യാത്രകള് പ്ലാന് ചെയ്യുന്നതും പോകുവാനുള്ള സ്ഥലങ്ങള് തിരഞ്ഞെടുക്കുന്നതും എല്ലാം ഇന്നലെപോലെ തന്നെ മനസ്സില് കാണും മിക്ക സഞ്ചാരികള്ക്കും. കൂടുതലൊന്നും ആലോചിക്കാതെ ബാഗും തൂക്കിയിറങ്ങുവാനുള്ല ആ നാളുകള് ഇനിയെന്ന് തിരികെ വരുമെന്ന ചിന്ത അലട്ടാത്തവരായി ഒരു യാത്രാ പ്രേമിയും കാണില്ല... ഇപ്പോഴിതാ കാര്യങ്ങള് മെല്ലെ തിരിച്ചുവരവിന്റെ പാതയിലാണ്. വിനോദ സഞ്ചാരം മിക്കയിടങ്ങളിലും തുടങ്ങിക്കഴിഞ്ഞു. യാത്രാ പ്ലാനുകളും മറ്റും പൊടിതട്ടിയെടുക്കുവാന് സമയമായെന്നു ചുരുക്കം.
യാത്രാ പ്ലാനുകളില് മറക്കാതെ കൂടെ കൂട്ടേണ്ട ഇടമാണ് തമിഴ്നാട്. പുരാതനങ്ങളായ ക്ഷേത്രങ്ങളും പ്രകൃതി സൗന്ദര്യം ഇരട്ടിച്ചു കാണിക്കുന്ന കുന്നുകളും കടലും തീരങ്ങളുമെല്ലാം തമിഴ്നാടിന് മാത്രം നല്കുവാന് കഴിയുന്ന ചില സന്തോഷങ്ങളാണ്...ഇതാ തമിഴ്നാട് യാത്രയില് പരീക്ഷിക്കുവാന് പറ്റിയ ചില ഓഫ്ബീറ്റ് കാര്യങ്ങള് അറിയാം..