രാജസ്ഥാനിലെ സുന്ദരമായ തടാകങ്ങൾ

പിച്ചോള തടാകം

1362 എ.ഡിയില്‍ പ്രദേശത്തെ നാടോടി സമൂഹമായ ബഞ്ചാരകള്‍ ജലസേചന ആവശ്യത്തിനും മറ്റുമായി അണക്കെട്ട് നിര്‍മിച്ചതിനെ തുടര്‍ന്ന് രൂപപ്പെട്ടതാണ് പിച്ചോള തടാകം. പിച്ചോളി എന്ന ഗ്രാമത്തിന്റെ പേരില്‍ നിന്നാണ് തടാകത്തിന് ഈ പേര് ലഭിച്ചത്. രാജസ്ഥാനിലെ സുന്ദരമായ തടാകങ്ങളിൽ ഒന്നായ ഈ തടാകം സന്ദർശിക്കാൻ നിരവധി ആളുകളാണ് ദിനം പ്രതി എത്തുന്നത്.

Photo Courtesy: Uri Sittan Tripo

പുഷ്കർ തടാകം

ഹൈന്ദവ വിശ്വാസികൾ ഏറെ പരിപാവനമായി കരുതുന്ന ഈ തടാകം സ്ഥിതി ചെയ്യുന്നത് രാജസ്ഥാനിലെ അജ്മീറിലാണ്. ബ്രഹ്മാവാണ് ഈ തടാകം നിർമ്മിച്ചതെന്നാണ് ആളുകൾ വിശ്വസിക്കപ്പെടുന്നത്. അതിനാൽ ഈ തടാകം രാജസ്ഥാനിലെ പ്രമുഖ തീർത്ഥാടന കേന്ദ്രം കൂടിയാണ്. ഇവിടെയാണ് പ്രശസ്തമായ പുഷ്കർ മേള നടക്കുന്നത്.
Photo Courtesy: Rishabkhetpalia

നക്കി തടാകം

ഇന്ത്യയിൽ തന്നെ മികച്ച തടാകങ്ങളിൽ ഒന്നാണ് നാക്കി തടാകം. രാജസ്ഥാനിലെ മൗണ്ട് അബുവിലാണ് ഈ തടാകം സ്ഥിതി ചെയ്യുന്നത്. ഹിന്ദുമത വിശ്വാസികൾ പുണ്യമായി കരുതുന്ന ഈ തടാകത്തെ ചുറ്റിപ്പറ്റി നിരവധി ഐതിഹ്യങ്ങളും നിലവിലുണ്ട്.
Photo Courtesy: CorrectKnowledge

മാൻ സാഗർ തടാകം

ഇന്ത്യയിലെ തന്നെ സുന്ദരമായ നിർമ്മിതികളിൽ ഒന്നായ ജൽ മഹൽ സ്ഥിതി ചെയ്യുന്നത് മാൻസാഗർ തടാകത്തിലാണ്. പരമ്പാരഗതമായി നിർമ്മിച്ച മരവഞ്ചിയിൽ ഈ തടാകത്തിലൂടെ യാത്ര ചെയ്ത് ആരവല്ലി മലനിരകളുടെ മനോഹാരിത ആസ്വദിക്കാവുന്നതാണ്.
Photo Courtesy: AmritasyaPutra

അനാ സാഗർ തടാകം

അജ്മീറിലാണ് ഈ കൃത്രിമ തടാകം സ്ഥിതി ചെയ്യുന്നത്. രാജസ്ഥാനിലെ പ്രശസ്തമായ ടൂറിസ്റ്റ് കേന്ദ്രമാണ് ഈ തടാകം. 13 കിലോമീറ്റര്‍ വിസ്തൃതിയുള്ള മനുഷ്യനിര്‍മ്മിത തടാകമാണിത്. പൃഥ്വി രാജ് ചൗഹാന്റെ മുത്തച്ഛനായിരുന്ന അനാജി ചൗഹാനാണേ്രത ഇത് പണികഴിപ്പിച്ചത്. എഡി 1135നും 1150നും ഇടയില്‍ തദ്ദേശവാസികളായ പണിക്കാരാണ് ഇത് നിര്‍മ്മിച്ചതെന്ന് ചരിത്രം പറയുന്നു.
Photo Courtesy: Singh92karan

ഫത്തേസാഗർ തടാകം

ഉദയ്പൂരിന്റെ പ്രൗഡിയുടെ അടയാളമായി ഗണിക്കപ്പെടുന്ന ഫത്തേ സാഗർ തടാകം 1678ല്‍ മഹാറാണാ ഫത്തേഹ്സിംഗാണ് നിര്‍മിച്ചത്. വിക്ടോറിയ രാജ്ഞിയുടെ മകനായ ഡ്യൂക് ഓഫ് കൊണാട്ടാണ് ഈ തടാക നിര്‍മാണത്തിന്റെ ശിലാസ്ഥാപനം നിര്‍മിച്ചത്. മനോഹരമായ നീലതടാകവും സമീപത്തെ പച്ചപ്പുകളെല്ലാം ഉദയ്പൂരിന് രണ്ടാമത്തെ കാശ്മീര്‍ എന്ന് പേര് നേടി കൊടുത്തതാണ്.
Photo Courtesy: ManeeshSoni