ഗംഗാ എക്സ്പ്രസ് വേ...ഇന്ത്യയിലെ ഏറ്റവും വലിയ രണ്ടാമത്തെ എക്സ്പ്രസ് വേ.. അറിയേണ്ടതെല്ലാം

519 ഗ്രാമങ്ങളുമായി

മീററ്റിനെ പ്രയാഗ്രാജുമായി ബന്ധിപ്പിക്കുന്ന ഈ പദ്ധതിയില്‍ ഭാവിയില്‍ വാരണാസി വരെ നീട്ടുകയും എക്സ്പ്രസ് ഹൈവേ 519 ഗ്രാമങ്ങളുമായി ബന്ധിപ്പിക്കുകയും ചെയ്യുവാനും തീരുമാനമുണ്ട്.

26 മാസത്തിനുള്ളിൽ

കൃത്യസമയത്ത് പ്രവൃത്തി പൂർത്തിയായി എന്ന് ഉറപ്പാക്കുന്നതിന് എക്സ്പ്രസ് വേ പ്രോജക്റ്റ് 12 പാക്കേജുകളായി തിരിച്ചിരിക്കുന്നു.എട്ട് പാതകളുള്ള ഈ പദ്ധതിക്ക് ഏകദേശം 36000 കോടി രൂപ ചെലവാകും, അടുത്ത 26 മാസത്തിനുള്ളിൽ ഇത് പൂർത്തിയാകുമെന്ന് പ്രതീക്ഷിക്കുന്നു

പകുതി യാത്രാ ദൂരം

ദില്ലിയും പ്രയാഗ്രാജും തമ്മിലുള്ള യാത്രാ സമയം നിലവില്‍ 10 മുതല്‍ 12 മണിക്കൂര്‍ വരെയാണുള്ളത്. ഇത് 6-7 മണിക്കൂറായി കുറയുക എന്നതാണ് ഈ പാതയുടെ പ്രധാന ലക്ഷ്യം,

14 പ്രധാന പാലങ്ങൾ

മീററ്റിലെ ബിജൗലി ഗ്രാമത്തിൽ ആരംഭിച്ച് പ്രയാഗ്രാജിലെ ജുഡാപൂർ ദണ്ഡു ഗ്രാമത്തിൽ അവസാനിക്കുന്ന വിധത്തിലാണ് നിര്‍മ്മാണം നടക്കുക. 14 പ്രധാന പാലങ്ങൾ, 126 മൈനർ ബ്രിഡ്ജുകൾ, എട്ട് റോഡ് ഓവർബ്രിഡ്ജുകൾ, 18 ഫ്ലൈ ഓവറുകൾ എന്നിവ ഇതിന്‍റെ ഭാഗമായി വരും. എക്സ്പ്രസ് ഹൈവേയുടെ നിർദ്ദിഷ്ട നീളം 594 കിലോമീറ്ററാണ്.

12 ജില്ലകളിലൂടെ

എക്സ്പ്രസ് ഹൈവേ യുപിയിലെ 12 ജില്ലകളിലൂടെ കടന്നുപോകും: മീററ്റ് (15 കിലോമീറ്റർ), ഹാപൂർ (33 കിലോമീറ്റർ), ബുലന്ദ്‌ഷഹർ (11 കിലോമീറ്റർ), അമ്രോഹ (26 കിലോമീറ്റർ), സംബാൽ (39 കിലോമീറ്റർ), ബദൗൻ (92 കിലോമീറ്റർ), ഷാജഹാൻപൂർ (40 കിലോമീറ്റർ), ഹാർഡോയി (99 കിലോമീറ്റർ), ഉന്നാവോ (105 കിലോമീറ്റർ), റായ് ബറേലി (77 കിലോമീറ്റർ), പ്രതാപ്ഗഡ് (41 കിലോമീറ്റർ), പ്രയാഗ്രാജ് (16 കിലോമീറ്റർ) എന്നിവയാണവ.