Search
  • Follow NativePlanet
Share
» »മലയിടുക്കിനകത്തെ ശക്തിപീഠ ക്ഷേത്രം...പാപമോചനത്തിനായിവന്ന രാമനെ തിരിച്ചയച്ച ദേവി...പാക്കിസ്ഥാനിലെ ക്ഷേത്രവിശേഷം

മലയിടുക്കിനകത്തെ ശക്തിപീഠ ക്ഷേത്രം...പാപമോചനത്തിനായിവന്ന രാമനെ തിരിച്ചയച്ച ദേവി...പാക്കിസ്ഥാനിലെ ക്ഷേത്രവിശേഷം

ദേശീയോദ്യാനത്തിനു നടുവിലായി ഒരു ചെറിയ മലയിടുക്കില്‍ സ്ഥിതി ചെയ്യുന്ന ഒരു കുഞ്ഞു ക്ഷേത്രം...സാധാരണ ക്ഷേത്രങ്ങളില്‍ കാണപ്പെടുന്ന പ്രതിഷ്ഠകളില്‍ നിന്നും വ്യത്യസ്തമായി പ്രത്യേകിച്ചു രൂപമൊന്നും അല്ലാത്ത ഒരു ചെറിയ കല്ലിനെ ആരാധിക്കുന്ന ഇടം... പറഞ്ഞു വരുമ്പോള്‍ പ്രത്യേകതകള്‍ ഏറെയുണ്ട് ഹിങ്കളാജ് മാത എന്ന ശക്തിപീഠ ക്ഷേത്രത്തിന്. പാക്കിസ്ഥാനിലെ ബലൂചിസ്ഥാന്‍ പ്രവിശ്യയില്‍ സ്ഥിതി ചെയ്യുന്ന, ഇന്ത്യയില്‍ നിന്നുള്ള വിശ്വാസികളുടെ പ്രധാന തീര്‍ത്ഥാടന കേന്ദ്രങ്ങളില്‍ ഒന്നായ ഹിങ്കളാജ് മാത ക്ഷേത്രത്തെക്കുറിച്ചും അതിന്റെ ചരിത്രം, ഐതിഹ്യം, തീര്‍ത്ഥാടനം മറ്റു പ്രത്യേകതകള്‍ എന്നിവയെക്കുറിച്ച് വിശദമായി വായിക്കാം....

ഹിങ്കളാജ് മാതാ ക്ഷേത്രം

ഹിങ്കളാജ് മാതാ ക്ഷേത്രം

പാക്കിസ്ഥാനില്‍ ഇന്നും മികച്ച രീതിയില്‍ നിലനില്‍ക്കുന്ന ചുരുക്കം ചില ഹൈന്ദവ ക്ഷേത്രങ്ങളില്‍ ഒന്നാണ് ബലൂചിസ്ഥാന്‍ പ്രവിശ്യയില്‍ സ്ഥിതി ചെയ്യുന്ന ഹിങ്കളാജ് മാതാ ക്ഷേത്രം. ഹിങ്കോള്‍ ദേശീയോദ്യാനത്തിനുള്ളില്‍ . ഖീർതാർ പർവ്വതനിർകളിലെ ഒരറ്റത്താണ് ക്ഷേത്രമുള്ളത്.
ഹിംഗോൾ നദിയുടെ തീരത്തുള്ള ഒരു പർവത ഗുഹയിലെ ദുർഗ്ഗയുടെ അല്ലെങ്കിൽ ദേവിയുടെ ഒരു രൂപമാണിത്. കഴിഞ്ഞ മൂന്ന് പതിറ്റാണ്ടുകളായി ഈ സ്ഥലം വിശ്വാസികള്‍ക്കിടയില്‍ ഏറെ പ്രസിദ്ധമായിട്ടുണ്ട്.
PC:Aliraza Khatri

മൂന്നു ശക്തിപീഠങ്ങളിലൊന്ന്

മൂന്നു ശക്തിപീഠങ്ങളിലൊന്ന്

സതീ ദേവിയുടെ 51 ശക്തിപീഠസ്ഥാനങ്ങളില്‍ ഒന്നും പാക്കിസ്ഥാനിലെ മൂന്ന് ശക്തിപീഠ സ്ഥാനങ്ങളില്‍ ഏറ്റവും പ്രധാനപ്പെട്ടതുമാണ് ഹിങ്കളാജ് മാതാ ക്ഷേത്രം എന്നാണ് വിശ്വസിക്കപ്പെടുന്നത്. സതിയുടെ ശിരസ്സ് ആണ് ഇവിടെ വീണത്. ഇവിടുത്തെ മറ്റു രണ്ടു ശക്തിപീഠങ്ങള്‍ ശിവഹര്‍ക്കാരെയും ശാദരാപീഠവുമാണ്.

PC:Aliraza Khatri

പേരുവന്നതിങ്ങനെ‌

പേരുവന്നതിങ്ങനെ‌

ക്ഷേത്രത്തിന്‍റെ മൂലസ്ഥാനം എന്ത് പ്രകൃതിദത്തമായ ഒരു ചെറിയ മണ്‍ഗുഹയാണ്. അതിനു താഴെതന്നെയായി ഒരു ചെറിയ ബലിപീഠവും കാണാം. മുന്‍പ് സൂചിപ്പിച്ചതുപോലെ മനുഷ്യരൂപത്തിലുള്ള ഒരു പ്രതിഷ്ഠ ഇവി‌ടെ കാണുവാന്‍ സാധിക്കില്ല. പതരം ഇവിടെയുള്ളത് രൂപമില്ലാത്ത ഒരു ചെറിയ കല്ലാണ്. ഇതിനെയാണ് ഇവിടെ പ്രതിഷ്ഠയായി ആരാധിക്കുന്നത്. ഈ കല്ലില്‍ നിറയെ സിന്ദൂരം പുരട്ടിയിട്ടുണ്ട്. അതില്‍ നിന്നാണ് ഈ സ്ഥലത്തിന് സംസ്‌കൃത നാമമായ ഹിംഗുല എന്ന പേരു വന്നതും അത് പിന്നീട് ഹിംഗ്‌ലാജ് എന്ന പേരിന്റെ ഉത്ഭവത്തിന് കാരണമാവുകയും ചെയ്തത് എന്ന് പറയപ്പെടുന്നു.

PC:Uzair189

ശക്തിയുള്ള ദേവി, പ്രാര്‍ത്ഥിച്ചാല്‍ ആഗ്രഹങ്ങള്‍ സഫലം

ശക്തിയുള്ള ദേവി, പ്രാര്‍ത്ഥിച്ചാല്‍ ആഗ്രഹങ്ങള്‍ സഫലം

വളരെ ശക്തിയുള്ള ദേവിയാണ് ഹിങ്കളാജ് മാതാ എന്നാണ് വിശ്വസിക്കപ്പെടുന്നത്. തന്നെ ആശ്രയിച്ചു പ്രാര്‍ത്ഥിക്കുന്ന എല്ലാവര്‍ക്കും ദേവി നന്മ പ്രദാനം ചെയ്യുമെന്നും ആഗ്രഹങ്ങള്‍ സഫലമാക്കുമെന്നും വിശ്വസിക്കപ്പെടുന്നു. ഹിങ്കളാജ് മാതാ ദേവിയുടെ പ്രധാന ക്ഷേത്രമാണിത്. ഗുജറാത്തിലും രാജസ്ഥാനിലും ഹിങ്കളാജ് മാതാ പ്രതിഷ്ഠയുള്ള ക്ഷേത്രങ്ങൾ നിലവിലുണ്ട്. ഓരോ ശക്തിപീഠത്തിലും ശിവനെ ഭൈരവന്റെ രൂപത്തിൽ ആരാധിക്കുന്നു.
PC:Billmirza

ഇസ്ലാം വിശ്വാസികള്‍ സംരക്ഷിക്കുന്ന ക്ഷേത്രം

ഇസ്ലാം വിശ്വാസികള്‍ സംരക്ഷിക്കുന്ന ക്ഷേത്രം

പ്രദേശത്തുള്ള ഇസ്ലാം മത വിശ്വാസികള്‍ ക്ഷേത്രത്തിന്റെ സുരക്ഷയും സംരക്ഷണത്തിലും കാര്യമായ പങ്ക് വഹിക്കുന്നുണ്ട്. പ്രാദേശിക വിശ്വാസികള്‍ പ്രത്യേകിച്ച് സിക്രി ഇസ്ലാം വിശ്വാസികള്‍ ആണ് ഹിംഗ്‌ലജ് മാതാവിനെ ആരാധിക്കുകയും ആരാധനാലയത്തിന് സുരക്ഷ നൽകുകയും ചെയ്യുന്നത്. അവർ ക്ഷേത്രത്തെ "നാനി മന്ദിർ" എന്ന് വിളിക്കുന്നു. ഇവിടുത്തെ ഹൈന്ദവ വിശ്വാസികള്‍ക്കൊപ്പം പ്രാദേശിക മുസ്ലീം ഗോത്രങ്ങളും ഹിംഗ്ലാജ് മാതാ ദേവാലയത്തിലേക്ക് തീർത്ഥാടനം നടത്തുകയും ഈ തീർത്ഥാടനത്തെ "നാനി കി ഹജ്" എന്ന് വിളിക്കുകയും ചെയ്യുന്നു.
PC:Abrar Alam Khan

സൂഫി മുസ്ലീങ്ങളും

സൂഫി മുസ്ലീങ്ങളും

സൂഫി മുസ്ലീങ്ങളും ഹിംഗ്ലാജ് മാതാവിനെ ബഹുമാനിക്കുന്നു. സൂഫി സന്യാസിയായ ഷാ അബ്ദുൾ ലത്തീഫ് ഭിട്ടായി ഹിംഗ്‌ലാജ് മാതാ ക്ഷേത്രം സന്ദർശിച്ചിരുന്നു,ഷാ അബ്ദുൾ ലത്തീൻ ഭിട്ടായി ഹിംഗ്‌ലാജ് മാതാവിന് ആദരാഞ്ജലി അർപ്പിക്കാൻ ഹിംഗ്‌ലാജ് മാതാ മന്ദിർ സന്ദർശിക്കാനും ഹിംഗ്‌ലാജ് മാതയ്ക്ക് പാൽ അർപ്പിക്കാനും കഠിനമായ യാത്ര നടത്തി എന്നൊരു ഐതിഹ്യമുണ്ട്.അദ്ദേഹം പാൽ അർപ്പിച്ച ശേഷം ഹിംഗ്ലാജ് മാതാവ് അദ്ദേഹത്തിന് മുന്നിൽ പ്രത്യക്ഷപ്പെട്ടു എന്നും വിശ്വസിക്കപ്പെടുന്നു.

PC:Tayyab Malikk

ഹിംഗ്‌ലജ് യാത്ര

ഹിംഗ്‌ലജ് യാത്ര

ഹിംഗ്‌ലജ് യാത്ര എന്നത് പാക്കിസ്ഥാനിലെ ഏറ്റവും പ്രധാനപ്പെട്ട ഹൈന്ദവ തീര്‍ത്ഥാടനങ്ങളില്‍ ഒന്നാണ് എല്ലാ വര്‍ഷവും ഏപ്രില്‍ മാസത്തിലാണ് ഹിങ്കളാജ് മാത ക്ഷേത്രത്തിലേയ്ക്ക് നാലു ദിവസം നീണ്ടുനിൽക്കുന്ന തീർത്ഥാടനം നടക്കുന്നത്.മൂന്നാം ദിവസമാണ് പ്രധാന ചടങ്ങ് നടക്കുന്നത്. മൂന്നു തേങ്ങകളാണ് ഇവി‌ടെ നേര്‍ച്ചയായി അര്‍പ്പിക്കുന്നത്. കറാച്ചിയിലെ നാനാദ് പന്തി അഖാടയിൽ നിന്നാണ് സാധാരണഗതിയിൽ തീർത്ഥാടനം ആരംഭിക്കുന്നത്. ചിലർ നാല് ദിവസവും ഹിംഗ്‌ലാജിൽ തുടരുമ്പോൾ, മറ്റുള്ളവർ ചെറിയൊരു ദിവസത്തെ യാത്ര നടത്തുന്നു.

PC:Mhtoori

ഇന്ത്യയില്‍ നിന്നും പാക്കിസ്ഥാനില്‍ നിന്നും

ഇന്ത്യയില്‍ നിന്നും പാക്കിസ്ഥാനില്‍ നിന്നും

പാക്കിസ്ഥാനില്‍ നിന്നു മാത്രമല്ല, ഇന്ത്യയില്‍ നിന്നും നിരവധി വിശ്വാസികള്‍ ഹിംഗ്‌ലാജില്‍ തീര്‍ത്ഥാടനം നടത്തുന്നു.ഒരു കാലത്ത് അടുത്തുള്ള റോഡിൽ നിന്ന് മരുഭൂമിയിലൂടെ കാൽനടയായി 150 കിലോമീറ്ററിലധികം നടന്നായിരുന്നു യാത്ര നടത്തിയിരുന്നത്. ഇപ്പോൾ കറാച്ചിയെ ഗ്വാദറുമായി ബന്ധിപ്പിക്കുന്ന മക്രാൻ തീരദേശ ഹൈവേ എളുപ്പമാക്കിയിരിക്കുന്നു.
PC:Billmirza

വിഭജനത്തിനു മുന്‍പ്

വിഭജനത്തിനു മുന്‍പ്

1947-ൽ ഇന്ത്യയുടെയും പാക്കിസ്ഥാന്റെയും വിഭജനത്തിനു മുന്‍പ് ഇന്നത്തെ പാകിസ്ഥാൻ ഉൾപ്പെടുന്ന പ്രദേശത്ത് 14% ജനങ്ങളും ഹൈന്ദവ വിശ്വാസികളും സിക്ക് വിശ്വാസികളും ആയിരുന്നു. എന്നാല്‍ പിന്നീട് ഇവരുടെ ഇന്ത്യയിലേക്കുള്ള കുടിയേറ്റം കാരണം ആ ജനസംഖ്യ 1.6% അല്ലെങ്കിൽ ഏകദേശം 3 ദശലക്ഷമായി കുറഞ്ഞു. ഇവരില്‍ ഭൂരിഭാഗം പേരും സിന്ധ് പ്രവിശ്യയിലെ തർപാർക്കർ ജില്ലയിലാണ് ഇപ്പോള്‍ വസിക്കുന്നത്. ഹിംഗ്‌ലാജ് മാതാ ക്ഷേത്രത്തിലേക്കുള്ള തീർത്ഥാടകരുടെ ഏറ്റവും വലിയ സംഘമാണ് ഇവിടെ നിന്നുള്ളവര്‍.
PC:Mhtoori

ബാബ ചന്ദ്രഗുപ്

ബാബ ചന്ദ്രഗുപ്

ഹിംഗ്‌ലാജ് മാതാ ദേവാലയത്തിലേക്കുള്ള യാത്രാമധ്യേയുള്ള തീർത്ഥാടകരുടെ ഒരു പ്രധാന സ്റ്റോപ്പാണ്
ബാബ ചന്ദ്രഗുപ്. ബാബ ചന്ദ്രഗുപ് അഗ്നിപർവ്വതത്തിൽ ഭക്തർ
ചന്ദ്രഗുപ് എന്ന മണ്ണ് അഗ്നിപർവ്വതത്തെ ഹിന്ദുക്കൾ വിശുദ്ധമായി കണക്കാക്കുന്നു,തങ്ങളുടെ പ്രാർത്ഥനകൾക്ക് ഉത്തരം നൽകിയതിന് ദൈവങ്ങൾക്ക് ആശംസകൾ നേരാനും നന്ദി പറയാനും ഭക്തർ ഗർത്തങ്ങളിലേക്ക് തേങ്ങ എറിയുന്നു
ചന്ദ്രഗുപ് മണ്ണ് അഗ്നിപർവ്വതത്തെ ശിവന്റെ മൂർത്തീഭാവമായി ആരാധിക്കുന്നു. ബാബ ചന്ദ്രകുപ്പിനെ ആരാധിച്ചതിന് ശേഷം മാത്രമേ ഹിംഗ്‌ലാജിന്റെ ക്ഷേത്രത്തിൽ പ്രവേശിക്കാൻ കഴിയൂ എന്ന് പല തീർത്ഥാടകരും വിശ്വസിക്കുന്നു.
PC:Banksboomer

ഹിംഗ്ലാജിലെ വിശുദ്ധ താഴ്വരഹിംഗ്ലാജിലെ വിശുദ്ധ താഴ്വര

ഹിംഗ്ലാജിലെ വിശുദ്ധ താഴ്വരഹിംഗ്ലാജിലെ വിശുദ്ധ താഴ്വര


ഹിംഗ്‌ലാജ് താഴ്‌വര ഹിംഗ്‌ലാജ് മാതാ ആയി കണക്കാക്കപ്പെടുന്നു, അതിനാൽ ഇത് വിശ്വാസികള്‍ക്ക് ഇവിടം വളരെ പവിത്രമാണ്.
ഹിംഗ്‌ലാജ് താഴ്‌വരയുടെ മുഴുവൻ പ്രദേശങ്ങളുമായും ചന്ദ്രഗുപ് അഗ്നിപർവ്വതത്തിന് ചുറ്റുമുള്ള പ്രദേശവുമായോ അല്ലെങ്കിൽ മുഴുവൻ മരുഭൂമിയും ദേവിയുടെ ഭവനമായി കണക്കാക്കപ്പെടുന്നു
PC:Mohammad Waqas Ahmad

രാമന്‍ തീര്‍ത്ഥാടനം നടത്തിയ സ്ഥാനം

രാമന്‍ തീര്‍ത്ഥാടനം നടത്തിയ സ്ഥാനം


രാവണനെ വധിച്ചതിന് ശേഷം വനവാസം കഴിഞ്ഞ് രാമൻ അയോധ്യയുടെ രാജാവാകാന്‍ രാമന്‍ തിരിച്ചെത്തിയപ്പോള്‍ ഇതുവരെ ചെയ്ത പാപങ്ങളില്‍ നിന്നെല്ലാം സ്വയം ശുദ്ധീകരിക്കാൻ, ശുദ്ധീകരിക്കാൻ കഴിയുന്ന ഒരേയൊരു സ്ഥലമായ ഹിംഗ്‌ലാജ് മാതയിലേക്ക് രാമൻ ഒരു തീർത്ഥാടനം നടത്തണമെന്ന് കുംബോദർ മുനി ആവശ്യപ്പെട്ടു. രാമൻ ഉപദേശം അനുസരിക്കുകയും ഉടൻ തന്നെ സൈന്യവുമായി ഹിംഗ്‌ലാജിലേയ്‌ക്ക് പുറപ്പെട്ടു. സീത, ലക്ഷ്മണൻ, ഹനുമാൻ എന്നിവരും കൂടെയുണ്ട്.
PC:Mhtoori

 ദേവി തടയുന്നു

ദേവി തടയുന്നു

പർവത ചുരത്തിൽ എത്തിയപ്പോള്‍ ദേവിയുടെ സൈന്യം ഹിംഗ്ലാജ് വിശുദ്ധ താഴ്‌വരയിലേക്കുള്ള പ്രവേശനം തടയുകയും അവർക്കിടയിൽ ഒരു യുദ്ധം പൊട്ടിപ്പുറപ്പെടുകയും ചെയ്തു, അതിൽ ദേവിയുടെ സൈന്യം രാമന്റെ സൈന്യത്തെ പരാജയപ്പെടുത്തി അവന്റെ സൈന്യത്തോട് പിൻവാങ്ങണമെന്ന് പറഞ്ഞു.എന്തുകൊണ്ടാണ് അവൾ തന്നോട് യുദ്ധം ചെയ്തതെന്ന് അന്വേഷിക്കാൻ രാമ ദേവിയുടെ അടുത്തേക്ക് ഒരു ദൂതനെ അയച്ചപ്പോള്‍ രാമന്‍ ഒരു സാധാരണ തീര്‍ത്ഥാടകമായി വരണമെന്നാണ് ദേവി ആവശ്യപ്പെട്ടത്. ഇതനുസരിച്ച് അങ്ങനെ രാമൻ തന്റെ പരിവാരങ്ങളെയും സൈന്യത്തെയും വാഹനങ്ങളെയും ഉപേക്ഷിച്ച് തന്റെ ഏറ്റവും അടുത്ത സുഹൃത്തുക്കളെ മാത്രം അനുഗമിച്ച് ശ്രീകോവിലിലേക്ക് നടക്കാൻ പുറപ്പെടുന്ന. വളരെ കഷ്ടപ്പാടുകള്‍ സഹിച്ച് രാമനും കൂട്ടരും ഈ യാത്ര പൂര്‍ത്തിയാക്കിയെന്നാണ് ഐതിഹ്യങ്ങള്‍ പറയുന്നത്. തന്റെ പൂർത്തീകരിച്ച യാത്രയെ അടയാളപ്പെടുത്തുന്നതിനായി, ക്ഷേത്രത്തിന് എതിർവശത്തുള്ള പർവതത്തിൽ അദ്ദേഹം സൂര്യന്റെയും ചന്ദ്രന്റെയും ചിഹ്നങ്ങൾ കൊത്തിയെടുത്തിട്ടുണ്ട്, അത് ഇന്നും കാണാം
PC:Dockashi

ക്ഷേത്രം സ്ഥിതി ചെയ്യുന്നത്

ക്ഷേത്രം സ്ഥിതി ചെയ്യുന്നത്

ബലൂചിസ്ഥാനിലെ ലിയാരി തെഹ്‌സിലിന്റെ വിദൂര മലമ്പ്രദേശത്തുള്ള ഒരു ഇടുങ്ങിയ മലയിടുക്കിലാണ് ഹിംഗ്‌ലാജ് മാതയുടെ ഗുഹാക്ഷേത്രം സ്ഥിതി ചെയ്യുന്നത്. ഇത് വടക്കുപടിഞ്ഞാറായി 250 കിലോമീറ്റർ (160 മൈൽ), അറബിക്കടലിൽ നിന്ന് 12 മൈൽ (19 കിലോമീറ്റർ) ഉള്ളിലും ഇന്‍ഡസിന്‍റെ തുടക്കത്തില്‍ നിന്നും പടിഞ്ഞാറ് 80 മൈൽ (130 കിലോമീറ്റർ) അകലെയുമാണ് സ്ഥിതി ചെയ്യുന്നത്. ഹിംഗോൾ നദിയുടെ പടിഞ്ഞാറൻ തീരത്തുള്ള മക്രാൻ മരുഭൂമിയിലെ കിർത്തർ പർവതനിരകളുടെ അറ്റത്തായാണ് ഇതുള്ളത്. ഹിംഗോൾ ദേശീയ ഉദ്യാനത്തിന് കീഴിലാണ് ഈ പ്രദേശം ഉള്ളത്.
PC:Uzair189

ശബരിമല തിരുവാഭരണ ഘോഷയാത്ര...അറിയാം ഐതിഹ്യവും വഴികളുംശബരിമല തിരുവാഭരണ ഘോഷയാത്ര...അറിയാം ഐതിഹ്യവും വഴികളും

ശിവന്‍റെ കണ്ണുനീരാല്‍ രൂപപ്പെ‌ട്ട കുളം, ശ്രീകൃഷ്ണന്‍ തറക്കല്ലിട്ട് പാണ്ഡവര്‍ പണിത ക്ഷേത്രം...ശിവന്‍റെ കണ്ണുനീരാല്‍ രൂപപ്പെ‌ട്ട കുളം, ശ്രീകൃഷ്ണന്‍ തറക്കല്ലിട്ട് പാണ്ഡവര്‍ പണിത ക്ഷേത്രം...

Read more about: temple devi temples pilgrimage
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X