കേട്ടിട്ടില്ലേ കിള്ളിക്കുറിശ്ശി മംഗലത്തേക്കുറിച്ച്

01. ലക്കിടി

പാലക്കാട് ജില്ലയിലെ കിള്ളിക്കുറി‌ശ്ശി മംഗലം ലക്കിടി എന്നും അറിയപ്പെടുന്നുണ്ട്. ലക്കിടിക്ക് കിഴക്കേ അതിരിലൂടെയാണ് ഭാരതപ്പുഴ ഒഴുകുന്നത്. പാലക്കാടെ പ്രധാന ടൗണുകളിൽ ഒന്നായ ഒറ്റപ്പാലത്ത് നിന്ന് 8 കിലോമീറ്റർ അകലെയായാണ് ലക്കിടി സ്ഥിതി ചെയ്യുന്നത്.
Photo Courtesy: Sreekanthv

02. പേരിന് പിന്നിൽ

ലക്കിടി ഗ്രാമത്തിൽ സ്ഥിതി ചെയ്യുന്ന ശ്രീ കിള്ളിക്കുറിശ്ശി മഹാദേവ ക്ഷേത്രത്തിൽ നിന്നാണ് ഈ ഗ്രാമത്തിന് കിള്ളിക്കുറിശ്ശി എന്ന പേര് ലഭിച്ചത്.
Photo Courtesy: Sreekanthv

03. ക്ഷേത്രം

കേരളത്തിലെ പ്രാചീന ക്ഷേത്രങ്ങളിൽ ഒന്നാണ് ശ്രീ കിള്ളിക്കുറിശ്ശി മഹാദേവ ക്ഷേത്രം. ശ്രീ ശുകബ്രഹ്മർഷി ഇവിടുത്തെ ക്ഷേത്രം സ്ഥാപിച്ചതെന്നാണ് വിശ്വസിക്കപ്പെടുന്നത്. ലക്കിടി ജംഗ്ഷനിൽ നിന്ന് രണ്ട് കിലോമീറ്റർ അകലെയായാണ് ഈ ക്ഷേത്രം സ്ഥിതി ചെയ്യുന്നത്.
Photo Courtesy: RajeshUnuppally at Malayalam Wikipedia

04. പര‌ശുരാമൻ

പരശുരാമൻ സ്ഥാപിച്ച കേരളത്തിലെ 108 ശിവാലയങ്ങളിൽ ഒന്നായും ഈ ക്ഷേത്രത്തെ കണക്കാക്കുന്നുണ്ട്. തപസ് ചെയ്യുന്ന ദക്ഷിണാമൂർത്തിയായിട്ടാണ് ശിവനെ ഇവിടെ പ്രതിഷ്ഠിച്ചിരിക്കുന്നത്.
Photo Courtesy: Ramanarayanadatta astri

05. പാണ്ഡവർ

പാണ്ഡവർ തങ്ങളുടെ വനവാസ കാലത്ത് തങ്ങളുടെ പിതാവായ പാണ്ഡുവിന് വേണ്ടി പിതൃതർപ്പണം നടത്താൻ 108 ക്ഷേത്രങ്ങളും സന്ദർശിച്ചെന്നും അവയിൽ ഏറ്റവും ഒടുവിൽ സന്ദർശിച്ച ക്ഷേത്രം ഇതാണെന്നുമാണ് വിശ്വാസം.
Photo Courtesy: Ramanarayanadatta astri

06. കുട്ടികൾ സംസാരിക്കാൻ

കദളിപ്പഴനേദ്യമാണ് ഈ ക്ഷേ‌‌ത്രത്തിലെ പ്രധാന നൈവേദ്യങ്ങളിൽ ഒന്ന്. ഇവിടെ കദളിപ്പഴം നേദിച്ചുകഴിക്കുന്നത് ജന്മനാ സംസാരശേഷിയില്ലാത്ത കുട്ടികൾക്ക് സംസാരശേഷി കൈവരും എന്നു വിശ്വസിക്കുന്നു.
Photo Courtesy: RajeshUnuppally at ml.wikipedia

07. കലക്കത്ത് ഭവനം

ലക്കിടി റെയിൽവേ സ്റ്റേഷന് സമീപത്തായാണ് കുഞ്ചൻ നമ്പ്യാരുടെ ജന്മ സ്ഥലമായ കലക്കത്ത് ഭവനം സ്ഥിതി ചെയ്യുന്നത്. കേര‌ള പുരാവസ്തു വകുപ്പിന്റെ ‌കീഴിലാണ് ഈ സ്ഥലം.
Photo Courtesy: Mullookkaaran