'ഐ സീ പോണ്ടി 2022'- 'എക്സ്പ്ലോര്‍ ' ചെയ്യാം പോണ്ടിച്ചേരി... ബീച്ച് ഫെസ്റ്റിവല്‍

'ഐ സീ പോണ്ടി 2022'

നാലു ദിവസം നീണ്ടു നില്‍ക്കുന്ന പോണ്ടി ബീച്ച് ഫെസ്റ്റിവല്‍ ഏപ്രില്‍ 13 മുതല്‍ 16 വരെയാണ് നടക്കുന്നത്. അടുത്ത ബുധനാഴ്ച ആരംഭിക്കുന്ന ഫെസ്റ്റിവല്‍ ശനിയാഴ്ച തീരുമെങ്കിലും ഞായറാഴ്ചത്തെ അവധി കണക്കിലെടുത്ത് പോണ്ടിച്ചേരി ശരിക്കും ആസ്വദിച്ചു സന്ദര്‍ശിക്കുന്ന വിധത്തില്‍ സഞ്ചാരികള്‍ക്ക് യാത്ര പ്ലാന്‍ ചെയ്യാം.

നാല് ഇടങ്ങളിലായി

ബീച്ചുകള്‍ക്കും ഫ്രഞ്ച് സംസ്കാരത്തിനും പേരുകേട്ടിരിക്കുന്ന ഇവിടുത്തെ പ്രധാനപ്പെട്ട നാലു കേന്ദ്രങ്ങളിലായാണ് ഫെസ്റ്റിവല്‍ നടക്കുന്നത്. ഗാന്ധി സ്റ്റാച്യൂ, ബീച്ച് പ്രൊമെനേഡ്, ചുന്നാമ്പർ വാട്ടർ സ്പോർട്സ് കോംപ്ലക്സ്, പോണ്ടി മറീന, പാരഡൈസ് ബീച്ച് എന്നിവിടങ്ങളാണത്. കഴിഞ്ഞ കുറച്ച് ആഴ്ചകളായി ഇവിടെ കൊവിഡ് കേസുകള്‍ റിപ്പോര്‍ട്ട് ചെയ്തിട്ടില്ല.

ഫാഷനും സംഗീതവും അതിലധികവും

അതിശയങ്ങളുടെ ഒരു കാഴ്ചയായിരിക്കും ഫെസ്റ്റിവല്‍ സന്ദര്‍ശകര്‍ക്കായി ഒരുക്കുന്നത്. ഫാഷൻ, സംഗീതം, ഭക്ഷണം, വിനോദം, സാംസ്കാരിക പരിപാടികൾ തുടങ്ങി നിരവധി പരിപാടികൾ ഫെസ്റ്റിവലിൽ ഉണ്ടായിരിക്കുമെന്ന് ടൂറിസം മന്ത്രി കെ.ലക്ഷ്മിനാരായണൻ വാർത്താസമ്മേളനത്തിൽ അറിയിച്ചു.

ആസ്വദിക്കാം ഓരോ ദിവസവും

ഫെസ്റ്റിവലിന്‍റെ ഓരോ ദിവസവും ആസ്വദിക്കുവാന്‍ സാധിക്കുന്ന തരത്തിലാണ് പരിപാടികള്‍ സംഘടിപ്പിച്ചിരിക്കുന്നത്. ഫാഷൻ ഷോ, സ്കൈ ലാന്‍റേണ്‍ ഡിസ്പ്ലേ, ലൈവ് ബാൻഡ് പ്രകടനങ്ങൾ, പട്ടം പറത്തൽ, സിലംബം, ഉറിയടി ഇവന്റുകൾ, വയലിൻ കച്ചേരി, വോളിബോൾ ടൂർണമെന്റ്, ഫോക്ക്‌ലോർ സംഗീത നൃത്തം, സിനിമാ ഓർക്കസ്ട്ര, ബബിൾ ഷോ, കാറ്റമരൻ റേസ്, പപ്പറ്റ് ഷോ, ജിംനാസ്റ്റിക്‌സ് എന്നിവയും ഫെസ്റ്റിവലിൽ നടക്കും.
ഏപ്രിൽ 14 ന് സൈക്കിൾ മാരത്തണും ഏപ്രിൽ 16 ന് രാവിലെ 10:30 മുതൽ രാത്രി 9:30 വരെ നാല് വേദികളിലായി സീഫുഡ് ഫെസ്റ്റിവലും ഉണ്ടായിരിക്കും.

ഏറ്റവും കുറഞ്ഞ ചിലവില്‍ പോണ്ടിച്ചേരി കാണാം... ഒരാഴ്ചത്തെ ചിലവ് ഇങ്ങനെ

വര്‍ക്കല യാത്ര വ്യത്യസ്തമാക്കാം..പോകാം കാപ്പില്‍ ബീച്ചിലേക്കും തിരുവമ്പാടി ബീച്ചിലേക്കും...വ്യത്യസ്തമായ കാഴ്ച