01. ലോകത്തിന്റെ ഹൃദയം
ഹൃദയത്തിന്റെ ആകൃതിയിലാണ് ഹുസൈൻ സാഗർ തടാകം നിർമ്മിച്ചിട്ടുള്ളത്. ലോകത്തിൽ തന്നെ ഹൃദയത്തിന്റെ ആകൃതിയിലുള്ള ഏറ്റവും വലിയ നിർമ്മിതി ഇതാണ്. അതിനാൽ 2012 സെപ്തംബർ 27ലെ ലോക ടൂറിസം ദിനത്തിൽ ലോക ടൂറിസം സംഘടന ലോകത്തിന്റെ ഹൃദയം എന്നാണ് ഈ തടാകത്തെ വിശേഷിപ്പിച്ചത്.
Photo Courtesy: Fountain_head
പേരിന് പിന്നിൽ
മൂസി നദിയുടെ പോഷക നദിയിൽ 1563ൽ ഇബ്രാഹിം ക്യൂലി ഖുത്തബ് ഷാ ആണ് ഈ തടാകം നിർമ്മിച്ചത്. ഈ തടാകം ഡിസൈൻ ചെയ്യാൻ സഹായിച്ച ഹസ്രത്ത് ഹുസൈൻ ഷായുടെ പേരിലാണ് ഈ തടാകം അറിയപ്പെടുന്നത്.
Photo Courtesy: Rudolph.A.furtado
03. വ്യാപ്തി
5.7 ചതുരശ്ര കിലോമീറ്റർ വ്യാപ്തിയിൽ ആണ് ഈ തടാകം വ്യാപിച്ചുകിടക്കുന്നത്. 32 അടിയാണ് ഈ തടാകത്തിന്റെ പരാമാവധി ആഴം. ഇരട്ട നഗരങ്ങളായ ഹൈദരബാദിനേയും സെക്കന്തരാബാദിനേയും തമ്മിൽ വേർതിരിക്കുന്നത് ഈ തടാകമാണ്.
Photo Courtesy: Purba Mukherjee
04. ബുദ്ധ പ്രതിമ
തടാകത്തിന് നടുവിലെ ഗിബ്രാടാർ പാറയ്ക്ക് മുകളിലായി 1992ൽ ആണ് ഈ ബുദ്ധ പ്രതിമ സ്ഥാപിച്ചത്. 1985ലെ ബുദ്ധ പൂർണിമ പ്രൊജക്ടിന്റെ ഭാഗമായി നിർമ്മിച്ച ഈ കരിങ്കൽ പ്രതിമയ്ക്ക് 450 ടൺ ഭാരമുണ്ട്.
Photo Courtesy: Karthik Easvur
05. ലുംബിനി പാർക്ക്
ഹുസൈന്സാഗര് തടാകത്തിനോട് ചേര്ന്നാണ് പ്രശസ്തമായ ലുംബിനി പാര്ക്ക് സ്ഥിതി ചെയ്യുന്നത്. ഹൈദരാബാദിലെ മറ്റു ടൂറിസ്റ്റകേന്ദ്രങ്ങളോട് അടുത്ത് സ്ഥിതി ചെയ്യുന്ന ഇവിടം 1994ലാണ് പൂര്ത്തീകരിച്ചത്. അതിന് ശേഷം വിവിധ സമയങ്ങളിലായി അറ്റകുറ്റപ്പണികളും നടന്നു. ഇതിന് പുറമെ ബോട്ടിംഗ് സൗകര്യം, പൂന്തോട്ടങ്ങള്,മ്യൂസിക്കല് ഫൗണ്ടനുകള് എന്നിവയും ഇവിടെയുണ്ട്. വിശദമായി വായിക്കാം
Photo Courtesy: TripodStories- AB
06. എൻ ടി ആർ ഗാർഡൻ
ഹുസൈന്സാഗര് തടാകത്തിന് തൊട്ടടുത്ത് സ്ഥിതി ചെയ്യുന്ന എന്.ഡി.ആര് ഗാര്ഡന് പ്രാദേശിക ടൂറിസ്റ്റുകള്ക്കിടയിലെ ഇഷ്ട ലൊക്കേഷനാണ്. ചെറിയ പൂന്തോട്ടമാണെങ്കിലും മനോഹര കാഴ്ചകളാണ് ഇവിടെയുള്ളത്. 1999ലാണ് സിനിമാതാരവും രാഷ്ട്രീയക്കാരനുമായിരുന്ന എന്.ടി രാമറാവുവിന്റെ ഓര്മക്കായി ഈ പൂന്തോട്ടം നിര്മിക്കാന് ആരംഭിച്ചത്. ഏറെ വിവാദങ്ങള്ക്കും വഴിവെച്ച തോട്ടത്തിന്റെ നിര്മാണം 2001ലാണ് പൂര്ത്തിയായത്.
Photo Courtesy: Mohammed Mubashir
Click it and Unblock the Notifications
