Click it and Unblock the Notifications
നിത്യവസന്തമെന്ന് അറിയപ്പെടുന്ന മനോഹരമായ കുന്നുകള്, അതിന്റെ താഴ്വാരങ്ങളില് മരംകൊണ്ടുണ്ടാക്കിയ വീടുകളില് താമസിക്കുന്ന ഗോത്രവിഭാഗക്കാര്, കണ്ണെത്തുന്നിടത്തെല്ലാം മനോഹരമായ കാഴ്ചകള്, പിന്നെ ചുറ്റോടുചുറ്റും തേയിലത്തോട്ടങ്ങളും പൂന്തോട്ടങ്ങളും പൂത്തുലഞ്ഞു നില്ക്കുന്ന ഓറഞ്ച് മരങ്ങളും... ഇങ്ങനെയൊക്കയുള്ള സ്ഥലങ്ങള് നമ്മുടെ നാട്ടിലുണ്ടോ എന്നായിരിക്കും സംശയം...സംശയത്തിന്റെ ആവശ്യമേയില്ല. ഇങ്ങനെയുള്ള മനോഹരമായ സ്ഥലങ്ങളും നമ്മുടെ നാട്ടിലുണ്ട്.
ത്രിപുരയിലെ നിത്യവസന്തത്തിന്റെ കുന്നായ ജാംപൂയെയും അവിടുത്തെ പ്രസിദ്ധമായ ഓറഞ്ച് ഫെസ്റ്റിവലിനെയും അറിയാം.
നിത്യവസന്തത്തിന്റെ മലനിരകള്
കുന്നിന്ചെരുവിലെ ഓറഞ്ച് തോട്ടങ്ങള്
ഇന്ത്യയിലെ ഏറ്റവും മികച്ച ഓറഞ്ച് ഉല്പ്പാദിപ്പിക്കുന്ന ഇവിടെ 1960 കളിലാണ് ഓറഞ്ച് ഫെസറ്റിവല് എന്നൊരു ആശയം ഉടലെടുക്കുന്നത്. വീട്ടാവശ്യങ്ങള്ക്കു വേണ്ടി മാത്രം ഓറഞ്ച് ഉല്പ്പാദിപ്പിച്ചിരുന്ന ഇവിടുത്തുകാര് വളരെ യാദൃശ്ചികമായാണ് കയറ്റുമതിയിലേക്ക് തിരിഞ്ഞത്. അത് വന്വിജയമായി മാറി. ഓറഞ്ചുകളുടെ വിളവിന് പ്രകൃതിയോടുള്ള ഉപകാരസ്മരണയായാണ് ഫെസ്റ്റിവല് തുടങ്ങിയതത്രെ.
നവംബര് മുതല് ഡിസംബര് വരെയുള്ള സമയത്ത് നടക്കുന്ന ഫെസ്റ്റിവലില് പങ്കെടുക്കാന് ലോകത്തിന്റെ വിവിധ ഭാഗങ്ങളില് നിന്നായി ആളുകള് എത്തിച്ചേരാറുണ്ട്.
ഓറഞ്ചുകള്കൊണ്ട് നിര്മ്മിച്ച കോട്ടകളും മറ്റു രൂപങ്ങളുമൊക്കെ ഇവിടെ പ്രദര്ശനത്തിനുണ്ടാവും.
ജാംപോയിലെ സൂര്യദര്ശനം
ജാംപൂയ് ഹൈക്കിങ്
സാബൂലിലെ ബോട്ടിങ്
ജാംപൂയ് സന്ദര്ശിക്കാന്
മാര്ച്ചു മുതല് മെയ് വരെയുള്ള സമയം ഇവിടുത്തെ പൂക്കാലമാണ്. ഓര്ക്കിഡുകളും കാട്ടുചെടികളും മരങ്ങളും പൂക്കളാല് നിറഞ്ഞു നില്ക്കുന്ന കാഴ്ചയാണ് മാര്ച്ചുമുതലുള്ള പ്രത്യേകത.
മഴക്കാലങ്ങളില് മഞ്ഞുപൊതിഞ്ഞു നില്ക്കുന്ന മലനിരകളുടെ ദര്ശനം തേടിയും സന്ദര്ശകര് ധാരാളമായി എത്താറുണ്ട്.
അഗര്ത്തല കാണാം
എത്തിച്ചേരാന്
ധരംനഗറെന്നും കുമാര്ഘട്ടെന്നും പേരുള്ള റെയില്വേ സ്റ്റേഷനുകള് ജാംപൂയില് നിന്നും 70 കിലോമീറ്റര് അകലെയാണ് സ്ഥിതി ചെയ്യുന്നത്. ട്രെയിനില് വരുന്നവര്ക്ക് ഇവിടെയിറങ്ങി കാഞ്ചന്പൂര് വഴി ജാംപൂയിലെത്താം.
