ബീച്ചും പാര്‍ട്ടിയുമില്ലാത്ത ഗോവയുടെ മറ്റൊരു മുഖം

അല്പം ചരിത്രം

നാനൂറ് വര്‍ഷത്തിലധികം പഴക്കമുള്ള ഈ ദേവാലയം 1605 ലാണ് ഉദ്ഘാടനം ചെയ്യപ്പെട്ടത്. 1594ലാണ് നിര്‍മ്മാണം ആരംഭിച്ചത്. പോര്‍ച്ചുഗീസുകാരാണ് ഈ ദേവാലയത്തിന്റെ നിര്‍മ്മാണത്തിന് തുടക്കം കുറിച്ചത്. ക്രൈസ്തവ മിഷനറിയായ ഫ്രാന്‍സീസ് സേവ്യറിന്റെ അഴുകാത്ത ഭൗതിക ശരീരം ഇവിടെയാണ് സൂക്ഷിച്ചിരിക്കുന്നത്.

PC: P.S.SUJAY

ഫ്രാന്‍സീസ് സേവ്യറും ഗോവയും

ക്രൈസ്തവ മിഷനറിയായിരുന്ന ഫ്രാന്‍സീസ് സേവ്യറിന്റെ പ്രധാന പ്രവര്‍ത്തന മേഖലയായിരുന്നു ഗോവ. കത്തോലിക്കാ മിഷനറിയായിരുന്ന അദ്ദേഹം തന്റെ ജീവിതത്തിന്റെ മുഖ്യപങ്കും ഗോവയിലാണ് ചിലവഴിച്ചത്. അദ്ദേഹത്തിന്റെ ഭൗതിക ശരീരം സൂക്ഷിച്ചിരിക്കുന്നത് ഈ ദേവാലയത്തിലാണ്. ഇതുവരെയും അഴുകാത്ത ആ ഭൗതിക ശരീരം വണങ്ങാനാണ് വിശ്വാസികള്‍ ഇവിടെയത്തുന്നത്.

വെള്ളിയില്‍ തീര്‍ത്ത ശവകുടീരം

പത്തുകൊല്ലം കൊണ്ട് പൂര്‍ത്തിയാക്കിയതാണ് ഫ്രാന്‍സീസ് സേവ്യറിന്റെ വെള്ളിയില്‍ നിര്‍മ്മിച്ച ശവകുടീരം. ഗിയോവാനി ബാറ്റിസ്റ്റ ഫോഗിനി എന്ന ശില്പിയുടെ നേതൃത്വത്തിലാണിത് നിര്‍മ്മിച്ചത്. 1622 ലാണ് പോര്‍ച്ചുഗീസില്‍ നിന്നും മൃതദേഹം ഇവിടെയെത്തിക്കുന്നത്.

പത്തുവര്‍ഷത്തിലൊരിക്കല്‍

പത്തുവര്‍ഷം കൂടുമ്പോള്‍ മാത്രമേ ഫ്രാന്‍സീസ് സേവ്യറിന്റെ ഭൗതീക ശരീരം പരസ്യവണക്കത്തിന് വയ്ക്കാറുള്ളൂ. 2014 ലാണ് അവസാനമായി പുറത്തെടുത്തത്. ഇനി 2014 ലാണ് പരസ്യവണക്കം.

PC :Samuel Abinezer

ഡിസംബര്‍ മൂന്ന്

എല്ലാ വര്‍ഷവും ഡിസംബര്‍ മൂന്നു മുതല്‍ ഒന്‍പത് ദിവസമാണ് ഇവിടുത്തെ തിരുന്നാള്‍.ലക്ഷക്കണക്കിന് വിശ്വാസികളാണ് തിരുന്നാളില്‍ പങ്കെടുക്കാനും അനുഗ്രഹങ്ങള്‍ നേടാനും ഇവിടെയെത്തുന്നത്.
PC: Klaus Nahr

വാസ്തുവിദ്യ

ബറോക്ക് രീതിയിലുള്ള വാസ്തു ശൈലിയാണ് ബോം ജീസസ് ബസലിക്കയുടെ നിര്‍മ്മാണത്തിന് ഉപയോഗിച്ചിരിക്കുന്നത്. ഗോഥിക് ശൈലിയുടെ മറ്റൊരു വകഭേദമാണിത്. തൂണുകള്‍, വാതില്‍പ്പടികള്‍, മേല്‍വാതിലുകള്‍ എന്നിവയ്ക്ക് ഇവിടെ പ്രത്യേക ശ്രദ്ധ കൊടുത്തിട്ടുണ്ട്.

PC: Rajib Ghosh

എത്തിച്ചേരാന്‍

ഗോവയുടെ തലസ്ഥാനമായ പനാജിയില്‍ നിന്നും വളരെ അടുത്തായാണ് ബസലിക്ക സ്ഥിതി ചെയ്യുന്നത്. ഗോവയിലെ പ്രധാനപ്പെട്ട ബീച്ചുകളില്‍ നിന്നും മറ്റു കേന്ദ്രങ്ങളില്‍ നിന്നും ഇവിടേക്ക് വാഹന സൗകര്യം ഉണ്ട്.

PC: google map