01. ജന്മസ്ഥലം നോയ്ഡയില്
ഉത്തര്പ്രദേശിലെ ഗ്രേയ്റ്റര് നോയ്ഡയിലെ ബിസ്രാഖ് എന്ന ഗ്രാമത്തിലാണ് ലങ്കയുടെ രാജവായിരുന്ന രാവണന് ജനിച്ചത് എന്നാണ് വിശ്വസിക്കപ്പെടുന്നത്. മഹാ ബ്രാഹ്മണ് എന്നായിരുന്നു രാവണന് അറിയപ്പെട്ടിരുന്നത്.
ബിസ്രാഖ്
നോയിഡയിലെ ഗൗതം ബുദ്ധ് നഗര് ജില്ലയിലെ ഒരു ഗ്രാമമാണ് ബിസ്രാഖ്. നോയിഡ എന്ന മഹാ നഗരത്തിനോട് ചേര്ന്നാണെങ്കിലും പുരോഗതി എത്തിപ്പെടാത്ത ഒരു ഗ്രാമമാണ് ഇത്.
ന്യൂഡല്ഹിയില് നിന്ന്
ന്യൂഡല്ഹിയില് നിന്ന് 30 കിലോമീറ്റര് അകലെയായാണ് ഈ ഗ്രാമം സ്ഥിതി ചെയ്യുന്നത്. രാവണന്റെ പ്രതിഷ്ടയുള്ള രാവണ ക്ഷേത്രം ഇവിടെ സ്ഥിതി ചെയ്യുന്നുണ്ട്.
Photo Courtesy: Him2586
പേരിന് പിന്നില്
രാവണന്റെ പിതാവായ വൈശ്രവന് എന്ന ബ്രാഹ്മണ മുനിയില് നിന്നാണ് ഈ ഗ്രാമത്തിന് ആ പേര് ലഭിച്ചതെന്നാണ് വിശ്വാസം. വൈശ്രവന് കൈകസി എന്ന രാക്ഷസിയില് ജനിച്ച പുത്രനാണ് രാവണന്. കുംഭകര്ണ്ണന്, വിഭീഷണന്. ശൂര്പ്പണഖ എന്നിവരാണ് വൈശ്രവന് കൈകസിയില് ജനിച്ച മറ്റുമക്കള്.
Photo Courtesy: Donaldduck100
രാവണ മന്ദിര്
അടുത്തകാലത്താണ് ഇവിടെ ഒരു രാവണ ക്ഷേത്രം പണിതത്. രണ്ട് കോടി രൂപ ചിലവിട്ടാണ് ഈ ക്ഷേത്രത്തിന്റെ നിര്മ്മാണം പൂര്ത്തിയാക്കിയത്. 49 അടി ഉയരമുള്ള ശിവ ലിംഗവും. 5.5 അടി ഉയരമുള്ള രാവണ വിഗ്രഹവുമാണ് ഇവിടുത്തെ ആകര്ഷണം.
Photo Courtesy: Ravana.
02. ദശനന് ക്ഷേത്രം, കാണ്പൂര്
ഉത്തര്പ്രദേശിലെ തന്നെ കാണ്പൂരിലാണ് ഈ ക്ഷേത്രം സ്ഥിതി ചെയ്യുന്നത്. ദസറ നാളുകളിലാണ് വിശ്വാസികള്ക്കായി ഈ ക്ഷേത്രം തുറക്കപ്പെടുന്നത്. 1890ല് മഹാരാജ് ഗുരുപ്രസാദ് ഷുകുള് ആണ് ഈ ക്ഷേത്രം നിര്മ്മിച്ചത്.
Photo Courtesy: PTI
03. മണ്ഡോര്, ജോധ്പൂര് - രാജസ്ഥാന്
രാജസ്ഥാനിലെ ജോധ്പൂരിലെ മണ്ഡോറിലാണ് ഈ ക്ഷേത്രം സ്ഥിതി ചെയ്യുന്നത്. ഇവിടുത്തെ മുഡ്ഗല്, ദേവ് (Mudgal & Dave) ബ്രാഹ്മണര് അവകാശപ്പെടുന്നത് തങ്ങള് രാവണന്റെ പിന്തുടര്ച്ചക്കാരാണ് എന്നാണ്.
Photo Courtesy: రహ్మానుద్దీన్
മണ്ഡോധരിയുടെ നാട്
രാവണന്റെ ഭാര്യയായ മണ്ഡോധരിയുടെ നാടാണ് ഈ സ്ഥലം എന്നാണ് പറയപ്പെടുന്നത്. ഇവിടുത്തെ ബ്രാഹ്മിണരുടെ ഇടയില് രാവണനെ മരുമകനായാണ് കരുതപ്പെടുന്നത്.
Photo Courtesy: Redtigerxyz
04. രാവണ്ഗ്രാം, വിദിഷ - മധ്യപ്രദേശ്
മധ്യപ്രദേശിലെ വിദിഷയിലാണ് പ്രശസ്തമായ രാവണ ക്ഷേത്രം സ്ഥിതി ചെയ്യുന്നത്. രാവണ്ഗ്രാം എന്നാണ് ഈ ക്ഷേത്രം സ്ഥിതി ചെയ്യുന്ന സ്ഥലം അറിയപ്പെടുന്നത്. മണ്ഡോധരിയുടെ ജന്മ സ്ഥലം വിദിഷയിലാണെന്ന് വിശ്വസിക്കപ്പെടുന്നവരും വിരളമല്ല. രാവണ് കിടന്നുറങ്ങുന്ന 10 അടി നീളമുള്ള ഒരു പ്രാചീന വിഗ്രഹവും ഇവിടെയുണ്ട്.
Photo Courtesy: Biswarup Ganguly
05. രാവണന്റെ വിവാഹം നടന്ന സ്ഥലം
മധ്യപ്രദേശിലെ മറ്റൊരു രാവണ ക്ഷേത്രം സ്ഥിതി ചെയ്യുന്ന സ്ഥലമാണ് മാണ്ഡ്സൗര്. രാവണന് മണ്ഡോധരിയെ ഇവിടെ വച്ചാണ് വിവാഹം കഴിച്ചതെന്നാണ് വിശ്വസിക്കപ്പെടുന്നത്.
Photo Courtesy: Rohit MDS
06. കാക്കിനാട, ആന്ധ്രപ്രദേശ്
ആന്ധ്രപ്രദേശിലെ കാക്കിനാടയ്ക്ക് അടുത്ത് സ്ഥിതി ചെയ്യുന്ന രാവണ ക്ഷേത്രം അത്ര പ്രശസ്തമല്ല. ക്ഷേത്രത്തിന് വേണ്ട സ്ഥലം രാവണന് തന്നെ തെരഞ്ഞെടുത്തു എന്നാണ് വിശ്വസിക്കപ്പെടുന്നത്. രാവണന് നിര്മ്മിച്ചതെന്ന് പറയപ്പെടുന്ന ശിവ ക്ഷേത്രമാണ് ഇത്. ഇവിടുത്തെ ശിവലിംഗം പ്രതിഷ്ട നടത്തിയത് രാവണന് ആണെന്ന വിശ്വാസത്തില് അതിന് സമീപത്ത് തന്നെ രാവണ പ്രതിമയുമുണ്ട്.
Photo Courtesy: User:Ravi jrf
Click it and Unblock the Notifications
