്ട്. റിപ്പോർട്ടുകൾ പ്രകാരം, ഈ സ്ഥലത്തെ ഏറ്റവും പ്രശസ്തമായ ഇതിഹാസങ്ങളിലൊന്ന് ഹോട്ടൽ ബോൾറൂമിൽ ആളുകൾക്കായി കാത്തിരിക്കുന്ന നവവധുവിന്റെ രൂപത്തിലുള്ള പ്രേതമാണ്. , ഈ ഹോട്ടൽ ബാൻഫ് നാഷണൽ പാർക്കിന്റെ ഹൃദയഭാഗത്തേക്ക് അതിഥികളെ സ്വാഗതം ചെയ്യുന്നു.
PC:Kimpayant

കൊളീസിയം, റോം

ചരിത്രത്തിലെ ഏറെ പ്രധാനപ്പെട്ട നിര്‍മ്മിതികളിലൊന്നായാണ് റോമിലെ കൊളോസിയത്തെ കണക്കാക്കുന്നത്, ഈ ഐതിഹാസിക ഘടനയുടെ ഈ നിർമ്മാണം ആരംഭിച്ചത് എഡി 70 ലാണ്. ഈ സ്ഥലം ടൈറ്റസ് ചക്രവർത്തിയുടെ കാലത്ത് നിരവധി കലഹങ്ങളും ബഹളങ്ങളും നടക്കുകയും ഒടുവിൽ നിരവധി ജീവൻ ഇവിടെ വെച്ച് അപഹരിക്കപ്പെടുകയും ചെയ്തിട്ടുണ്ട്. നിരവധി തടവുകാരും ഗ്ലാഡിയേറ്റർമാരും ഇവിടെവെച്ച് മരിച്ചിട്ടുണ്ട്. ചിലർ സിംഹങ്ങളാൽ കൊല്ലപ്പെട്ടു. കൊളീസിയത്തിന് താഴെയുള്ള നിലവറകൾ വളരെക്കാലമായി പ്രേതബാധയുള്ളതായി വിശ്വസിക്കപ്പെടുന്നു. രാത്രികാലങ്ങളില്‍ വാളുകള്‍ തമ്മില്‍ കൂട്ടിമുട്ടു്ന സ്വരവും ആളുകള്‍ മന്ത്രിക്കുന്നതും ഒക്കെ ഇവിടെനിന്നും കേള്‍ക്കാമെന്നാണ് പറയുന്നത്.

കാസിൽ ഓഫ് ഗുഡ് ഹോപ്പ്, കേപ്ടൗൺ, ദക്ഷിണാഫ്രിക്ക

പതിനേഴാം നൂറ്റാണ്ടിൽ ഡച്ച് ഈസ്റ്റ് ഇന്ത്യാ കമ്പനി നിർമ്മിച്ച സൗത്ത് ആഫ്രിക്കയിലെ ഏറ്റവും പഴക്കമുള്ള കെട്ടിടമാണ് കാസിൽ ഓഫ് ഗുഡ് ഹോപ്പ്. രേഖകൾ പ്രകാരം, ലേഡി ഇൻ ഗ്രേ എന്ന പേരിൽ ഒരു പ്രേതത്തെ ഇവിടെ കാണാറുണ്ടത്രെ.ത് പലപ്പോഴും അവളുടെ മുഖം പിടിച്ച് ഉന്മാദത്തോടെ കരഞ്ഞുകൊണ്ട് കോട്ടയിലൂടെ ഓടുന്നതായായാണ് ലേഡി ഇൻ ഗ്രേയെ ആളുകള്‍ കണ്ടിരിക്കുന്നതെന്നാണ് കഥകള്‍. ഒരിക്കല്‍ ഖനനത്തിനിടെ ഒരു സ്ത്രീയുടെ മൃതദേഹം കണ്ടെത്തിയതിന് ശേഷം ലേഡി ഇൻ ഗ്രയെ പിന്നീട് കണ്ടിട്ടില്ല. .വിശദീകരിക്കാനാകാത്ത പലസംഭവങ്ങളും ഇവിടെ നടക്കാറുണ്ട്. ബെൽ ടവറിൽ തനിയെ മണി മുഴങ്ങുന്നതും കറുത്ത നായ സന്ദര്‍ശകരുടെ നേരെ കുതിച്ചുചെല്ലുന്നതും പിന്നീട് അത് വായുവില്‍ ഇല്ലാതാകുന്നതുമൊക്കെ കണ്ട ആളുകള്‍ ഉണ്ടെന്നാണ് പറയപ്പെടുന്നത്.
PC:Bernard Gagnon

പോർട്ട് ആർതർ, ഓസ്ട്രേലിയ

നിങ്ങൾക്ക് പ്രേതങ്ങളെ നേരിട്ടു കാണുവാന്‍ താല്പര്യമുണ്ടെങ്കില്‍ പോയിരിക്കേണ്ട സ്ഥലമാണ് ഓസ്ട്രേലിയയിലെ പോർട്ട് ആർതർ. 18-ാം നൂറ്റാണ്ടിലെ കുറ്റവാളികളുടെ വാസസ്ഥലമായിരുന്ന പോർട്ട് ആർതറിന് ചുറ്റും നിങ്ങൾക്ക് നിരവധി പ്രേത ടൂറുകൾ കാണാം. മാത്രമല്ല, ഈ ടാസ്മാനിയൻ നഗരം ഇപ്പോൾ അസാധാരണമായ പ്രവർത്തനങ്ങളുടെ ഒരു കേന്ദ്രം കൂടിയാണ്.
PC:Martin Pot

ഹൗസ് ഓഫ് ഡെത്ത്: ന്യൂയോർക്ക് സിറ്റി,

ന്യൂയോർക്കിലെ ഗ്രീൻവിച്ച് വില്ലേജിൽ ലോകത്തിലെ ഏറ്റവും പ്രസിദ്ധമായ ചില ഭവനങ്ങള്‍ കാണാം. അതിലൊന്ന് വെസ്റ്റ് ടെന്‍ത് സ്ട്രീറ്റിലെ "ദി ഹൗസ് ഓഫ് ഡെത്ത്" എന്നറിയപ്പെടുന്ന ടൗൺഹൗസ് ആണ്. അതിന്റെ ചുവരുകൾക്കുള്ളിൽ ജീവിക്കുകയോ മരിക്കുകയോ ചെയ്ത 22 ആളുകളുടെ പ്രേതങ്ങളാൽ വേട്ടയാടപ്പെടുന്നുവെന്ന് പറയപ്പെടുന്നു. വളർത്തു പിതാവിനാൽ കൊല്ലപ്പെട്ട ആറു വയസ്സുകാരിയുടേത് ഉൾപ്പെടെയുള്ളവരുടെ ആത്മാക്കള്‍ ഇവിടെയുണ്ടത്രെ. ഗ്രന്ഥകാരൻ മാർക്ക് ട്വെയ്ൻ 1900-ൽ ഈ വീട്ടിൽ താമസിച്ചിരുന്നുവെന്നും പറയപ്പെടുന്നു.