ലോകത്തിന്റെ മൂന്ന് അത്ഭുതങ്ങളിലൊന്ന് സമയം കണക്കാക്കി എടുക്കുന്നതിനും മുന്നേ തന്നെ ലോകത്ത് രൂപപ്പെട്ട് ഇന്നും നിലനിൽക്കുന്ന മൂന്നേ മൂന്ന് അത്ഭുതങ്ങളേയുള്ളൂ. കാലിഫോർണിയയിലെ ഡെവിൾസ് പോസ്റ്റ്പൈൽ, അമേരിക്കൻ ഐക്യനാടുകളിലെ വയോമിങ്ങ് ഡെവിൾസ് ടവർ എന്നിവയാണ് ഈ ഗണത്തിൽ വരുന്ന രണ്ടിടങ്ങൾ. മൂന്നാമത്തെ സ്ഥലം നമ്മുടെ സ്വന്തം മുംബൈയാണ്. വെസ്റ്റ് അന്ധേരിയിൽ സ്ഥിതി ചെയ്യുന്ന ഗിൽബർട് ഹിൽ. 61 അടി ഉയരത്തിൽ സ്ഥിതി ചെയ്യുന്ന ഈ കറുത്ത പാറ എങ്ങനെയാണ് പ്രശസ്തമായത് എന്നറിയുമോ?
PC: Nicholas
66 മില്യൺ വർഷങ്ങൾക്കു മുൻപ് പതിറ്റാണ്ടുകളും നൂറ്റാണ്ടുകളുമല്ല, ദശലക്ഷക്കണക്കിന് വർഷങ്ങൾ പുറകിലേക്ക് പോകണം ൽബർട്ട് ഹില്ലിന്റെ കഥ പറയുവാൻ.
മീസോസോയിക് കാലഘട്ടം അഥവാ ഉരഗങ്ങളുടെ കാലഘട്ടത്തിലാണ് ഈ പാറ ഇവിടെ രൂപപ്പെട്ടതെന്നാണ് വിശ്വാസം.
കുത്തനെ കറുത്ത നിറത്തിൽ ഉയർന്നു നിൽക്കുന്ന ഈ പാറക്കെട്ട് ഭൂമിയുടെ പിളർപ്പിൽ നിന്നും പുറത്തു വന്ന ഉരുകിയ ലാവ കൊണ്ട് രൂപപ്പെട്ടതാണ് എന്നാണ് വിശ്വസിക്കുന്നത്. എങ്ങനെ ഇവിടെയിതെത്തി എന്നു കൃത്യമായ വിവരങ്ങൾ ലഭ്യമല്ലെങ്കിലും 66 മില്യൺ വർഷങ്ങൾക്കു മുമ്പ് ഇതിവെ രൂപപ്പെട്ടിരിക്കാം എന്നാണ് കരുതുന്നത്.
PC:Oknitop
ചെകുത്താന്റെ ഗോപുരം ഗിൽബെർട് ഹില്ലിന്റെ കറുത്ത നിറവും ഇതിന്റെ രൂപവുമെല്ലാം ഇന്നും ആളുകളെ ഭയപ്പെടുത്തുന്ന ഒരിടമാക്കി മാറ്റുന്നു. അതുകൊണ്ടു തന്നെ ഇവിടം ഇന്നും ചെകുത്താന്റെ ഗോപുരം എന്നാണ് പ്രദേശവാസികൾക്കിടയിൽ അറിയപ്പെടുന്നത്. സഞ്ചാരികളും ചരിത്രകാരൻമാരും അങ്ങനെതന്നെ ഇതിനെ വിശേഷിപ്പിക്കാറുമുണ്ട്.
PC:Madhav Pai
നഗരത്തിനു നടുവിലെ അത്ഭുതം സമീപ പ്രദേശങ്ങളുമായി യാതൊരു ബന്ധവും തോന്നിപ്പിക്കാതെ, നദരത്തിനു നടുവിൽ നിൽക്കുന്ന ഒരു കൂറ്റൻ കല്ലായി മാത്രമാണ് ഇതിനെ അകലെക്കാഴ്ചയിൽ തോന്നിപ്പിക്കുക. അടുത്തെത്തിയാലും ഇതിൽ മാറ്റമൊന്നും തോന്നില്ല. ഒറ്റക്കല്ല് എന്നു തോന്നുമെങ്കിലും ഇതിൻരെ ചരിത്രം അറിഞ്ഞാൽ മാത്രമേ ഇതിനെ അറിഞ്ഞ് ആസ്വദിക്കുവാൻ സാധിക്കൂ.
PC: Nicholas
ദേശീയോദ്യാനമായി മാറിയ പാറക്കെട്ട് ഒരു വലിയ പാറക്കെട്ടിനെ മുഴുവനാനും ദേശീയോദ്യാനമാക്കി പ്രഖ്യാപിച്ചിരിക്കുന്നത് ഇനവിടെ മാത്രമേ കാണുവാൻ സാധിക്കുകയുള്ളൂ. 1952 ലാണ് കേന്ദ്ര സർക്കാർ ഫോറസ്റ്റ് ആക്ടിന്റെ കീഴിൽ ഇതിനെ ഒരു ദേശീയോദ്യാനമാക്കി പ്രഖ്യാപിക്കുന്നത്. പിന്നീട് 2007ൽ മുൻസിപ്പൽ കോർപ്പറേഷൻ ഓഫ് ഗ്രേറ്റർ മുംബൈയുടെ കീഴിൽ ഇവിടം ഗ്രേഡ് 2 ഹെറിറ്റേജ് സ്ട്രക്ചറായി മാറുകയും ചെയ്തു.
കാലത്തിന്റെ ഓട്ടത്തിൽ ഇതിന് അതിന്റേതാ മാറ്റങ്ങൾ വരുകയും പല ഭാഗങ്ങളും നശിക്കുകയും ചെയ്തിട്ടുണ്ട്. കൂടാതെ ഇതിനടുത്തു നടക്കുന്ന നിർമ്മാണ പ്രവർത്തനങ്ങളും മറ്റും ഇതിന്റെ നിലനിൽപ്പിനെ ബാധിക്കുകയും ചെയ്യുന്നുണ്ട്.
അറിയപ്പെടാത്ത ഇടം ചുരുക്കം ചില ചരിത്ര പ്രേമികൾക്കും സഞ്ചാരികൾക്കും ഒഴികെ ഗിൽബർട്ട് ഹില്ലിന്റെ കഥയും ചരിത്രവും തീർത്തും അപരിചിതമാണ്.അതുകൊണ്ടു തന്നെ ഇതിനെ അന്വേഷിച്ച് അധികമാരും എത്താറില്ല എന്നു പറഞ്ഞാൽ പോലും അത് തെറ്റാകില്ല. കേട്ടും വായിച്ചും ഇവിടെയെത്തുന്ന സഞ്ചാരികൾക്ക് കാലം പോലും രൂപപ്പെടുന്നതിനു മുന്നേ രൂപപ്പെട്ട ഒന്നിനെ കാണാനും തൊടാനും അറിയുവാനുമുള്ള ഒരു അവസരമാണ് ലഭ്യമാകുന്നത്.
ഇതിന്റെ മുകളിലേക്ക് കയറുവാനായി കൽപ്പടവുകളും പാറയുടെ മുകളിൽ രണ്ടു ക്ഷേത്രങ്ങളും ഒരു പൂന്തോട്ടവും കാണുവാൻ സാധിക്കും.
PC:Madhav Pai
മുംബൈ ദർശൻ യാത്രയിലെ ഒരിടം സഞ്ചാരികൾക്കിടയിൽ അധികം അറിയപ്പെടാത്ത ഇടമായതിനാൽ ആ സ്ഥലത്തിന് പ്രത്യേക പ്രാധാന്യം നല്കുവാൻ അധികൃതർ ശ്രമിക്കാറുണ്ട്. ഒറ്റ ദിവസം കൊണ്ട് മുംബൈയിലെ പ്രധാനപ്പെട്ട സ്ഥലങ്ങൾ കാണ്ടുവരുവാൻ സാധിക്കുന്ന മുംബൈ ദർശൻ യാത്രയിലെ ഒരിടം കൂടിയാണിത്.
ഒറ്റ ദിവസത്തെ മുംബൈ യാത്രയ്ക്കായി മുംബൈ ദർശൻ