Click it and Unblock the Notifications
യാത്രകളെല്ലാം തന്നെ ആരോഗ്യത്തോടെയിരിക്കുമ്പോള് ചെയ്യണെന്നും അതേ ആരോഗ്യം യാത്ര കഴിയുമ്പോഴും കാണമെന്നും ആഗ്രഹിക്കുന്നവരാണ് മിക്ക സഞ്ചാരികളും. അശ്രദ്ധ മൂലമോ അല്ലെങ്കില് നമ്മുടേതല്ലാത്ത കാരണത്താലോ സംഭവിക്കുന്ന ചെറിയ ആരോഗ്യ പ്രശ്നം പോലും യാത്രയെ മുഴുവനായും ബാധിച്ചേക്കും. യാത്രകളില് നമ്മുടെ സുരക്ഷിതത്വം പരമാവധി കരുതുക എന്നതിനു പുറമേ ഒരു ഫസ്റ്റ് എയ്ഡ് കിറ്റ് എന്നത് ഏത് ചെറിയ യാത്രയിലാണെങ്കില് പോലും അത്യാവശ്യമായ കാര്യമാണ്.
യാത്രയ്ക്കൊരുങ്ങാം...30 മിനിട്ടിൽ ബാഗ് പാക്ക് ചെയ്യാൻ പഠിക്കാം
എന്നാല്, മിക്ക യാത്രികരും ഇങ്ങനെയൊരു കാര്യത്തെക്കുറിച്ച് പലപ്പോഴും അജ്ഞരാണ്. എന്താണ് ഈ ബോക്സ് എന്നോ എന്തൊക്കെ ഇതില് കരുതണമെന്നോ പ്രഥമ ശുശ്രൂഷകള് യാത്രയില് എങ്ങനെ ഉപകാരപ്രദമാകുമെന്നോ ആളുകള് ഇനിയും അറിയേണ്ടിയിരിക്കുന്നു. ഒരു പ്രഥമശുശ്രൂഷ കിറ്റ് എങ്ങനെ പാക്ക് ചെയ്യണം, അതിൽ എന്തൊക്കെ ഉൾപ്പെടുത്തണം എന്നതിനെക്കുറിച്ചു വിശദമായി വായിക്കാം...
ബാന്ഡ് എയ്ഡ് (പ്ലാസ്റ്റര്)
ട്രക്കിങ് ഉള്പ്പെടുത്തിയുള്ള യാത്രയാണെങ്കില് ബ്ലിസ്റ്റർ പ്ലാസ്റ്ററുകൾ നല്ലതാണ്.
തുണികൊണ്ടുള്ള ബാന്ഡേജ്
ക്രേപ് ബാന്ഡേജ്(ഇലാസ്റ്റിക് ബാന്ഡേജ്)
ബാന്ഡ് എയ്ഡുകളുടെ അതേ കടമ തന്നെയാണ് സര്ജിക്കല് ടേപ്പിനും ഉള്ളത്. എന്നാല് മുറിവില് ബാന്ഡേജ് വച്ചിരിക്കുകയാണെങ്കില് ഇത് ഉപയോഗിക്കാം.
ചെറിയ കത്രിക
എത്ര ചെറിയ ഫസ്റ്റ് എയ്ഡ് ബോക്സ് ആണെങ്കില് പോലും നിര്ബന്ധമായും ഉണ്ടായിരിക്കേണ്ട കാര്യങ്ങളിലൊന്നാണ് ചെറിയ കത്രിക. ബാന്ഡേജുകള് മുറിക്കുന്നതിനൊക്കെ ഇത് ഉപകാരപ്പെടുത്താം.
ട്വീസറുകൾ
മിക്ക പ്രഥമ ശുശ്രൂഷാ കിറ്റുകളിലും പലപ്പോഴും സ്റ്റാൻഡേർഡ് ആയി വരുന്ന മറ്റൊരു ഇനമാണ് ട്വീസറുകൾ. അവ സ്പ്ലിന്ററുകൾ പുറത്തെടുക്കുന്നതിനും മുറിവ് വൃത്തിയാക്കുമ്പോൾ ചെറിയ കല്ലുകളോ അഴുക്കുകളോ പുറത്തെടുക്കാനോ മറ്റ് പ്രായോഗിക ഉപയോഗങ്ങൾക്കോ ഉപയോഗപ്രദമാകും.
ആന്റി സെപ്റ്റിക് വൈപ്പുകള്
വേദന സംഹാരികള്
വേദനസംഹാരികളും പാക്കേജില് കരുതാം. മിക്കപ്പോഴും പാരസെറ്റമോളിന്റെ ഒരു സ്ട്രിപ്പ് മതിയാവും. തലവേദന വന്നാലോ ചെറിയ പനിയോ ഒക്കെ ആണെങ്കിലും ഇത് ഉപയോഗിക്കാം. വലിയ ട്രക്കിങ്ങും മറ്റും ചെയ്യുവാണെങ്കില് നിര്ബന്ധമായും ഇത് കരുതുക.
ആന്റിഹിസ്റ്റാമൈൻ ക്രീം
ആൻറി ബാക്ടീരിയൽ ക്രീമുകൾ
നിങ്ങൾക്ക് ഉണ്ടാകുന്ന മുറിവുകൾക്കും സ്ക്രാപ്പുകൾക്കും നിയോസ്പോറിൻ പോലുള്ള ആൻറി ബാക്ടീരിയൽ ക്രീമുകൾ കൊണ്ടുപോകുന്നതും നല്ലതാണ്. ഇത് മുറിവ് വേഗത്തിൽ സുഖപ്പെടുത്താനും സാധ്യമായ അണുബാധകൾ തടയാനും സഹായിക്കും.
സാനിറ്റൈസര്
ഇപ്പോഴത്തെ ഈ സാഹചര്യത്തില് ബോക്സില് തീര്ച്ചയായും കരുതേണ്ട ഒന്നാണ്
സാനിറ്റൈസര്. മുറിവുകളോ സ്ക്രാപ്പുകളോ സ്പർശിക്കുന്നതിന് മുമ്പ്, കുറഞ്ഞത് 60% ആൽക്കഹോൾ അടങ്ങിയ ഹാൻഡ് സാനിറ്റൈസർ ഉപയോഗിക്കുവാന് ശ്രദ്ധിക്കാം
