വലുപ്പത്തിൽ മുന്നിൽ നിൽക്കുന്ന ക്രിക്കറ്റ് സ്റ്റേഡിയങ്ങൾ

ഈഡൻ ഗാർഡൻസ്, ക‌ൽക്കട്ട

വലുപ്പത്തിൽ മുന്നിൽ നിൽക്കുന്ന ക്രിക്കറ്റ് സ്റ്റേഡിയങ്ങളിൽ ഇന്ത്യയിൽ ഒന്നാം സ്ഥാനത്താണ് ക‌ൽക്കത്തയിലെ ഈഡൻ ഗാർഡന്. ലോകത്തുള്ള ക്രിക്കറ്റ് സ്റ്റേഡിയങ്ങളിൽ മൂന്നാം സ്ഥാനമുണ്ട്. ഈ ക്രിക്കറ്റ് സ്റ്റേഡിയത്തിന്. 66,349 പേരെ ഉൾക്കൊള്ളാനുള്ള കപ്പാസിറ്റി ഈ സ്റ്റേഡിയത്തിനുണ്ട്. 1864ൽ ആണ് ഈ സ്റ്റേഡിയം നിർമ്മിച്ചത്.

Photo: Suraj100.

റായ്പൂർ ഇന്റർ നാഷണൽ ക്രിക്കറ്റ് സ്റ്റേഡിയം

ഛാത്തിസ്‌ഗഡ് ഇന്റർനാഷണൽ ക്രിക്കറ്റ് സ്റ്റേഡിയം എന്നാണ് ഈ സ്റ്റേഡിയത്തിന്റെ ഔദ്യോഗിക നാമം. 65,000 കാണികളെ ഉൾക്കൊള്ളാൻ ഈ സ്റ്റേഡിയത്തിനാകും. സീറ്റിംഗ് കപ്പസിറ്റി അനുസരിച്ച് ഇന്ത്യയിൽ രണ്ടാം സ്ഥാനവും ലോകത്ത് നാലാം സ്ഥാനവുമാണ് ഈ സ്റ്റേഡിയത്തിന്. 2008ൽ ആണ് ഈ സ്റ്റേഡിയം തുറന്നത്.

Photo: Theasg sap

ഡി വൈ പാട്ടീൽ സ്റ്റേഡിയം, നവീ മുംബൈ

നവീ മുംബൈയിൽ ആണ് ഡി വൈ പാട്ടീൽ സ്റ്റേഡിയം സ്ഥിതി ചെയ്യുന്നത്. 2008 മാർച്ച് നാലിനാണ് ഈ സ്റ്റേഡിയം ഔദ്യോഗികമായി ഉദ്ഘാടനം ചെയ്യപ്പെട്ടത്. 60,000 പേരെ ഉൾക്കൊള്ളുവാനുള്ള കപ്പാസിറ്റിയുണ്ട് ഈ സ്റ്റേഡിയത്തിന്.

Photo: Redtigerxyz

കലൂർ ഇന്റർനാഷണൽ സ്റ്റേഡിയം, കൊച്ചി

ജവഹർലാൽ നെഹ്രു ഇന്റർനാഷണൽ സ്റ്റേഡിയം എന്നാണ് ഈ സ്റ്റേഡിയത്തിന്റെ ഔദ്യോഗിക നാമം. 60,000 കാണികളെ ഉൾക്കോള്ളാൻ കഴിയുന്ന ഈ സ്റ്റേഡിയത്തിന് വലുപ്പത്തിന്റെ കാര്യത്തിൽ ഇന്ത്യയിൽ നാലാം സ്ഥാനമുണ്ട്. 1996ൽ ആണ് ഈ സ്റ്റേഡിയത്തിന്റെ നിർമ്മാണം പൂർത്തിയായത്.
Photo: Zafurockzzz

ഗ്രീൻപാർക്ക് സ്റ്റേഡിയം, കാൺപൂർ

നിരവധി അന്താരാഷ്ട്ര മത്സരങ്ങൾ അരങ്ങേറിയിട്ടുള്ള ഗ്രീൻപാർക്ക് സ്റ്റേഡിയം സ്ഥിതി ചെയ്യുന്ന കാൺപൂരിലാണ്. 60,000 കാണികളെ ഉൾക്കൊള്ളാൻ ശേഷിയുള്ള ഈ സ്റ്റേഡിയം നിർമ്മിച്ചത് 1945ൽ ആണ്.

Photo: Faiz Haider

രാജീ‌വ് ഗാന്ധി സ്റ്റേഡിയം, ഹൈദരാബാദ്

നിരവധി അന്താരാഷ്ട്ര മത്സരങ്ങൾ അരങ്ങേറാറുള്ള രാജീവ്‌ഗാന്ധി ഇന്റർ നാഷണൽ ക്രിക്കറ്റ് സ്റ്റേഡിയം സ്ഥിതി ചെയ്യുന്നത് ഹൈദരബാദിലാണ്. ഹൈദരബാദ് നഗരത്തിനടുത്തായി ഉപ്പാൽ എന്ന പ്രാന്തപ്രദേശത്താണ് ഇത് സ്ഥിതി ചെയ്യുന്നത്. 55,000 കാണികളെ ഉൾക്കൊള്ളാനുള്ള ശേഷി ഈ സ്റ്റേഡിയത്തിനുണ്ട്.

Photo: Nikhilb239

എം എ ചിദംബരം സ്റ്റേഡിയം, ചെന്നൈ

50,000 കാണികളെ ഉൾക്കൊള്ളാൻ ശേഷിയുള്ള ഈ സ്റ്റേഡിയം ചെന്നൈയിലെ ചെപ്പോക്കത്താണ് സ്ഥിതി ചെയ്യുന്നത്. നിരവധി അന്താരാഷ്ട്ര മത്സരങ്ങൾ അരങ്ങേറാറുള്ള ഈ സ്റ്റേഡിയം ഇന്ത്യയിലെ പ്രശസ്തമായ ക്രിക്കറ്റ് സ്റ്റേഡിയങ്ങളിൽ ഒന്നാണ്. 1916ൽ ആണ് ഈ സ്റ്റേഡിയം സ്ഥാപിച്ചത്.

Photo: Aravind Sivaraj

സർദാർ പട്ടേ‌ൽ ക്രിക്കറ്റ് സ്റ്റേഡിയം, ഗുജറാത്ത്

ഇന്ത്യയിലെ പ്രശസ്തമായ ക്രിക്കറ്റ് സ്റ്റേഡിയങ്ങളിൽ ഒന്നായ സർദാർപട്ടേൽ സ്റ്റേഡിയം സ്ഥിതി ചെയ്യുന്നത് ഗുജറാത്തിലാണ്. 54,000 കാണികളെ ഉൾക്കൊള്ളാൻ ശേഷിയു‌ള്ള ഈ സ്റ്റേഡിയം 1982ൽ ആണ് നിർമ്മിക്കപ്പെട്ടത്.

Photo: Hardik jadeja

എം ചിന്നസ്വാമി സ്റ്റേഡിയം, ബാംഗ്ലൂർ

1969ൽ ആണ് ബംഗ്ലൂരിലെ ക്രിക്കറ്റ് സ്റ്റേഡിയമായ ചിന്നസ്വമി സ്റ്റേഡിയം സ്ഥാപിച്ചത്. 40,000 കാണികളെ ഉൾക്കൊള്ളാൻ ശേഷിയുള്ള സ്റ്റേഡിയമാണ് ഈ ക്രിക്കറ്റ് സ്റ്റേഡിയം. ഇന്ത്യയിലെ പ്രശസ്തമായ ഈ സ്റ്റേഡിയം ബാംഗ്ലൂരിലെ പ്രശസ്തമായ കബ്ബൺ പാർക്കിന് സമീപമായാണ് സ്ഥിതി ചെയ്യുന്നത്.

Photo: Amarnath.de