Search
  • Follow NativePlanet
Share
» » ധൈര്യമായി യാത്രയ്ക്കിറങ്ങാം...സ്ത്രീകള്‍ക്കു തനിച്ചു യാത്രചെയ്യുവാന്‍ സുരക്ഷിതമായ നഗരങ്ങള്‍

ധൈര്യമായി യാത്രയ്ക്കിറങ്ങാം...സ്ത്രീകള്‍ക്കു തനിച്ചു യാത്രചെയ്യുവാന്‍ സുരക്ഷിതമായ നഗരങ്ങള്‍

സ്ത്രീ സുരക്ഷയെക്കുറിച്ചും സ്ത്രീസൗഹൃദത്തെക്കുറിച്ചും വാതോരാതെ പറയുമെങ്കിലും പലപ്പോളും ഇത് വാക്കുകളില്‍ ഒതുങ്ങുകയാണ് പതിവ്. നേരമിരുട്ടി കഴിഞ്ഞാല്‍ സുരക്ഷിതമായി പുറത്തിറങ്ങുവാന്‍ സ്ത്രീകള്‍ക്ക് സാധിക്കില്ല എന്നതു തന്നെയാണ് ഇതിനുള്ള തെളിവും. പലപ്പോഴും യാത്രകള്‍ ചെയ്യുന്ന സ്ത്രീകളും ഇങ്ങനെയൊരു ഭീതിയിലൂടെ കടന്നു പോകാറുണ്ട്. പ്രത്യേകിച്ച് തനിച്ചുള്ള സ്ത്രീയാത്രകള്‍. തനിച്ചിറങ്ങുന്നതിന്റെ വിമര്‍ശനങ്ങള്‍ക്കും കുറ്റപ്പെടുത്തലുകള്‍ക്കും പുറമേ സുരക്ഷിതമല്ലാത്ത സാഹചര്യം കൂടി വരുമ്പോള്‍ ആഗ്രങ്ങളെ മാറ്റിവയ്ക്കുന്നവരുമുണ്ട്. ഒരു നാടിനെ മനസ്സിലാക്കണമെങ്കില്‍ അവരെങ്ങനെ സ്ത്രീകളെ പരിഗണിക്കുന്നു എന്നു കൂടി അറിയണം. ഇതാ ധൈര്യത്തില്‍, പേ‌‌‌ടിയോ ആകുലതകളോ ഇല്ലാതെ സ്ത്രീകള്‍ക്ക് യാത്ര പോകുവാന്‍ പറ്റിയ രാജ്യങ്ങള്‍ അറിയാം...

 സ്പെയിന്‍

സ്പെയിന്‍

പല സര്‍വ്വേകളുടെയും അടിസ്ഥാനത്തില്‍ ലോകത്തിലെ ഏറ്റവുംസ്ത്രീ സുരക്ഷിത രാജ്യമായി അറിയപ്പെടുന്നത് സ്പെയിനാണ്. തനിച്ച് യാത്ര ചെയ്യുവാന്‍ സ്പെയിനിനോളം സുരക്ഷിതമായ രാജ്യം വേറെയില്ല. തെരുവുകളിലെ സുരക്ഷ, നിയമത്തിന്റെ സംരക്ഷണം, സ്ത്രീകൾക്കെതിരായ അതിക്രമ മനോഭാവം എന്നിവയെല്ലാം ചേര്‍ന്നുള്ള കണക്കുകളാണ് സ്പെയിനിനെ ഒന്നാമത് എത്തിച്ചിരിക്കുന്നത്. ഇവിടുത്തെ മന്ത്രിസഭയിലെ ഭൂരിഭാഗം അംഗങ്ങളും സ്ത്രീകളാണെന്നതും എടുത്തുപറയേണ്ടതാണ്. ലിംഗ വിവേചനം ഇല്ലാതാക്കാൻ ഉള്ള പ്രവര്‍ത്തനങ്ങളിലാണ് രാജ്യമിപ്പോള്‍.
റൈഡ് ഷെയര്‍ ചെയ്ത് പോകുവാന്‍ പോലും അവിടെ ഭയപ്പെടേണ്ട കാര്യമില്ല. ധൈര്യമായി താമസിക്കുവാനുള്ള സൗകര്യങ്ങളും ഇവിടെ ലഭ്യമാണ്.

സ്വിറ്റ്സര്‍ലാന്‍ഡ്

സ്വിറ്റ്സര്‍ലാന്‍ഡ്


ആല്‍ഫൈന്‍ നിരകളും മഞ്ഞില്‍ പൊതിഞ്ഞ പര്‍വ്വതങ്ങളും ചോക്ലേറ്റുകളും ഒക്കൊയായി സഞ്ചാരികളുടെ സ്വര്‍ഗ്ഗമാണ് സ്വിറ്റ്സര്‍ലാന്‍ഡ്. സ്വിറ്റ്സര്‍ലാന്‍ഡ് ഇടംപിടിക്കാത്ത യാത്രാലിസ്റ്റ് ഇല്ല എന്നുതന്നെ പറയാം. അതിമനോഹരമായ ഭൂപ്രകൃതിയാണ് സ്വിറ്റ്സര്‍ലന്‍ഡിനെ പ്രിയപ്പെട്ടതാക്കുന്നത്. വളരെ കുറഞ്ഞ കുറ്റകൃത്യങ്ങളുടെ നിരക്കും ഇവിടം ധൈര്യപൂര്‍വ്വം യാത്ര ചെയ്യുവാന്‍ സാധിക്കുന്ന ഇടമാക്കി മാറ്റുന്നു.
വിനോദസഞ്ചാരത്തിന്റെ സുദീര്‍ഘമായ 400 വര്‍ഷങ്ങളുടെ ചരിത്രവും സ്വിറ്റ്സര്‍ലാന്‍ഡിനുണ്ട്. മറ്റേതു നാടിനേക്കാളും അതിഥി സല്ക്കാരത്തില്‍ മുന്നില്‍ നില്‍ക്കുന്ന നാടുകൂടിയാണ് സ്വിറ്റ്സര്‍ലന്‍ഡ്.

 ഡെന്മാര്‍ക്ക്

ഡെന്മാര്‍ക്ക്

രാഷ്ട്രീയ, സാമ്പത്തിക പോളിസികള്‍ സുരക്ഷിതമായ ജീവിതം വാഗ്ദാനം ചെയ്യുന്ന ഡെന്മാര്‍ക്ക് സഞ്ചാരികളായ സ്ത്രീകള്‍ക്കു മാത്രമല്ല, എല്ലാ തരത്തിലുള്ള ആളുകള്‍ക്കും സുരക്ഷിതമായ അന്തരീക്ഷം ഉറപ്പു വരുത്തുന്ന രാജ്യമാണ് ഡെന്മാര്‍ക്ക്,
സ്ത്രീയെ ബഹുമാനിക്കുകയും ആദരിക്കുകയും ചെയ്യുന്ന ഇവിടെയാണ് ലോകത്തിലെ ഏറ്റവും സന്തോഷവതികളായ റിട്ടയേര്‍ഡ് ചെയ്ത സ്ത്രീകള്‍ ജീവിക്കുന്നതും.

 ഓസ്ട്രേലിയ

ഓസ്ട്രേലിയ

സഞ്ചാരികളുടെ പ്രിയപ്പെട്ട ഇടമായി അറിയപ്പെടുന്ന ഓസ്ട്രേലിയ ഏതുതരത്തിലുള്ള സഞ്ചാരികളെയും ഇരുകയ്യും നീട്ടി സ്വീകരിക്കുന്നവരാണ്. ഇവിടുത്തെ ഉയര്‍ന്ന ജീവിതച്ചിലവ് യാത്രയുടെ ചിലവ് വര്‍ധിപ്പിക്കുമെങ്കിലും അതിനൊത്ത സൗകര്യങ്ങള്‍ ആസ്വദിക്കാം.
കലർപ്പില്ലാത്ത സഹായഹസ്തങ്ങളും നിറഞ്ഞ പുഞ്ചിരിയുമായാണ് ഇവിടുള്ളവര്‍ സഞ്ചാരികളെ സ്വീകരിക്കുന്നത്. നഗരങ്ങളിൽ നിന്ന് അകലെ, ഓസ്‌ട്രേലിയയുടെ ഗ്രാമപ്രദേശങ്ങൾ ആവേശകരമായ ഒരു യാത്രയാണ് നല്കുന്നത്.

സിംഗപ്പൂര്‍

സിംഗപ്പൂര്‍

ലോകത്തിലെ ഏറ്റവും സുരക്ഷിതവും സമാധാനപരവുമായ രാജ്യങ്ങളിലൊന്നായി അറിയപ്പെടുന്നതാണ് സിംഗപ്പൂര്‍. എളുപ്പത്തില്‍ എത്തിച്ചേരുവാന്‍ സാധിക്കുനേന ഇവിടം ജീവിതം ആസ്വദിക്കുവാനായി യാത്ര ചെയ്യുന്നവര്‍ക്കു തിരഞ്ഞെടുക്കുവാന്‍ പറ്റിയ സ്ഥലമാണ്.
ഒറ്റയ്ക്കുള്ള ആദ്യയാത്ര എല്ലാ വിധത്തിലും അടയാളപ്പെടുത്തണം എന്നുണ്ടെങ്കില്‍ ധൈര്യമായി സിംഗപ്പൂര്‍ തിരഞ്ഞെടുക്കാം.
സ്ത്രീകള്‍ക്കായി ഏറ്റവും ഉയര്‍ന്ന തരത്തിലുള്ല സുരക്ഷാ നടപടികളുള്ല ഇവിടെ ഏതു പാതിരാത്രിയിലും ഏതു തെരുവിലൂടെ വേണമെങ്കിലും ധൈര്യമായി നടക്കാം, ഇടവഴികളിലെയും തെരുവുകളിലെയും അടയാളങ്ങള്‍ വഴി ഗൈഡിന്റെ സഹായമില്ലാതെ നഗരത്തെ പര്യവേക്ഷണം ചെയ്യുവാനും സാധിക്കും,

ഫ്രഞ്ച് പോളിനേഷ്യ

ഫ്രഞ്ച് പോളിനേഷ്യ

തെക്കൻ പസഫിക് സമുദ്രത്തിന്റെ പ്രദേശങ്ങൾക്കകത്ത്, ഒരു പരിസ്ഥിതിയെപ്പോലെ ഉന്മേഷദായകമായ ഒരു സംസ്കാരം ഒരുക്കിയിരിക്കുന്ന നാടാണ് ഫ്രഞ്ച് പോളിനേഷ്യ. സ്വതന്ത്ര്യരായി ധൈര്യപൂര്‍വ്വം ചിന്തിക്കുകയും ജീവിക്കുകയും ചെയ്യുന്ന നാ‌ടാണിത്. സ്ത്രീകളുടെ ഗ്രൂപ്പുകൾ‌ ഒരുമിച്ച് പാനീയങ്ങൾ‌ ആസ്വദിക്കുന്നതിൽ‌ അതിശയിക്കാനില്ല, ഇത്‌ അവർ‌ നൽ‌കുന്ന ബഹുമാനത്തെക്കുറിച്ച് ധാരാളം പറയുന്നു.

ഐസ്ലന്‍ഡ്

ഐസ്ലന്‍ഡ്


ലിംഗസമത്വത്തിനായുള്ള വേൾഡ് ഇക്കണോമിക് ഫോറത്തിന്റെ ആഗോള സർവേയിൽ പതിവായി ഒന്നാമതായെത്തുന്ന രാജ്യമാണ് ഐസ്ലന്‍ഡ്. പേരുപോലെതന്നെയുള്ള തണുപ്പാണ് ഇവിടുത്തെ മറ്റൊരു പ്രത്യേകത. തുല്യവേതനം, ഉയർന്ന നിലവാരമുള്ള ഡേകെയർ, തുല്യ തൊഴിലവസരങ്ങൾ എന്നിവ നടപ്പിലാക്കുന്നതാണ് ഇവിടുത്തെ നയങ്ങൾ

കാനഡ

കാനഡ


സമത്വത്തിന്റെയും ആദരവിന്റെയും ഒരു സമൂഹത്തിനായി നിരന്തരം പ്രവർത്തിക്കുന്ന രാജ്യമാണ് കാനഡ. കുടിയേറ്റക്കാരുടെ വരവിനോടുള്ള സഹിഷ്ണുതയും മാന്യവുമായ മനോഭാവം ഇവിടെ എടുത്തുപറയേണ്ട കാര്യമാണ്. ഒറ്റയ്ക്കു യാത്ര ചെയ്യുന്നവര്‍ക്ക് എല്ലാ തരത്തിലും സപ്പോര്‍ട്ട് നല്കുന്ന രാജ്യം കൂടിയാണ്.

ന്യൂസീലാന്‍ഡ്

ന്യൂസീലാന്‍ഡ്


ലോർഡ് ഓഫ് ദി റിംഗ്സ് ആരാധകരുടെ ഏറ്റവും പ്രിയപ്പെട്ട യാത്രാ സ്ഥാനങ്ങളിലൊന്നാണ് ന്യൂസീലന്‍ഡ്. എന്നും സ്ത്രീകൾക്ക് സന്ദർശിക്കാനും താമസിക്കാനുമുള്ള ഒരു സുരക്ഷിത സ്ഥലം ആണ് ന്യൂസീലന്‍ഡ്. പരുക്കന്‍ പ്രകൃതി ദൃശ്യങ്ങളാണ് ഇവിടെയുള്ളത്. മെഡിക്കൽ ആക്സസ്, ഫാമിലി കെയർ, തൊഴിലവസരങ്ങൾ എന്നിവയെല്ലാം ഇവിടെ സ്ത്രീകളുടെ സംരക്ഷണം ഉറപ്പുവരുത്തുന്നു

പിറന്നാള്‍ ആഘോഷിക്കാത്ത, ശവസംസ്കാരം ഗംഭീരമാക്കുന്ന റോഡ് നിയമങ്ങളില്ലാത്ത രാജ്യം!!!പിറന്നാള്‍ ആഘോഷിക്കാത്ത, ശവസംസ്കാരം ഗംഭീരമാക്കുന്ന റോഡ് നിയമങ്ങളില്ലാത്ത രാജ്യം!!!

തണുപ്പ് മാറിയിട്ടില്ല!! ഇനിയും പോകാം പൂജ്യത്തിലും താഴെ താപനിലയില്‍ തണുത്തുറഞ്ഞ ഇടങ്ങളിലേക്ക്തണുപ്പ് മാറിയിട്ടില്ല!! ഇനിയും പോകാം പൂജ്യത്തിലും താഴെ താപനിലയില്‍ തണുത്തുറഞ്ഞ ഇടങ്ങളിലേക്ക്

പിപ്പലാന്ത്രി എന്ന പെണ്‍കുട്ടികളുടെ നാട്!! പെണ്‍ജീവിതങ്ങള്‍ക്കു കാവലാകുന്ന മരത്തണലുകളുടെ കഥ!!പിപ്പലാന്ത്രി എന്ന പെണ്‍കുട്ടികളുടെ നാട്!! പെണ്‍ജീവിതങ്ങള്‍ക്കു കാവലാകുന്ന മരത്തണലുകളുടെ കഥ!!

Read more about: travel world solo travel
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X