വിമാനങ്ങള്‍ പറന്നിറങ്ങുന്ന 15 സുന്ദരഭൂമികള്‍

ഇന്ദിരാഗാന്ധി അന്താരാഷ്ട്ര വിമാനത്താവളം, ന്യൂഡൽഹി

ന്യൂഡൽഹിയുടെ ഹൃദയഭാഗത്ത് നിന്ന് 16 കിലോമീറ്റർ തെക്ക് പടിഞ്ഞാറായി പാലം എന്ന സ്ഥലത്താണ് ഈ വിമാനത്താവളം സ്ഥിതി ചെയ്യുന്നത്. ഇന്ത്യയിൽ ഏറ്റവും തിരക്കുള്ള ഈ വിമാനത്താവളമാണ് യാത്രികരുടെ എണ്ണത്തിൽ ഇന്ത്യയിൽ ഒന്നാം സ്ഥാനത്ത്. 5,220 ഏക്കറിലാണ് ഈ വിമാനത്താവളം സ്ഥിതി ചെയ്യുന്നത്.

ഡൽഹി ഇന്റർ നാഷണൽ എയർപോർട്ട് എന്ന സ്വകാര്യ പങ്കാളിത്തതോടെ രൂപികരിക്കപ്പെട്ട കമ്പനിയാണ് ഈ വിമാനത്താവളം നടത്തുന്നത്. 2008 മെയ് മാസത്തിലാണ് ഈ കമ്പനി വിമാനത്താവളം ഏറ്റെടുത്തത്.

ഛത്രപതി ശിവജി അന്താരാഷ്ട്ര വിമാനത്താവളം

മുൻപ് സഹർ അന്താരാഷ്ട്രവിമാനത്താവളമെന്ന് അറിയപ്പെട്ടിരുന്ന ഈ വിമാനത്താവളമാണ് മുംബൈയിലെ ആദ്യത്തെ വിമാനത്താവളം. 2008 വരെ ഈ വിമാനത്താവളമായിരുന്നു യാത്രികരുടെ എണ്ണത്തിൽ ഇന്ത്യയിൽ ഒന്നാമത്തെ വിമാനത്താവളം. ഡൽഹിയിലെ ഇന്ദിരാഗാന്ധി വിമാനത്താവളമാണ് ഇപ്പോൾ ഒന്നാം സ്ഥാനത്ത്.

ഛത്രപതി ശിവജി വിമാനത്താവളം രണ്ടാം സ്ഥാനത്താണ്. 1, 500 ഏക്കറാണ് ഈ വിമാനത്താവളത്തിന്റെ വിസ്തീർണം.

ചെന്നൈ അന്താരാഷ്ട്ര വിമാനത്താവളം

തെന്നിന്ത്യയിലെ തന്നെ ആദ്യത്തെ വിമാനത്താവളം ചെന്നൈയിലാണ് സ്ഥിതി ചെയ്യുന്നത്. മീനംപാക്കം, പല്ലവാരം, ത്രിശൂലം എന്നീ സ്ഥലങ്ങളിലായി പരന്നുകിടക്കുന്ന ഈവിമാനത്താവളത്തിലെ യാത്രക്കാർക്കുള്ള പ്രവേശന കവാടം ത്രിശൂലത്താണ്. യാത്രികരുടെ എണ്ണത്തിൽ ഇന്ത്യയിൽ മൂന്നാം സ്ഥാനമാണ് ഈ വിമാനത്താവളത്തിനുള്ളത്.

ബെംഗളൂരു അന്താരാഷ്ട്ര വിമാനത്താവളം

ബാഗ്ലൂരിൽ ആണ് ഈ വിമാനത്താവളം സ്ഥിതി ചെയ്യുന്നത്. ബാംഗ്ലൂർ സിറ്റി റെയിൽവേ സ്റ്റേഷനിൽ നിന്ന് 30 കിലോമീറ്റർ അകലെയായിട്ടാണ് ഈ വിമാനത്താവളം സ്ഥിതി ചെയ്യുന്നത്. 5,130 ഏക്കർ ആണ് ഈ വിമാനത്താവളത്തിന്റെ വിസ്തീർണം. യാത്രികരുടെ എണ്ണത്തിൽ നാലാം സ്ഥാനമാണ് ഈ വിമാനത്താവളത്തിനുള്ളത്. 2011ൽ ഇന്ത്യയിലെ മികച്ച വിമാനത്താവളത്തിനുള്ള അവാർഡ് ഈ വിമാനത്താവളം കരസ്ഥമാക്കി.

നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളം

കൽക്കട്ടയിലാണ് നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളം സ്ഥിതി ചെയ്യുന്നത്. നഗരഹൃദയത്തിൽ നിന്ന് 17 കിലോമീറ്റർ അകലെയാണ് ഈ വിമാനത്താവളം സ്ഥിതി ചെയ്യുന്നത്. ദം ദം എയർപോർട്ട് എന്നായിരുന്നു ഈ വിമാനത്താവളം മുൻപ് അറിയപ്പെട്ടിരുന്നത്.

1670 ഏക്കറിലാണ് ഈ വിമാനത്താവളം സ്ഥിതി ചെയ്യുന്നത്. കിഴക്കൻ ഇന്ത്യയിലെ ഏറ്റവും വലിയ വിമാനത്താവളമാണ് ഇത് യാത്രക്കാരുടെ എണ്ണത്തിൽ ഇന്ത്യയിൽ അഞ്ചാം സ്ഥാനമാണ് ഈ വിമാനത്താവളത്തിന്.

രാജീവ് ഗാന്ധി അന്താരാഷ്ട്ര വിമാനത്താവളം, ഹൈദരാബാദ്

ഹൈദരബാദ് അന്താരാഷ്ട്ര വിമാനത്താവളമെന്നും അറിയപ്പെടുന്ന ഈ വിമാനത്താവളം ഹൈദരബാദിലാണ് സ്ഥിതി ചെയ്യുന്നത്. ഹൈദരബാദ് നഗരത്തിൽ നിന്നും 22 കിലോമീറ്റർ അകലെ ശംശബാദിലാണ് ഈ വിമാനത്താവളം സ്ഥിതി ചെയ്യുന്നത്. യാത്രികരുടെ എണ്ണത്തിൽ ഇന്ത്യയിൽ ആറാം സ്ഥാനമാണ് ഈ വിമാനത്താവളത്തിന്.

കൊച്ചിൻ ഇന്റർനാഷണൽ എയർപോർട്ട്

കൊച്ചിയിലെ നെടുമ്പാശേരിയിലാണ് ഈ വിമാനത്താവളം സ്ഥിതി ചെയ്യുന്നത്. കൊച്ചിയിൽ നിന്ന് എക്കദേശം 30 കിലോമീറ്റർ അകലെയായാണ് ഈ വിമാനത്താവളം സ്ഥിതി ചെയ്യുന്നത്. സ്വകാര്യ പങ്കാളിത്തത്തോടെ നിർമ്മിച്ച ആദ്യത്തെ ഇന്റർ നാഷണൽ ഏയർപോർട്ടാണ് ഇത്.

കേരളത്തിലേ ഏറ്റവും തിരക്കുള്ളതും ഏറ്റവും വലുതുമായ വിമാനത്താവളമാണ് കൊച്ചി ഇന്റർനാഷണൽ എയർപോർട്ട്. അന്തർദേശിയ യാത്രികരുടെ എണ്ണത്തിൽ ഇന്ത്യയിൽ നാലാം സ്ഥാനത്താണ് ഈ വിമാനത്താവളം. തദ്ദേശിയ, അന്തർദേശീയ യാത്രികരുടെ എണ്ണത്തിൽ ഏഴാം സ്ഥാനമുണ്ട് ഈ വിമാനത്താവളത്തിന്.

കാലിക്കറ്റ് ഇന്റർനാഷണൽ എയർപോർട്ട്

കരിപ്പൂർ വിമാനത്താവളം എന്ന് അറിയപ്പെടുന്ന കാലിക്കറ്റ് ഇന്റർനാഷണൽ എയർപോർട്ട്, കോഴിക്കോടിനും മലപ്പുറത്തിനും ഇടയിലാണ് സ്ഥിതി ചെയ്യുന്നത്. കരിപ്പൂരിൽ സ്ഥിതി ചെയ്യുന്ന ഈ വിമാനത്താവളത്തിലേക്ക് മലപ്പുറത്ത് നിന്ന് 25 കിലോമീറ്ററും കോഴിക്കോട് നിന്ന് 28 കിലോമീറ്ററുമാണ് ദൂരം.

യാത്രികരുടെ കാര്യത്തിൽ ഇന്ത്യയിൽ പതിമൂന്നാം സ്ഥാനമാണ് ഈ വിമാനത്താവളത്തിന്. 2006 ഫെബ്രുവരിയിലാണ് ഈ വിമാനത്താവളം അന്താരഷ്ട്ര വിമാനത്താവളമായി പ്രഖ്യാപിച്ചത്. കൊച്ചിയും തിരുവനന്തപുരവും കഴിഞ്ഞാൽ കേരളത്തിൽ ഏറ്റവും തിരക്കുള്ള വിമാനത്താവളം ഇതാണ്.

തിരുവനന്തപുരം അന്താരാഷ്ട്ര വിമാനത്താവളം

തിരുവനന്തപുരത്ത് സ്ഥിതി ചെയ്യുന്ന ഈ വിമാനത്താവളമാണ് കേരളത്തിലെ ആദ്യത്തെ വിമാനത്താവളം. മേട്രൊ നഗരം അല്ലാത്ത നഗരങ്ങളിലെ ആദ്യത്തെ അന്താരാഷ്ട്രവിമാനത്താവളം കൂടിയാണ് ഇത്. അന്തർദേശീയ യാത്രികരുടെ എണ്ണത്തിൽ എട്ടാം സ്ഥാനവും മൊത്തം യാത്രീകരുടെ എണ്ണത്തിൽ പത്താം സ്ഥാനവുമാണ് ഈ വിമാനത്താവളത്തിന്.

ഐ എസ് ഒ 9001-2000 സർട്ടിഫിക്കറ്റ് കരസ്ഥമാക്കിയ ഈ വിമാനത്താവളം ഇന്ത്യയിലെ ഓൾ വെതർ (all weather) വിമാനത്താവളങ്ങളിൽ ഒന്നാണ്. നഗരഹൃദയത്തിൽ നിന്ന് 3.7 കിലോമീറ്റർ പടിഞ്ഞാറ് മാറിയാണ് ഈ വിമാനത്താവളം സ്ഥിതി ചെയ്യുന്നത്. ഇവിടെ നിന്ന് കോവളം ബീച്ചിലേക്ക് 16 കിലോമീറ്ററും ടെക്നോപാർക്കിലേക്ക് 13 കിലോമീറ്ററും വിഴിഞ്ഞത്തേക്ക് 21 കിലോമീറ്ററുമാണ് ദൂരം.

കോയമ്പത്തൂർ അന്താരാഷ്ട്ര വിമാനത്താവളം

കോയമ്പത്തൂരിലെ പീലമേട് ആണ് ഈ വിമാനത്താവളം സ്ഥിതി ചെയ്യുന്നത്. കോയമ്പത്തൂർ നഗരഹൃദയത്തിൽ നിന്ന് ഏകദേശം 11 കിലോമീറ്റർ യാത്ര ചെയ്യണം ഇവിടെ എത്തിച്ചേരാൻ. യാത്രികരുടെ കാര്യത്തിൽ പതിനെട്ടാം സ്ഥാനത്താണ് ഈ വിമാനത്താവളം. ചരക്ക് നീക്കത്തിന്റെ കാര്യത്തിൽ പതിമൂന്നാം സ്ഥാനമാണ് ഈ വിമാനത്താവളത്തിനുള്ളത്.

ട്രിച്ചി അന്തരാഷ്ട്ര വിമാനത്താവളം

തമിഴ്നാട്ടിലെ തിരുച്ചിറപ്പള്ളിയിലാണ് ഈ വിമാനത്താവളം സ്ഥിതി ചെയ്യുന്നത്. തിരുച്ചിറപ്പള്ളി - രാമേശ്വരം ഹൈവേയിലാണ് ഈ വിമാനത്താവളം 2012 ഒക്ടോബർ നാലിനാണ് ഈ വിമാനത്താവളം അന്താരാഷ്ട്ര വിമാനത്താവളമായി ഉയർത്തിയത്.

മംഗലാപുരം അന്താരാഷ്ട്ര വിമാനത്താവളം

കർണാടകത്തിലെ തീരദേശനഗരമായ മംഗലാപുരത്താണ് ഈ വിമാനത്താവളം സ്ഥിതി ചെയ്യുന്നത്. 1951 ഡിസംബർ 25നാണ് ഈ വിമാനത്താവളം പ്രവർത്തനം ആരംഭിച്ചത്. 2012 ഒക്ടോബറിലാണ് ഈ വിമാനത്താവളം അന്താരാഷ്ട്ര വിമാനത്താവളമായി പ്രഖ്യാപിച്ചത്.

ഡോക്ടർ ബാബ സാഹേബ് അംബേക്കർ അന്താരാഷ്ട്ര വിമാനത്താവളം

മഹാരാഷ്ട്രയിൽ നാഗപ്പൂരാണ് ഈ വിമാനത്താവളം സ്ഥിതി ചെയ്യുന്നത്. 1,460 ഏക്കറാണ് ഈ വിമാനത്താവളത്തിന്റെ വിസ്തീർണം.

ബിജു പട്നായിക്ക് അന്താരാഷ്ട്ര വിമാനത്താവളം, ഭുവനേശ്വർ

ഒറീസയിലെ ഭുവനേശ്വറിൽ ആണ് ഈ വിമാനത്താവളം സ്ഥിതി ചെയ്യുന്നത്. ഒറീസയിലെ പ്രധാന വിമാനത്താവളമാണ് ഇത്. ഒറീസയിലെ മുഖ്യമന്ത്രിയായിരുന്ന ബിജു പട്നായിക്കിന്റെ പേരാണ് ഈ വിമാനത്താവളത്തിന് നാമകരണം ചെയ്തിരിക്കുന്നത്. യാത്രികരുടെ എണ്ണത്തിൽ പത്തൊൻപതാം സ്ഥാനമാന് ഈ വിമാനത്താവളത്തിന്.

ജയ്പ്പൂർ എയർപോർട്ട്

രാജസ്ഥാനിലെ ഏക അന്തർദേശീയ വിമാനത്താവളമാണ് ജയ്പ്പൂർ. 2005 ഡിസംബർ 29നാണ് ഈ വിമാനത്താവളത്തിന് അന്തർദേശിയ വിമാനത്താവളം എന്ന പദവി നൽകിയത്.