അഞ്ച് വൈഷ്ണവ ക്ഷേത്രങ്ങൾ ഒറ്റദിവസത്തിൽ, പ്രത്യേക തീർത്ഥാടന പാക്കേജുമായി തമിഴ്നാട് ടൂറിസം

പുരട്ടസി തീർത്ഥാടനം

പുരട്ടസി ശനിയുടെ പ്രാധാന്യം കണക്കിലെടുത്ത് തമിഴ്നാട് ടൂറിസം വകുപ്പും ഹിന്ദു റിലീജിയസ് ആൻഡ് ചാരിറ്റബിൾ എൻഡോവ്‌മെന്റ് വകുപ്പും ചേർന്ന് വിശ്വാസികൾക്കായി പ്രത്യേക തീർത്ഥാടനം ആരംഭിച്ചിട്ടുണ്ട്.
ഒറ്റദിവസത്തിൽ തമിഴ്നാട്ടിലെ ഏറ്റവും പ്രധാനപ്പെട്ട അഞ്ച് വൈഷ്ണവ തീർത്ഥാടന കേന്ദ്രങ്ങൾ സന്ദർശിക്കുവാൻ സാധിക്കും എന്നതാണ് പ്രത്യേകത.

ആയിരം രൂപ മാത്രം

ഒരാൾക്ക് യാത്രയും ക്ഷേത്രത്തിലേക്കുള്ള പ്രവേശനവും ഉൾപ്പെടെ ആയിരം രൂപ മാത്രം ചിലവുവരുന്ന രീതിയിലാണ് യാത്ര ക്രമീകരിച്ചിരിക്കുന്നത്. കഴിഞ്ഞ ദിവസം ടൂറിസം വകുപ്പ് നടത്തിയ ആദ്യ യാത്ര വലിയ വിജയമായിരുന്നുവെന്നാണ് റിപ്പോർട്ടുകൾ പറയുന്നത്. തിരുച്ചി, കരൂർ ജില്ലകളിലെ അഞ്ച് വൈഷ്ണവ ക്ഷേത്രങ്ങളാണ് ഒറ്റ ദിവസത്തിൽ ദർശനം നടത്തിയത്.

അഞ്ച് ക്ഷേത്രങ്ങൾ

പുരട്ടാസി ശനി ഉത്സവകാലത്ത് ദക്ഷിണേന്ത്യയുടെ പല ഭാഗങ്ങളിലും വെങ്കിടേശ്വര ഭഗവാനെ ആരാധിക്കുന്നു.ഇതനുസരിച്ച് ശനി, ബുധൻ ദിവസങ്ങളിൽ ആണ് ഈ തീർത്ഥയാത്ര നടത്തുന്നത്. വൊറയൂരിലെ കമലവല്ലി നാച്ചിയാർ ക്ഷേത്രം, ശ്രീരംഗത്തെ ശ്രീ രംഗനാഥസ്വാമി ക്ഷേത്രം, കരൂരിലെ ഉത്തമർകോവിൽ, ഗുണശീലം, താന്തോന്ദ്രിമല എന്നീ ക്രമത്തിലാണ് അഞ്ച് ക്ഷേത്രങ്ങളിൽ ദർശനം നടത്തിയത്.
രാവിലെ ആരംഭിച്ച തീർത്ഥാടനം വൈകിട്ട് ആറു മണിക്ക് തിരുച്ചിയിൽ അവസാനിക്കും.

PC:Adam Jones