ഒറ്റ ട്രിപ്പിൽ ഡാർജിലിംഗും ഗാങ്ടോക്കും

ഡാർജിലിംഗ് എത്തിച്ചേരാൻ

ട്രെയിൻ മാർഗം ഡാർജിലിംഗിൽ നേ‌രിട്ട് എത്താൻ കഴിയില്ലെങ്കിലും സമീപ നഗരങ്ങ‌ളായ ന്യൂ ജൽപായ്‌‌ഗുരി, സിലിഗുരി എന്നീ സ്റ്റേഷനുകളിൽ നിന്ന് ഇവിടേയ്‌ക്ക് എത്തിച്ചേരാവുന്നതാണ്. ഡാർജിലിംഗിന് വളരെ അടുത്തായാണ് ഈ സ്ഥലങ്ങൾ സ്ഥി‌തി ചെയ്യുന്നത്.

Photo Courtesy: Anuradha Sengupta

ബാഗ്ദോഗ്ര

വിമാനത്തിലാണ് നിങ്ങളുടെ യാത്രയെങ്കിൽ ബാഗ്ദോഗ്രയാണ് അടുത്തുള്ള വിമാനത്താവളം. ബാഗ്ദോഗ്രയിൽ നിന്ന് ഡാർജിലിംഗിലേക്ക് ബസുകളും ടാക്സികളും ലഭ്യമാണ്. ഏകദേശം മൂന്ന് നാല് മണിക്കൂർ യാത്ര ചെയ്യണം ബാഗ്ദോഗ്രയിൽ നിന്ന് ഡാർജിലിംഗിൽ എത്തിച്ചേരാൻ.
Photo Courtesy: timeflicks

കേരള‌ത്തിൽ നിന്ന്

കേരളത്തിൽ നിന്ന് യാത്ര ചെയ്യുന്നവർക്ക് കൽ‌ക്കട്ടയിൽ എത്തി. അവിടെ നിന്ന് ന്യൂജൽപായ്ഗുരി വഴി ഡാർജിലിംഗി‌ൽ എത്തിച്ചേരാം.
Photo Courtesy: shankar s.

ഡാർജിലിംഗ്

സഞ്ചാരികളെ ഡാർജിലിംഗിലേക്ക് വശീകരിക്കുന്നത് അ‌വിടുത്തെ തേ‌യില‌ത്തോട്ടങ്ങളാണ്, ടോയ് ട്രെയിനും ബുദ്ധവിഹാരങ്ങളും ഡാർജിലിംഗിലെ മറ്റ് ആകർഷണങ്ങളാണ്.
Photo Courtesy: Anuradha Sengupta

ടൈഗർ ഹിൽ

ഡാർജിലിംഗിൽ എത്തിയാൽ നിങ്ങൾക്ക് സന്ദർശിക്കാവുന്ന ഒരു സ്ഥ‌ലമാണ് ടൈഗർ ഹിൽ. ഏത് സമയ സഞ്ചാരികളുടെ തിരക്ക് അനുഭവപ്പെടാറുള്ള ഈ സ്ഥലത്ത് നിന്ന് കാഞ്ചൻജംഗയുടെ സുന്ദരമായ കാഴ്ചകൾ കാണാം.
Photo Courtesy: Ankit Agarwal

ടോയ് ട്രെയിൻ

ഡാർജിലിംഗിൽ എ‌ത്തിച്ചേരുന്ന സഞ്ചാരികൾ ആ‌സ്വ‌ദിച്ചിരിക്കേണ്ട മറ്റൊരു കാര്യം ടോയ് ട്രെയിൻ യാത്രയാണ്. ഡാർജിലിംഗ് മുതൽ ഘും എന്ന സ്ഥലം വരേയാണ് ഈ ട്രെയിൻ സർവീസ് നടത്തുന്നത്.
Photo Courtesy: Stefan Krasowski

ഘും മൊണസ്ട്രി

ടോയ് ട്രെയിനിൽ ഘും എന്ന സ്ഥലത്ത് എത്തിക്കഴിഞ്ഞാൽ അവിടെ സന്ദർശിക്കാൻ പറ്റിയ ഒരിടമാണ് ഘും മൊണസ്ട്രി. ഡാർജിലിംഗിലെ ഒരു ജപ്പാനീസ് ബുദ്ധ വിഹാരമാണ് ഇ‌ത്.
Photo Courtesy: Juan M. Gatica

ഗാങ്‌ടോക്കിൽ എത്തിച്ചേരാൻ

ന്യൂജൽപായ്ഗുരി, ബാഗ്ദോഗ്ര എന്നി‌വിടങ്ങളിൽ നിന്ന് ഗാങ്ടോക്കിലേക്ക് ടാക്സികൾ ലഭിക്കും. ഏകദേശം 2500 രൂപ ആകും ടാക്സി വാടക. ടീസ്റ്റ നദിയുടെ കാഴ്ച നിങ്ങ‌ളുടെ യാത്ര കൂടുതൽ സുന്ദരമാക്കും.
Photo Courtesy: Abhishek Kumar

ഗാങ്ടോക്ക്

ഡാർജിലിംഗ് പോലെ തന്നെ സുന്ദരമായ ഒരു സ്ഥലമാണ് ഗാങ്ടോക്ക് ബുദ്ധവിഹാരങ്ങളും തടാകങ്ങളുമാണ് ഗാങ്ടോക്കിലെ കാഴ്ചകൾ
Photo Courtesy: Kailas98

നാഥു‌ല പാസ്

ഗാങ്ടോക്കിൽ എത്തിച്ചേർന്നാൽ തീർച്ചയായും സന്ദർശിച്ചിരിക്കേണ്ട രണ്ട് സ്ഥലങ്ങളാണ് നാ‌ഥുല പാസും സോംഗോ തടാകവും. നാ‌ഥുല പാസ് സന്ദർശിക്കാൻ മുൻകൂട്ടി അനുവാദം വാങ്ങണം.
Photo Courtesy: Abhishek Kumar