ലഡാക്കിലെത്തിയാല്‍ ഇത് കാണാന്‍ മറക്കരുത്..!!

ആല്‍ചിയിലെ സന്യാസമഠങ്ങള്‍

ലേയില്‍ നിന്നും 60 കിലോമീറ്റര്‍ അകലെ സ്ഥിതി ചെയ്യുന്ന ആല്‍ചി പുരാതനമായ ആശ്രമങ്ങള്‍ക്ക് പേരുകേട്ട സ്ഥലമാണ്. ഇതില്‍ത്തന്നെ അല്‍ചി മഠം എന്നറിയപ്പെടുന്ന ആശ്രമമാണ് ഇവിടുത്ത ഏറ്റവും വലിയ ആകര്‍ഷണം.

PC:Steve Hicks

ലഡാക്കിലെ ഏറ്റവും വലിയ പൈതൃകസ്ഥാനം

ലഡാക്കില്‍ ഏറ്റവും കാര്യമായി സംരക്ഷിക്കപ്പെടുന്ന പൈതൃകസ്ഥാനങ്ങളില്‍ ഒന്നുകൂടിയാണ് അല്‍ചി ആശ്രമം. വളരെ വ്യത്യസ്തമായ നിര്‍മ്മിതിയില്‍ താഴ്വാരത്ത് കാണപ്പെടുന്ന ഈ ആശ്രമം 11-ാം നൂറ്റാണ്ടില്‍ നിര്‍മ്മിക്കപ്പെട്ടതാണെന്നാണ് വിശ്വാസം.

PC:Baldiri

മൂന്നു ഗ്രാമങ്ങളിലൊന്ന്

ലോവര്‍ ലഡാക്ക് എന്നറിയപ്പെടുന്ന ഭാഗത്തെ മൂന്നു പ്രധാന ഗ്രാമങ്ങളിലൊന്നാണ് ആല്‍ചി. മാന്‍ഗ്യു, സുംഡാ ചുന്‍ എന്നിവയാണ് മറ്റുരണ്ട് ഗ്രാമങ്ങള്‍. ഇവ മൂന്നും ചേരുന്നതാണ് ആല്‍ചി ഗ്രൂപ് ഓഫ് മോണ്യുമെന്റ്‌സ് എന്നറിയപ്പെടുന്നത്.

PC:Intrepid wanderer

നിര്‍മ്മിതിയുടെ വിസ്മയം

ഈ മൂന്നുഗ്രാമങ്ങളും വ്യത്യസ്തവും ശ്രേഷ്ഠവുമായ നിര്‍മ്മിതിയുടെ ഉദാഹരണമാണെങ്കിലും കൂടുതല്‍ അറിയപ്പെടുന്നത് ആല്‍ചിയിലെ ആശ്രമം തന്നെയാണ്.

PC:Baldiri

ആല്‍ചിയിലെ ക്ഷേത്രങ്ങള്‍

ദു-ഖാങ്, സം-സെക്, ടെമ്പിള്‍ ഓഫ് മഞ്ജു ശ്രീ എന്നീ പേരുകളിലറിയപ്പെടുന്ന മൂന്നു ക്ഷേത്രങ്ങള്‍ ആല്‍ചിയിലെ ആശ്രമത്തില്‍ കാണാന്‍ സാധിക്കും. ഇവ കൂടാതെയും ധാരാളം ക്ഷേത്രങ്ങള്‍ ആശ്രമത്തിലുണ്ട്.
ശ്രീ ബുദ്ധന്റെയുള്‍പ്പെടെ നിരവധി ആളുകളുടെ ചിത്രങ്ങള്‍ ക്ഷേത്രത്തിനകത്തെ ഭിത്തികളില്‍ വരച്ചിരിക്കുന്നത് കാണാം.

PC:Beefy SAFC

സം-ടെക് ക്ഷേത്രം

ടിബറ്റന്‍ കെട്ടിട നിര്‍മ്മാണ രീതിയില്‍ നിര്‍മ്മിച്ചിരിക്കുന്ന സം-ടെക് ക്ഷേത്രം അല്‍ചി മഠത്തിന്റെ ഭാഗമാണ്. കല്ലും മണ്ണും ഉപയോഗിച്ച് നിര്‍മ്മിച്ചിരിക്കുന്ന ഈ ക്ഷേത്രത്തില്‍ മൂന്ന് വലിയ വിഗ്രഹങ്ങള്‍ കാണാന്‍ സാധിക്കും.

PC:Vskmenon

ദു-ഖാങ്

അല്‍ചി മഠത്തിലെ ഏറ്റവും പഴയ നിര്‍മ്മിതികളിലൊന്നാണ് ദു-ഖാങ്. സമ്മേളന മുറിയ എന്നര്‍ഥം വരുന്ന ദു-ഖാങിലാണ് ഇവിടുത്തെ പ്രധാനപ്പെട്ട ചടങ്ങുകള്‍ നടത്തുന്നത്. ഇതിന്റെ ഇടനാഴികളില്‍ ആയിരക്കണക്കിന് ബുദ്ധചുവര്‍ചിത്രങ്ങള്‍ കാണാന്‍ സാധിക്കും.

PC:Y.Shishido

ടെമ്പിള്‍ ഓഫ് മഞ്ജു ശ്രീ

ഒരു തലയും നാലു കൈകളുമുള്ള മഞ്ജുശ്രീയുടെ നാല് വിഗ്രഹങ്ങളാണ് ഇതിന്റെ പ്രത്യേകത. ബോധിസത്വയുടെ ഒരു വിഗ്രഹവും ചുവരിലെ ബുദ്ധചിത്രങ്ങളും ഇവിടുത്തെ മറ്റൊരു പ്രത്യേകതയാണ്.

PC:Baldiri

ലൊറ്റ്‌സവ ലാഖാങ്ങ്, അല്‍ചി

അല്‍ചിയിലെ മറ്റൊരു ബുദ്ധക്ഷേത്രമാണ് ലൊറ്റ്‌സവ ലാഖാങ്ങ്.
റിഞ്ചന്‍ സാങ്ങ്‌പോ ആണ് ഈയൊരു ക്ഷേത്ര നിര്‍മ്മിതിയുടെ മുഖ്യ കാര്‍മ്മികന്‍. ശാക്യമുനിയുടെ പ്രതിമയാണ് ക്ഷേത്രത്തില്‍ പ്രതിഷ്ഠിച്ചിരിക്കുന്നത്. റിഞ്ചന്‍ സാങ്ങ്‌പോയുടെ ഒരു പ്രതിമയും ഇതിന് വലതു വശത്തായി കാണാവുന്നതാണ്.

PC:Steve Hicks

എത്തിച്ചേരാന്‍

ലഡാക്കിലെ ആല്‍ചി എന്നു പേരായ ഗ്രാമത്തിലാണ് ആല്‍ചി ആശ്രമം സ്ഥിതി ചെയ്യുന്നത്. ലേയില്‍ നിന്നും 70 കിലോമീറ്ററാണ് ഇവിടേക്കുള്ള ദൂരം. മണാലിയില്‍ നിന്നും ശ്രീനഗറില്‍ നിന്നും ഇവിടേക്ക് എല്ലാ ദിവസവും ബസ് സര്‍വ്വീസ് ലഭ്യമാണ്.