വല്ലാര്പാടം കണ്ടെയ്നര് ടെര്മിനല് റോഡ്
കൊച്ചിയിലെ മാത്രമല്ല, കേരളത്തിലെ തന്നെ ഏറ്റവും മനോഹരമായ റോഡുകളിലൊന്നാണ് വല്ലാര്പാടം കണ്ടെയ്നര് റോഡ്. കണ്ടെയ്നര് ടെര്മിനല് വന്നതിന്റെ പശ്ചാത്തലത്തില് നിര്മ്മിക്കപ്പെട്ട ഈ റോഡ് എറണാകുളം സിറ്റിവഴി സഞ്ചരിക്കുന്നവര്ക്ക് ഒരു എളുപ്പവഴിയാണ്.
PC: Kreativeart
കണ്നിറയെ കാണാം
ഇരുവശങ്ങളിലും ചൈനീസ് വലകളും നീലജലാശയങ്ങളുമുള്ള ഈ റോഡ് കാഴ്ച ആസ്വദിക്കാന് താല്പര്യമുള്ളവര് പോയിരിക്കേണ്ട ഒന്നാണ്.
PC:KannanVM
ചാലക്കുടി-വാല്പ്പാറ റോഡ്
കേരളത്തില് ഏറ്റവും പ്രകതിഭംഗിയുള്ള റോഡുകളില് ഒന്നാണ് ചാലക്കുടിയില് നിന്നും വാല്പ്പാറയ്ക്കുള്ള വഴി. ഡാമുകളും വെള്ളച്ചാട്ടങ്ങളും തേയിലത്തോട്ടങ്ങളുമെല്ലാമായി ഏറെ ഭംഗിയുള്ള ഒന്നാണിത്.
PC:Jan J George
മൃഗങ്ങളെ കടന്നു പോകാം
ഇരുവശവും നിറഞ്ഞു നില്ക്കുന്ന കാടുകള്ക്കിടയിലൂടെയായിരിക്കും ചിലപ്പോള് ഈ യാത്ര. വ്യൂ പോയന്റുകളും റോഡ് മുറിച്ചു കടക്കുന്ന മൃഗങ്ങളും നല്ല കാലാവസ്ഥയും ഒക്കെ ഇതിന്റെ പ്രത്യേകതകളാണ്.
PC: Flickr
മൂന്നാര്-മറയൂര് റോഡ്
സഞ്ചാരികളുടെ സ്വര്ഗ്ഗം എന്നറിയപ്പെടുന്ന സ്ഥലമാണ് മൂന്നാര്. ഇവിടെ നിന്നും മഴനിഴല്ക്കാടുകള് നിറഞ്ഞ മറയൂരിലേക്കുള്ള യാത്ര അത്ഭുതത്തോടെയല്ലാതെ പോകാനാവില്ല. പ്രകൃതിദത്തമായി വളരുന്ന ചന്ദനമരങ്ങളും മനോഹരമായ വഴികളും നിറഞ്ഞ ഈ റൂട്ട് ഏകദേശം 40 കിലോമീറ്റര് ദൂരത്തോളമുണ്ട്.
PC: Jaseem Hamza
ആലപ്പുഴ-ചങ്ങനാശ്ശേരി
25 കിലോമീറ്റര് നീളത്തിലുള്ള ആലപ്പുഴ-ചങ്ങനാശ്ശേരി ഹൈവേ കണ്ണുകള്ക്ക് വിരുന്നൊരുക്കുന്ന പാതയാണ്. ഇരുവശത്തും നിറഞ്ഞു നില്ക്കുന്ന ജലാശയങ്ങളും പാലങ്ങളും തോണികളും താറാവിന്റെ കൂട്ടങ്ങളും വഴിവക്കിലെ രുചിയൂറുന്ന ഭക്ഷണങ്ങളുമെല്ലാമാണ് ഈ റോഡിന്റെ പ്രത്യേകത.
PC:keralatourism
മുഴപ്പിലങ്ങാട് ബീച്ച്
ഏഷ്യയിലെ ഏറ്റവും വലിയ ഡ്രൈവ് ഇന് ബീച്ചായ കണ്ണൂരിലെ മുഴപ്പിലങ്ങാടും സൗന്ദര്യത്തില് ഒട്ടും പുറകിലല്ല. തിരമാലകളെ നോക്കി കടല്ത്തീരത്തുകൂടെ കിലോമീറ്ററുകളോളമുള്ള യാത്രയാണ് ഇവിടുത്തെ പ്രത്യേകത.
PC: Shagil Kannur
Click it and Unblock the Notifications
.jpg){kind=link}
